ኣብ ኔዘርላንድ መኪና ትገዝእ እንተድኣ ኮይንካ እዚ ክትፈልጥ ኣለካ

ኣብ ኔዘርላንድ መብዛሕትኡ ግዜ ካልኣይ ኢድ መካይን እየን ካብ ነጋዳይ መኪና ወይ ካብ ሰብ ዝዕደጋ። ከም Marktplaats.nl ከምኡ እውን Autoscout24.nl ዝኣመሰሉ መርበባት-ሓበሬታ፣ ብኢንተርነት ካልኣይ ኢድ መካይን ንምግዛእ ክትጥቀመሎም እትኽእል ቦታታት እዮም። ብመንገዲ እዞም መርበባት-ሓበሬታ ድማ ነጋዶ መካይንን ውልቀሰባትን መካይን ይሸጡ። ካብ ነጋዳይ መኪና ምግዛእን ዘይምግዛእን ግን ፍልልያት ኣለዎ፡   

• መብዛሕትኡ ግዜ ካብ ነጋዳይ መኪና እትገዝኣ መኪና ተተኣማምን እያ። ነጋዳይ መኪና ሓደስቲ ን/ወይ ኣብ ጥቕሚ ዝወዓላ መካይን ዝሸይጥ ትካል ወይ ሰብ እዩ። ብዙሕ ግዜ ዋሕስ ማለት ጋራንሲ ትረክብ ኢኻ። እዚ ማለት ጸገም እንተተፈጢሩ ክትምለስ ትኽእል ማለት እዩ። ነጋዶ ኣብ ምዝገባን መድሕንን እውን ይሕግዙ እዮም።   

• ካብ ሰብ መኪና ምግዛእ መብዛሕትኡ ግዜ ዝሓሰረ ኮይኑ፣ ካብ ነጋዳይ መኪና ንላዕሊ ዝያዳ ስግኣታት ዘለዎ እዩ። መብዛሕትኡ ግዜ ዋሕስ ማለት ጋራንሲ የብሉን፣ ከምኡ እውን ኣብታ መኪና ብቕጽበት ዘይትርእዮ ጸገማት ክህሉው ይኽእል እዩ። ስለዚ ድማ ብዙሓት ሰባት ኣብ ኔዘርላንድ መኪና ቅድሚ ምግዝኦም መኪናኦም ብክኢላ የመርመሩ።

ብዘይካ እቲ ናይ መኪና ዋጋ ዕድጊ፣ ካልኦት ወጻኢታት ኣብ ግምት ከተእቱው ኣለካ፡ ንሳቶም ድማ፡ 

• ናይ መጓዓዚ-ሰባት መካይንን ሞተር ብሽክለታን (BPM) ግብሪ፡ ሓዳስ መኪና ኣብ እትገዝኣሉ እዋን ነዚ ግብሪ ትኸፍል። 

• ግብሪ ተሽከርከርቲ ሞተር (MRB)፡ እዚ ኣብ ክብደት መኪናን ዓይነት ነዳድን ዝምርኮስ ወርሓዊ ወይ ርብዒ-ዓመታዊ ዝኽፈል ግብሪ እዩ። 

• መድሕን፡ ኣብ ኔዘርላንድ መድሕን መኪና ምግባር ግዴታ እዩ። እንተወሓደ

  መድሕን ሕጋዊ ተሓታትነት (WA-verzekering)
  ግዴታ እዩ። 

• ጽገና ከምኡ እውን APK፡ መካይን ብስሩዕ ክጽገናን ክምርመራን ኣለወን (APK)። እዚኦም ኣብ ግምት ከተእትዎም ዘለካ ተደጋጋምቲ ወጻኢታት እዮም። 

መኪና እንተድኣ ገዚእካ ኣብ

መኪና ንምትሕልላፍ እዞም ዝስዕቡ ሰነዳት የድልዩኻ፡ 

• ሕጋዊ ናይ ወጻኢ ሃገር መለለዪ መንነት፤ ከምኡ እውን 

• ካብ

  መሰረታዊ መዝገብ ሰባት (BRP)
  ዝተረኽበ ናትካ
  ቁጽሪ ኣገልግሎት ዜጋ (BSN)
  ዘለዎ ቅዳሕ። ነዚ ቅዳሕ ንምርካብ ናብ ምምሕዳር ከተማ ከተመልክት ትኽእል ኢኻ፣ ካብ 3 ኣዋርሕ ንላዕሊ ዝገበረ ክኸውን ድማ የብሉን። 

መኪና ክትገዝእ እንተድኣ ኮይንካ፣ እታ መኪና ጽቡቕ ከም እትዝውር ንምርግጋጽ፣ ኩሉ ግዜ ንፈተነ ክትዝውራ ትኽእል ኢኻ። ኩሎም ወረቓቕቲ ስሩዓት ምዃኖም ድማ ተቖጻጸር፣ ከም ናይ ጽገና መዝገብ፣ ናይ APK መርመራን ናይ ታርጋ ምስክር ወረቐትን ዝኣመሰሉ።