ቀዋሚ መንበሪ ፍቓድ እንታይ እዩ?

ብመንገዲ ግዝያዊ ፍቓድ መንግስቲ ኔዘርላንድ ንግዚኡ ኣብ ኔዘርላንድ ንኽትጸንሕ ፍቓድ ይህበካ። ቀዋሚ መንበሪ ፍቓድ ምስ ዝወሃበካ ድማ ኣብ ኔዘርላንድ ሓዋሩ ክትጸንሕ ትኽእል ኢኻ።

ኣብ ኔዘርላንድ ዑቕባ ንምርካብ እንተድኣ ኣመልኪትካ፣ ኩሉ ግዜ መጀመርታ ግዝያዊ ፍቓድ ኢኻ እትረክብ። ቀዋሚ ፍቓድ ንምርካብ ከተመልክት እትኽእል ግዝያዊ ናይ ዑቕባ መንበሪ ፍቓድ ሒዝካ ን5 ተኸታተልቲ ዓመታት ኣብ ኔዘርላንድ ምስተቐመጥካ ጥራይ እዩ።

IND ንመንበሪ ፍቓድካ ኣብዞም ዝስዕቡ ኩነታት ጥራይ እዩ ከቋርጾ ዝኽእል፡

• ብዛዕባ ገዛእ-ርእስኻን ኩነትካን ቅኑዕ ሓበሬታ እንተድኣ ዘይሃብካን፣ IND ነዚ ምስ ዝፈልጦን።

• ብኸቢድ ዘቕጽዕ ገበን እንተድኣ ፈጺምካን፣ ብዛዕብኡ እንተድኣ ተፈሪድካን።