ካብ መዕቆቢ ናብ ገዛኻ ትግዕዝ

ውዕል ክራይ ድሕሪ ምፍራምካ፣ ኣብቲ እትነብረሉ ምምሕዳር ከተማ ኣብ ዝርከብ

ኣብ

ካብ ደሞዝ ዝኽፈሎ ስራሕ ዝርከብ ዝኾነ ወይ እኹል ኣታዊ እንተድኣ ዘይብልካ ኮይኑ፣ ካብ መንግስቲ ገንዘባዊ ሓገዝ ንኽትረክብ መሰል ኣለካ። እዚ ድማ 'ማሕበራዊ ጥቕሚ' ወይ 'ማሕበራዊ ደገፍ ጥቕሚ' ይበሃል። እዚ ክትነብረሉ ዘኽእለካ ነፍስወከፍ ወርሒ ካብ መንግስቲ እትረኽቦ ገንዘብ እዩ። ንኣብነት ካብዚ ክራይ ገዛኻ ትኸፍል።

ማሕበራዊ ደገፍ ጥቕሚ -bijstandsuitkering- ናይ ምርካብ መሰል ኣለካ ድዩ? ስለዚ ካብቲ ኣብቲ ምምሕዳር ከተማ ዘመልከትካሉ ዕለት ጀሚርካ ኢኻ ነዚ እትቕበሎ፣ እምበር ቅድሚኡ ኣይኮነን። ስለዚ ነዚ ኣብ ግዚኡ ከም እተመልክት ኣረጋግጽ። ብኸምዚ ድማ ውሑድ ገንዘብ ንኸይትረክብ ከተወግድ ትኽእል።

ኣብ VWN ዝርከብ ኣማኻሪኻ ወይ ናይ ካልእ ውድብ ማሕበራዊ ኣማኻሪ፣ ማሕበራዊ ደገፍ ጥቕሚ ኣብ ምምልካት ክሕግዘካ ይኽእል እዩ።

ኣብ መብዛሕትአን ምምሕዳራት ከተማ 1ይ ገዛኻ ኣቑሑት ንኸተዋድደሉ ልቓሕ ክትረክብ ትኽእል ኢኻ። እዚ ናይ ኣቑሑት ልቓሕ ይበሃል። እዚ ልቓሕ ዓበይቲ ኣቑሑት ገዛን ካልኦት ኣገደስቲ ነገራትን ንኽትገዝእ ይሕግዘካ። መጠን ናይ ኣቑሑት ልቓሕ ኣብ ነፍስወከፍ ምምሕዳር ከተማ ይፈላለይ እዩ። እቲ ናይ ኣቑሑት ልቓሕ መብዛሕትኡ ግዜ ልቓሕ እዩ፣ እዚ ማለት እቲ ዝተለቃሕካዮ ገንዘብ ኣብ መወዳእታኡ ንምምሕዳር ከተማ ክትመልሰሉ ኣለካ ማለት እዩ።

ኣብ ገሊአን ምምሕዳራት ከተማ፣ ኣብ ኩነትካ ዝምርኮሱ ነቲ ገንዘብ ክትመልስ ዘይትግደደሎም ኣማራጺታት ኣለዉ። እቶም ኣማራጺታት ኣየኖት ምዃኖምን፣ ብኸመይ ከተመልክት ከም እትኽእልን ንምሕታት፣ ምስ ምምሕዳር ከተማኻ ርክብ ግበር።

ኣብ ገዛኻ ክትነብር ንኽትክእል ዝተወሰኑ ውዕላት ክትፍጽም ኣለካ። ንኣብነት፡

• ናይ ኤሌክትሪክን ጋዝን ውዕል

• ናይ ማይ ውዕል

• ናይ ተሌቪዥንን ኢንተርነትን ውዕል

• ናይ ትሕዝቶ ቤት መድሕን

ኣብ VWN ዝርከብ ኣማኻሪኻ ወይ ናይ ካልእ ውድብ ማሕበራዊ ኣማኻሪ ብዛዕባ እዚ ክሕግዘካ ይኽእል እዩ።

ገዛ ትግዕዝ ከምዘለኻ ንኸተፍልጦም፣