ኣስተውዕል፡ ሓደ ክፋል ናይዚ ዓንቀጽ ገና ኣይተተርጎመን ኣሎ። ተርጎምቲ ድማ ይሰርሕሉ ኣለዉ። ንምሉእ እቲ ዓንቀጽ ብቋንቋኻ ንኸተንብብ ኣብ ቀረባ እዋን ተመለስ።

ምንጪ፡ Wikimedia Commons

ዓንቀጽ

ኣብ ኔዘርላንድ ህዝባዊ መጓዓዝያ ብኸምዚ እዩ ዝሰርሕ

ናይ መወዳእታ ዝተሓደሰሉ: 13/1/2025 8:55 ቅ.ቀ.

ኣብ ኔዘርላንድ ዳርጋ ናብ ኩሉ ቦታ ብህዝባዊ መጓዓዝያ ክትበጽሕ ትኽእል ኢኻ። ብባቡራት፣ ኣውቶቡሳት፣ ትራማትን ሜትሮታትን ኣቢልካ። ኣብዚ ገጽ ብዛዕባ ህዝባዊ መጓዓዝያ ኣብ ኔዘርላንድ ዝያዳ ከተንብብ ትኽእል ኢኻ።

ዝተፈላለያ ትካላት መጎዓዝያ ኣለዋ

ኔዘርላንድ፣ ናይ ዝተፈላለዩ ዓይነታት ህዝባዊ መጓዓዝያ ሓላፍነት ዝስከማ ሓያሎ ትካላት ሞጎዓዝያ ኣለዋ።

መንገዲ ባቡር ኔዘርላንድ (Nederlandse Spoorwegen - NS)

ዝዓበየ ክፋል ናይ መጓዓዝያ ባቡር ኣብ ኔዘርላንድ የዋድድ። ካልኦት ትካላት ሞጎዓዝያ ድማ ኣብ ዝተፈላለዩ ዞባታት ናይ ኣውቶቡሳት፣ ትራምን ሜትሮን መጎዓዝያ ሓላፍነት ይወስዳ።

ብዛዕባ መጓዓዝያ ኣገዳሲ ሓበሬታ ንምርካብ ኣብ መርበብ-ሓበሬታ ናይ ትካል መጎዓዝያ ናይ ዞባኻ ተወከስ። ከምኡ እውን ክህሉው ዝኽእል ጎደሎ ዋጋ ንምርኣይ።

ጉዕዞኻ ኣቐዲምካ ክትውጥን ትኽእል ኢኻ

ኣብ ውሽጢ ሓጺር ግዜ ናብ ዝኾነ ቦታ ክትከይድ ኣለካ ዲኻ? ብኢንተርነት ኣቐዲምካ መገሻኻ ክትውጥን ትኽእል ኢኻ። ንጉዕዞ ባቡር ብዝምልከት ኣብ መርበብ-ሓበሬታ ናይ NS ብኢንተርነት ክትርእይ ትኽእል ኢኻ። ኣብ www.ns.nl

ባቡርካ መዓስ ከም እትብገስ፣ ካብ ኣየናይ መድረኽን፣ ዝኾነ ጸገም ምህላዉን ዘይምህላዉን ክትርእይ ትኽእል ኢኻ። እዚ ብናቶም ናይ ተሌፎንካ ኣፕ እውን ክትገብሮ ትኽእል ኢኻ።

ብዛዕባ ኩሉ ዓይነት መጎዓዝያ ሓበሬታ ክትረክብ ትደልይ ዲኻ? ስለዚ ኣብ www.9292.nl

ተመልከት። ስለዚ ኣብኡ ካብ ገዛኻ ናብቲ እትኸዶ ቦታ ብኸመይ ከም እትበጽሕ ብልክዕ ክትውጥን ትኽእል ኢኻ። ብኸምዚ ድማ ዘይተጸበኻዮ ነዊሕ ግዜ ካብ ምጽባይ ትድሕን። 9292 ዝብል ኣፕ እውን ኣብ ተሌፎንካ ከተውርዶ ትኽእል ኢኻ።

