ናይ ዑቕባ መንበሪ ፍቓድ ምስ ዝህልወካ ናይ ሽቕለት ኣልቦነት ደገፍ ምምልካት

ነዞም ቅድመ-ኩነታት ምስ እተማልእ ናይ ሽቕለት ኣልቦነት ደገፍ (WW-uitkering) ንኽትረክብ መሰል ክህልወካ ይኽእል እዩ፡  

• ኣብተን ሽቕለት ኣልቦ ቅድሚ ምዃንካ ዘለዋ 36 ሳምንታት፣ ን26 ሳምንታት ብተኸታታሊ ሰሪሕካ ኢኻ።

• ብደሞዝ ተቖጺርካ ኢኻ ሰሪሕካ።

• ኣብ ኔዘርላንድ ኢኻ እትነብር።

• ብማእከላይ ገምጋም ኣብ ሰሙን 10 ሰዓታት ትሰርሕ ነይርካ።

• ኣብ ሰሙን 5 ሰዓታት ወይ ልዕሊኡ ናይ ስራሕ ተኽእሎ ዝሰኣንካ ኢኻ።

• ብሰንኪ ናትካ ጥፍኣት ሽቕለት ኣልቦ ዝኾንካ ኣይኮንካን።

• ብቐጥታ ካልእ ደሞዝ ዝኽፈሎ ስራሕ ክትደልይ ክትጅምር እትኽእል ኢኻ።

ንኹሎም ናይ ሽቕለት ኣልቦነት ደገፍ ቅድመ-ኩነታት ትማልእ ዲኻ? ስለዚ መጀመርታ ን3 ኣዋርሕ ናይ ሽቕለት ኣልቦነት ደገፍ ክትረክብ ኢኻ። ኣብ ዝሓለፉ 5 ዓመታት፣ ን4 ዓመታት ሰሪሕካ ዲኻ? ስለዚ ምናልባት ንነዊሕ እዋን ናይ ሽቕለት ኣልቦነት ደገፍ ክትረክብ መሰል ክህልወካ ይኽእል እዩ።

1. ናይ ሽቕለት ኣልቦነት ደገፍ ካብ

   ፈጻሚ ተቕዋም መድሕን ሰራሕተኛታት (UWV)
   ኢኻ እተመልክት። እዚ ኣብ ኔዘርላንድ ገንዘባዊ ደገፍ ዝህብ ተቕዋም እዩ።

2. ብኢንተርነት ናብ ናይ UWV ፕሮፋይልካ ብመንገዲ ናትካ

   DigiD
   ክትኣቱው ትኽእል ኢኻ። ኣብኡ ገንዘባዊ ደገፍ ንምርካብ ከተመልክት ትኽእል ኢኻ።

3. ቅድሚ ሕጂ ከምኡ እንተዘይገይርካ ናይ ኢ-መይል ኣድራሻኻን ቁጽሪ ተሌፎንካን ኣብ ናይ UWV ፕሮፋይልካ ኣቐምጥ።

ቅድሚ 1 ሰሙን ካብታ ሽቕለት ኣልቦ እትኾነላ ቀዳመይቲ መዓልቲ ጀሚርካ ገንዘባዊ ደገፍ ንምርካብ ከተመልክት ትኽእል ኢኻ። እዚ ክሳብ 1 ሰሙን ድሕሪ እታ ናይ መወዳእታ ናይ ስራሕ መዓልትኻ ክትገብሮ ትኽእል ኢኻ። እንተድኣ ነዚ ድሒርካ ገይርካዮን ደገፍ ናይ ምርካብ መሰል ምስ ዝህልወካን፣ ኣብ ምጅማር ናይቲ ደገፍ ትሑት መጠን ገንዘብ ክትረክብ ኢኻ።

ኣብ

ናይ ሽቕለት ኣልቦነት ደገፍ ክትረክብ ገና መሰል የብልካን ድዩ? ወይ እትረኽቦ ናይ ሽቕለት ኣልቦነት ደገፍ ድሮ ኣብቂዑ፣ ግን ድማ ገና ሓድሽ ስራሕ ኣይረኸብካን ዲኻ? ስለዚ ካብቲ እትነብረሉ ምምሕዳር ከተማ ገንዘባዊ ማሕበራዊ ደገፍ ንምርካብ ከተመልክት ትኽእል ኢኻ።