ድሕሪ ምጥርናፍ ስድራ-ቤት ምናልባት ናይ ባዕልኻ መንበሪ ፍቓድ ክትረክብ ትኽእል ትኸውን ኢኻ

ኣብ ኔዘርላንድ 2 ዝተፈላለየዩ ዓይነታት ናይ ዑቕባ መንበሪ ፍቓዳት ኣለዉ።

ኣብ መንጎ እቶም 2 ዓይነታት ናይ ዑቕባ መንበሪ ፍቓድ ዘሎ ፍልልይ ኣብዚ ታሕቲ ኣንብብ፡

• ዝመንጨወ ናይ ዑቕባ መንበሪ ፍቓድ

ዝመንጨወ መንበሪ ፍቓድ፣ ኣባል ስድራ-ቤትካ ኣብ ኔዘርላንድ ኣብ ዘለዎ መንበሪ ፍቓድ ዝምርኮስ እዩ። መንበሪ ፍቓድካ ዘገልግለሉ ግዜ ድማ ኣብቲ ናይ ኣባል ስድራ-ቤትካ መንበሪ ፍቓድ ዘገልግለሉ ግዜ እዩ ዝምርኮስ። እቲ ፍቓድ ብስም ኣባል ስድራ-ቤትካ እዩ።

• ርእሱ-ዝኸኣለ ናይ ዑቕባ መንበሪ ፍቓድ

ርእሱ-ዝኸኣለ ናይ ዑቕባ መንበሪ ፍቓድ ማለት ንስኻ ባዕልኻ ኣብ ኔዘርላንድ ዑቕባ ንምርካብ ኣመልኪትካ ኣለኻ ማለት እዩ። ንዓኻ ንባዕልኻ ኣብ ኔዘርላንድ ዑቕባ ከም ዝተዋህበካ ማለት እውን። እቲ መንበሪ ፍቓድ ድማ ብስምካ እዩ።

ርእሱ-ዝኸኣለ ናይ ዑቕባ መንበሪ ፍቓድ ን5 ዓመት ዘገልግል እዩ። እዚ ግዜኡ ክውድቕ እንተድኣ ቐሪቡ IND ንኸናውሓልካ ክትሓትት ትኽእል ኢኻ። ኣብቲ ግዜ እቲ ቀዋሚ መንበሪ ፍቓድ ንምርካብ እውን ክትሓትት ትኽእል ኢኻ። ዝመንጨወ ፍቓድ ምስ ዝህልወካ ነዚ ባዕልኻ ክትገብሮ ኣይትኽእልን ኢኻ።

ምስ ኣባል ስድራ-ቤትካ ዘለካ ዝምድና እንተድኣ ኣቋሪጹ፣ IND ንዘለካ ዝመንጨወ መንበሪ ፍቓድ እውን ደው ከብሎ ይኽእል እዩ፣ ንኣብነት ኣባል ስድራ-ቤትካ ስለ ዝሞተ፣ ወይ ንስኻን መጻምድትኻን ስለ ዝተፈላለኹም። IND ፍቓድ ናይ ኣባል ስድራ-ቤትካ ደው ከብሎ ድዩ? ስለዚ IND ንዘለካ ዝመንጨወ መንበሪ ፍቓድ እውን ደው ከብሎ ልዑል ተኽእሎ ኣሎ።

ዝመንጨወ መንበሪ ፍቓድ ድዩ ዘለካ፣ ግን ድማ ናይ ገዛእ-ርእስኻ ፍቓድ ትልደይ ዲኻ? ስለዚ ዝተወሰኑ ቅድመ-ኩነታት ምስ እተማልእ፣ ርእሱ-ዝኸኣለ መንበሪ ፍቓድ ንምርካብ ከተመልክት እውን ትኽእል ኢኻ። ነዚ እትገብሮ ባዕልኻ ናብ IND ዑቕባ ንምርካብ ብምምልካት እዩ። እዚ ዝከኣል ድሮ ኣብ ኔዘርላንድ ምስ እትህሉው ጥራይ እዩ።