ምስ ምምሕዳር ከተማ ብሓባር ብዝበለጸ ዝሰማማዓካ ስልጠና ትመርጽ

ዕላማ ናይ 'መንገዲ-B1' እናሰራሕካ እውን ብዝተኻእለ መጠን ቀልጢፍካ ቋንቋ ምምሃር እዩ። 

• ናይ ምውህሃድ ፈተና ንምግባር ናይ ቋንቋ ትምህርቲ ክትከታተል ኣለካ። ነዚ ድማ ምስ ደሞዝ ዝኽፈሎ ስራሕ ወይ ወለንታዊ ስራሕ ትጽንብሮ።

• ቋንቋ ኔዘርላንድ ብደረጃ ቋንቋ

  B1
  ትመሃር፣ ከምኡ እውን ናይ ምንባብ፣ ምጽሓፍ፣ ምዝራብን ምስማዕን ፈተና ትገብር።

• ናይ

  'ኣፍልጦ ሕብረተሰብ ኔዘርላንድ' (KNM)
  ፈተና ትወስድ።

• 'ክፍለ-ስልጠና ዕዳጋ ዕዮን ተሳትፎን' (MAP)
  ትከታተል።

• 'መስርሕ መግለጺ ተሳትፎ' (PVT)
  ትከታተል።

ዕላማ ናይ መንገዲ-o፣ ከም በዓል MBO፣ HBO ወይ ዩኒቨርሲቲ ዝኣመሰለ ኣብ ኔዘርላንድ ዝርከብ ትምህርቲ ንምክትታልን፣ ከምኡ እውን ኣብ ተመሳሳሊ እዋን ምውህሃድካ ንምዝዛምን እዩ።

• ቋንቋ ኔዘርላንድ ብደረጃ

  B1
  ትመሃር። እዚ ቀሊል ቋንቋ ኔዘርላንድ እዩ። ናይ ምንባብ፣ ምጽሓፍ፣ ምዝራብን ምስማዕን ፈተና ድማ ትገብር። 

• ብድምር ናይ 1000 ሰዓታት ትምህርቲ ቋንቋ ኔዘርላንድን፣ ናይ 500 ሰዓታት ትምህርቲ ብዛዕባ ካልኦት ዓውዲታት-ትምህርቲን ክትከታተል ኢኻ። ናብ hbo ወይ ዩኒቨርሲቲ ክትመሃር ትኸይድ እንተድኣ ኮይንካ ድማ ቋንቋ ኔዘርላንድ ብዝለዓለ ደረጃ

  B2
  ትመሃር። ኣብ ገሊኦም ናይ ዩኒቨርሲቲ ስልጠናታት ንምስታፍ ዋላ ደረጃ
  C1
  እውን ትመሃር ኢኻ።

• ናይ

  'ኣፍልጦ ሕብረተሰብ ኔዘርላንድ' (KNM)
  ፈተና ትወስድ።

• 'መስርሕ መግለጺ ተሳትፎ' (PVT)
  ትከታተል።

ዕላማ ናይ መንገዲ-z ኣብ ሕብረተሰብ ኔዘርላንድ ንኽትሳተፍ ምእንቲ ክትክእል እዩ።

• ኣብ ኔዘርላንድ ገዛእ-ርእስኻ ክኢልካ ክትነብር ምእንቲ ክትክእል ቋንቋ ኔዘርላንድ ትመሃር። ቋንቋ ኔዘርላንድ ድማ ኣብ ደረጃ ቋንቋ

  A1
  ትመሃር።

• እንተወሓደ 800 ሰዓታት ትምህርቲ ቋንቋ ኔዘርላንድ ትከታተል።

• እንተወሓደ ን800 ሰዓታት ዝጸንሕ ንጥፈታት ትከታተል፣ በዚ መንገዲ ድማ ብዛዕባ ኔዘርላንድ ዝያዳ ትመሃር። እዚ ወለንታዊ ስራሕ፣ ፈጠራዊ ወይ ስፖርታዊ ንጥፈታት ክኸውን ይኽእል።

• ፈተናታት ምግባር ኣየድልየካን እዩ።

• 'ክፍለ-ስልጠና ዕዳጋ ዕዮን ተሳትፎን' (MAP)
  ትከታተል።

• 'መስርሕ መግለጺ ተሳትፎ' (PVT)
  ትከታተል።

• ናይ

  'ኣፍልጦ ሕብረተሰብ ኔዘርላንድ' (KNM)
  ትምህርቲ ትከታተል።

• ምስ ናትካ ናይ ምምሕዳር ከተማ ተጸዋዒ-ሰብ ጽቡቕ ናይ መወዳእታ ዝርርብ ድሕሪ ምግባርካ፣ ነቲ 'መንገዲ ርእሰ-ምኽኣል' ብዓወት ትዛዝሞ።

ቅድሚ ምስ ምምሕዳር ከተማ እትገብሮ ዝርርብ፣ እንታይ ዓይነት ስራሕን ትምህርትን ከም ዘለካ ኣቀዲምካ ክትጽሕፎ ትኽእል ኢኻ። እዚ ኣብ ሲቪ -CV- ክትገብሮ ትኽእል ኢኻ።