IND ኣብዞም ፍሉያት ኩነታት፣ መመልከቲታት ምጥርናፍ ስድራ-ቤት ብዝቐልጠፈ የመስርሕ

ህጹጽ ሕቶ ከተቕርበሎም እትኽእል ኩነታት እዚኦም እዮም፡

• ሕክምናዊ ህጹጽነት፡ ኣባል ስድራ-ቤትካ ንህይወት ኣብ ሓደጋ ዘእቱው ሕክምናዊ ኩነታት እንተሃልዩ ነዚ ሕቶ ተቕርብ።

• ዘይሕክምናዊ ህጹጽነት፡ እዚ ሕቶ እዚ ንኣዝዩ ህጹጽ ኩነታት ዝምልከት ኮይኑ፣ ብዛዕባ ጥዕና ዘይኮነ እዩ። ንኣብነት እንተድኣ ትሕቲ 18 ዓመት ዝዕድሚኦም ቆልዑት ደጊም ወላዲ ወይ ኣላዪ ዘይብሎም ኮይኖምን፣ ካልእ ክኣልዮም ዝኽእል ቤተሰብ ዘየለ ምስ ዝኸውንን።

IND ኣብ ኔዘርላንድ ዑቕባ ንምርካብ ዝሕግዙ ምኽንያታት፣ ንዘመልከትካዮ ምጥርናፍ ስድራ-ቤት ብዝቐልጠፈ ንምምስራሕ ከም ምኽንያት ኣይርእዮን እዩ። ንኣብነት ኣባል ስድራ-ቤትካ ኣብ ናይ ኲናት ዞባ ስለዝነብር፣ IND ንመመልከቲኻ ብቕልጡፍ ኣየመስርሖን እዩ። ብዙሓት ምጥርናፍ ስድራ-ቤት ዝተሓተተሎም ሰባት ኣብ ሓደገኛ ኩነታት ስለዝነብሩ፣ IND ብዛዕባ እዚ ፍሉይ ኣረኣእያ ኣይገብርን እዩ።

ህጹጽ ሕቶ ንምቕራብ እዞም ዝስዕቡ ሰነዳት የድልዩኻ፡

1. ንህጹጽ ሕቶኻ ዝድግፉ መርትዖታት፡ ህጹጽ ሕቶኻ ንምንታይ ኣገዳሲ ምዃኑ ዘርእዩ ሰነዳት ኣተሓሒዝካ ለኣኽ። እዚኦም ንኣብነት ብዛዕባ ሕክምናዊ ኩነታት ኣባል ስድራ-ቤትካ ዝገልጹ ሰነዳት ክኾኑ ይኽእሉ። ናይ እተቕርቦ ሕቶ ካልእ ህጹጽ ምኽንያት ዘረጋግጹ ሰነዳት እውን ክትሰድድ ትኽእል ኢኻ። እዞም ሰነዳት ናብ ቋንቋ ኔዘርላንድ ከምዝትርጎሙ ድማ ኣረጋግጽ።

2. መመልከቲ ምጥርናፍ ስድራ-ቤት፡ ናይ ምጥርናፍ ስድራ-ቤት መመልከቲ ድሮ ናብ IND ዘቕረብካ ክትከውን ኣለካ። ብዘይ እዚ መመልከቲ ህጹጽ ሕቶ ከተቕርብ ኣይትኽእልን ኢኻ።

IND ነቲ ህጹጽ ሕቶኻ እንተድኣ ኣጽዲቑዎ፣ ምምስራሕ ናይ ዘመልከትካዮ ምጥርናፍ ስድራ-ቤት ዝቐልጠፈ ክኸውን እዩ። እዚ ማለት ብዛዕባ ኩነታትካ ዝያዳ ቀልጢፍካ ውሳኔ ትረክብ ማለት እዩ። ከምዚ ኮይኑ እናሃለወ ግን፣ IND ውሳኔ ንኽወስድ ገና ሳምንታት ወይ ኣዋርሕ ክወስድ ይኽእል እዩ።

ጠበቓታት ህጹጽ ሕቶ ከቕርቡልካ ኣይክእሉን እዮም። ነዚ ክገብሩ ዝኽእሉ ሰራሕተኛታት ናይ

ድሮ መመልከቲኻ ንኸመስርሕ ዝተመደበ ሰራሕተኛ ናይ IND ኣሎ ድዩ? ስለዚ ህጹጽ ሕቶ ከተቕርብ ኣየድልየካን እዩ። መመልከቲኻ ብዝቐልጠፈ ክምስራሕ ዝኽእል ምዃኑን ዘይምዃኑን ምስዚ ሰራሕተኛ ክትዘራረብ ትኽእል ኢኻ። እዚ እንተድኣ ዘይሰለጠካ ድማ ምስ VWN ርክብ ግበር።