ኣብ እዋን እቲ ናይ ምጽባይ ግዜ፣ ብዝተኻእለ መጠን ብዙሓት ንመንነትካን ናይ ህድማ ታሪኽካን ዝድግፉ ሰነዳት ክትእክብ ኣገዳሲ እዩ።

VWN ብሕጋዊ ደገፍ እውን ክሕግዘካ ይኽእል እዩ። ከምኡ እውን ሰነዳትን መርትዖታትን ኣብ ምእካብ ይሕግዘካ። ካብ VWN እትረኽቦ ሓገዝ ገለልተኛን ብነጻን እዩ።

ሓደ ሓደ ግዜ መርመራ ሕማም ዓባይ ሰዓል ይግበረልካ እዩ፣ እዚ ድማ ኣብ መበቆል ሃገርካ ዝምርኮስ እዩ። ሕማም ዓባይ ሰዓል ዘለካ ምዃኑን ዘይምዃኑን ኣብቲ መቐበሊ ነርስ ትምርምረካ። ኣድላዪ ምስ ዝኸውን እታ ነርስ ናይ ሳንቡእካ ራጂ ክትወስድ እያ። ሕማም ዓባይ ሰዓል ምስ ዝህልወካ ድማ ነዚ ዝኸውን መድሃኒት ይወሃበካ።

ኩሉ ግዜ ናብቲ ናይ ሕማም ዓባይ ሰዓል መርመራ ኪድ። መርመራ እንተድኣ ዘይገበርካ፣ IND ንመስርሕካ ደው ከብሎ ይኽእል እዩ። ስለዚ ናብቲ ቆጸራ ከም እትኸይድ ኣረጋግጽ። 

ሓደ ሓደ ግዜ ኣብቲ ናይ ምጽባይ ግዜ ብዙሕ ግዜ ናብ ካልኦት ኣብ ኔዘርላንድ ዝርከቡ መቐበሊ ቦታታት ትሰጋገር ኢኻ። እዚ ዝኾነሉ ምኽንያት ድማ ኣብዚ እዋን ኣብቶም መቐበሊ ቦታታት ኣዝዩ ውሑድ ቦታ ስለዘሎ እዩ። ብሰንኪ እዚ ድማ መብዛሕትኡ ግዜ ንሓጺር ግዜ ኣብ ጥቕሚ ዝውዕሉ ብዙሓት

ከም ንቡር ኣሰራርሓ ምስ IND 1ይ ቃለ-መሕትትካ ድሕሪ ምግባርካ፣ 2ይ ቃለ-መሕትትካ ንኽትገብር ከባቢ 6 መዓልታት ክትጽበይ ኣለካ። እንተኾነ ግን IND ጻዕቂ ስራሕ ስለዘለዎ፣ ሕጂ ምስ IND ካልኣይ ቃለ-መሕትትካ ክሳብ እትገብር ብማእከላይ ገምጋም 37 ሳምንታት እዩ ዝወስድ።  

ገሊኦም ሰባት ካብ ካልኦት ንላዕሊ ነዊሕ ግዜ ክጽበዩ ኣለዎም።ምስ IND 2ይ ቃለ-መሕትት ንምግባር ንምንታይ ገሊኦም ሰባት ካብ ካልኦት ንላዕሊ ተራኦም ኣቐዲሙ ከምዝበጽሕ መብዛሕትኡ ግዜ ንጹር ኣይኮነን። እዚ ሓደ ሓደ ግዜ ምስ መበቆል ሃገርካ ዝተኣሳሰር ክኸውን ይኽእል እዩ፣ እንተኾነ ግን ኩሉ ግዜ ከምኡ ኣይኮነን።