ብቚዕ ትኬት ክህልወካ ኣለዎ

ኩሉ ግዜ ብቚዕ ትኬት ክህልወካ ኣለዎ። ብቚዕ ትኬት ንምርካብ ዝተፈላለዩ መንገድታት ኣለዉ። ንኣብነት ብናይ ህዝባዊ ሞጎዓዝያ ቺፕ ካርድ ብምእታው። ወይ ድማ ካብ ማሽን ናይ ወረቐት ትኬት ብምግዛእ።

ኣብ መደበራት ባቡር መብዛሕትኡ ግዜ ብሽክለታ ክትካረይ ትኽእል

ኣብ ብዙሓት መደበራት ባቡር ካብ NS ብሽክለታ ክትካረይ ትኽእል ኢኻ። እዚ ድማ 'OV-fiets' ይበሃል። 'OV-fiets' ብሽክለታ ንምክራይ ውልቃዊ ናይ ህዝባዊ ምጓዓዝያ ቺፕ ካርድ የድልየካ። ኣብኡ ድማ ብነጻ ናይ 'OV-fiets' ውዕል ክትገብረሉ ትኽእል ኢኻ። ነዚ ኣብ መርበብ-ሓበሬታ ናይ NS፣ ኣብቲ 'Mijn NS' ዝብል ብምእታው ባዕልኻ ክትገብሮ ትኽእል ኢኻ። ኣብቲ ኣብ 'Producten' ዝብል፣ ኣብ ትሕቲ እቲ 'Van Deur tot Deur' ዝርከብ 'OV-fiets' ዝብል ምረጽ። ብድሕሪኡ ናይ 'OV-fiets' ውዕል ክትዕድግ ትኽእል ኢኻ። ምክራይ 'OV-fiets' ብኸመይ ከም ዝሰርሕ ብዝምልከት እውን ኣብዚ ገጽ ሓበሬታ ክትረክብ ኢኻ።

'OV-fiets' ንምጥቃም ንነፍስወከፍ 24 ሰዓታት ኢኻ ትኸፍል። ንትሕቲ 24 ሰዓታት ብሽክለታ ዘድልየካ ምስ ዝኸውን እውን ነዚ መጠን ገንዘብ ኢኻ ትኸፍል።

ንህዝባዊ መጓዓዝያ ዝምልከቱ ሕግታት እዚኦም እዮም

ኣብ ህዝባዊ መጎዓዝያ ዝተወሰኑ ሕግታት ክተኽብር ኣለካ። ኣብዚ ታሕቲ ብዛዕባ እቶም ቀንዲ ኣገደስቲ ከተንብብ ትኽእል ኢኻ፡

ኣብ ኔዘርላንድ ህዝባዊ መጓዓዝያ ብኸምዚ እዩ ዝሰርሕ

ዝተፈላለያ ትካላት መጎዓዝያ ኣለዋ

ጉዕዞኻ ኣቐዲምካ ክትውጥን ትኽእል ኢኻ

ብቚዕ ትኬት ክህልወካ ኣለዎ

ኣብ መደበራት ባቡር መብዛሕትኡ ግዜ ብሽክለታ ክትካረይ ትኽእል

ንህዝባዊ መጓዓዝያ ዝምልከቱ ሕግታት እዚኦም እዮም

ኩሉ ግዜ ንመጎዓዝያኻ ከም ዝኸፈልካ ከተርእይ ክትክእል ኣለካ

ኣብቲ ትኬት ዘለካ ማዕርግ ጥራይ ኢኻ ክትጓዓዝ ትኽእል

ሓደ ሓደ ግዜ ብሽክለታኻ ኣብ ህዝባዊ መጓዓዝያ ምሳኻ ክትማላኣ ይፍቀደልካ እዩ

ንዓረብያ ስንኩላንን ዓረብያ ሕጻናትን ዝኸውን ፍሉይ ቦታታት ኣሎ

ኣብ ህዝባዊ መጓዓዝያ ሽጋራ ምትካኽ ክልኩል እዩ

ረብሻ ድምጺ ወይ ጎሓፋት ክትፈጥር ኣይፍቀደልካን እዩ

እዚ ሓበሬታ እዚ ሓጊዙካ' ዶ?