ብናይ ዑቕባ መንበሪ ፍቓድ ገንዘባዊ ማሕበራዊ ደገፍ ንምርካብ ምምልካት

ገንዘባዊ ማሕበራዊ ደገፍ፣ ኣታዊ እንተዘይብልካ ወይ ንመነባብሮ እኹል እንተዘይኮይኑ እትረኽቦ ገንዘብ እዩ። እዚ እትረኽቦ ከም ናይ ሽቕለት ኣልቦነት ደገፍ (WW) ዝኣመሰሉ ደገፋት ክትረክብ መሰል ምስ ዘይህልወካ ጥራይ እዩ።

ስራሕ ዘይብልካን፣ ገና ኣብ ኔዘርላንድ ዘይሰራሕካን ምስ እትኸውን ገንዘባዊ ማሕበራዊ ደገፍ ንምርካብ ከተመልክት ትኽእል ኢኻ። ወይ ኣብ ዝሓለፉ 36 ሳምንታት (8 ኣዋርሕ) ትሕቲ 26 ሳምንታት (6 ኣዋርሕ) ዝሰራሕካ ምስ እትኸውን።

ነዞም ቅድመ-ኩነታት ምስ እተማልእ ኣብ ኔዘርላንድ ገንዘባዊ ማሕበራዊ ደገፍ ክትረክብ መሰል ኣለካ፡

• ኣብ ኔዘርላንድ እትነብርን ኔዘርላንዳዊን ኢኻ፣ ወይ ሕጋዊ መንበሪ ፍቓድ ኣለካ።

• ዕድሜኻ 18 ዓመት ወይ ልዕሊኡ እዩ።

• ክትነብረሉ እትኽእል እኹል ኣታዊ ወይ ንብረት የብልካን፣ ንኣብነት ንክራይ-ገዛን መግብን ዝኸውን።

• ካልኦት ገንዘባዊ ደገፋት ናይ ምርካብ መሰል የብልካን።

• ኣብ ቤት-ማእሰርቲ ኣይኮንካን ዘለኻ።

ምምሕዳራት ከተማ እየን ኣብ ምምሕዳረን ንዝነብሩ ሰባት ማሕበራዊ ገንዘባዊ ደገፍ ዘዋድዳ። ሓደ ሓደ ግዜ ኣምሳያ እትረኽቦ ገንዘባዊ ደገፍ ገለ ነገር ከተበርክት ኣለካ። እዚ ንኣብነት ወለንታዊ ስራሕ ወይ ትምህርቲ ቋንቋ ኔዘርላንድ ምክትታል ክኸውን ይኽእል።

ማሕበራዊ ገንዘባዊ ደገፍ ከተመልክት ትደልይ ዲኻ? እዚ ብኢንተርነት ወይ ኣብ ምምሕዳር ከተማ ክግበር ይከኣል። ብኢንተርነት ማሕበራዊ ገንዘባዊ ደገፍ ንምምልካት፣ ነዞም ዝስዕቡ ስጉምትታት ተኸተል፡

1. ናብ www.werk.nl

   ኪድ፣ ኣብቲ 'uitkering' ዝብል ድማ ጠውቕ።

2. ኣብቲ 'Inschrijven als werkzoekende / bijstandsuitkering aanvragen' ዝብል ሰማያዊ ጠውቕ።

3. ብናትካ DigiD እተው።

4. ነቲ መመልከቲ ምልኣዮ።

ናብ ምምሕዳር ከተማ ብምኻድ ማሕበራዊ ገንዘባዊ ደገፍ ከተመልክት እንተድኣ ኮይንካ እትመርጽ፣ መብዛሕትኡ ግዜ መጀመርታ ምስ ምምሕዳር ከተማ ቆጸራ ክትሕዝ ኣለካ።

ገዛኻ ኣቑሑት ንኸተዋድደሉ ካብ ምምሕዳር ከተማ ገንዘብ ተለቂሕካ ዲኻ? ስለዚ ምምሕዳር ከተማ ነቲ ልቓሕ ንምምላስ፣ ወርሓዊ ገለ ክፋል ናይቲ እትረኽቦ ማሕበራዊ ገንዘባዊ ደገፍ ክቅንስ ይኽእል እዩ። ስለዚ ድማ እቲ ልቓሕ ክሳብ ዝምለስ ወርሓዊ ቁሩብ ዝወሓደ ገንዘባዊ ደገፍ ትረክብ።

ገንዘባዊ ማሕበራዊ ደገፍ ናይ ምርካብ መሰል ኣለካ ድዩ? ስለዚ እዚ ካብታ ናብ ምምሕዳር ከተማ ዘመልከትካላ ዕለት ጀሚርካ ኢኻ እትቕበል። ናይቲ መመልከቲኻ ቅድሚ ምቕራብካ ዘሎ እዋን ገንዘባዊ ማሕበራዊ ደገፍ ኣይትረክብን ኢኻ። ገንዘብ ንኸይትኸስር ንምክልኻል ብዝተኻእለ መጠን ቀልጢፍካ ኣመልክት።

ኣብ