ነቲ ገዛ ትቕበሎ

ንዓኻ ዝኸውን ገዛ ምስ ዝህሉው ብዛዕባ እዚ ደብዳቤ ክትቕበል ኢኻ። ኣብቲ ደብዳቤ ድማ መዓስ ነቲ ገዛ ክትርእዮ ከም እትኽእል ተጠቒሱ ይርከብ። እዚ ድማ ናይ ርእየት ምብጻሕ ይበሃል።

መብዛሕትኡ ግዜ ነቲ ገዛ ኣብ እትርእየሉ መዓልቲ ኢኻ ናይቲ እትካረዮ ገዛ ውዕል ትፍርም። ሓደ ሓደ ግዜ ድማ መጀመርታ ነቲ ገዛ እትርእዮ እሞ፣ ኣብ ድሒሩ ዝመጽእ ግዜ ኸኣ ነቲ ናይ ክራይ ውዕል ትፍርም።

ነቲ ገዛ ንምቕባል፣ ነቲ ናይ ክራይ ውዕል ክትፍርመሉ ኣለካ። እዚ ውዕል እዚ ኣብ መንጎኻን ኣብ መንጎ ኣካራዪን ዝተገብሩ ስምምዓት ዝሓዘ እዩ። 

ኣብ ውዕል ክራይ መብዛሕትኡ ግዜ እንታይ ሓበሬታ ከምዝጠቓለል ኣብዚ ታሕቲ ከተንብብ ትኽእል ኢኻ፡

• ስምካ

• ስም ናይቲ ኣካራዪ

• መጠን ክፍሊት ናይቲ ክራይ ገዛ። እዚ መብዛሕትኡ ግዜ ነቲ ገዛ ጥራይ እትኸፍሎ ዋጋ እዩ። እዚ መብዛሕትኡ ግዜ ንመብራህቲ፣ ጋዝን ማይን እትኸፍሎ መጠን ገንዘብ ዘጠቓልል ኣይኮነን።

• እቲ ኣድራሻ

• መግለጺ ናይቲ ዝተኻረየ ገዛ። ንኣብነት ብዝሒ ክፍልታትን፣ ጀርዲንን መኽዘንን ዘለዎ ምዃኑን ዘይምዃኑን።

• ውዕል ክራይ ዝጅምረሉ ዕለት

• እትኸፍለሉ ዕለትን ኣገባብን

• እቲ ዋጋ ክራይ ምናልባት ክውስኸሉ ዝኽእል ዕለት

• ንነበርቲ ዝምልከቱ ሕግታት

• ንጽገና ናይቲ ገዛ ዝምልከቱ ስምምዓት

• ክታምካን ክታም ናይ ኣካራዪን

ዳርጋ ኣብ ኩሉ ኩነታት ነቲ ገዛ ንኽትቅበሎ ግዴታ ኣለካ፣ ስለዚ ድማ ነቲ ናይ ክራይ ውዕል ክትፍርም ኣለካ። እዚ ኣይትገብርን ዲኻ? ስለዚ

እዚ ማለት COA ነቲ ገዛ ነጺግካዮ ይብል ማለት እዩ። ብድሕሪኡ ገዛ ከይሃለወካ እንከሎ ካብቲ መዕቆቢ ናይ COA ለቂቕካ ንኽትወጽእ ክትግደድ ትኽእል ኢኻ።