ከም LHBTQIA+ ሰብ ኣብ ኔዘርላንድ ምንባር

ኔዘርላንድ ንመውስቦ ሓደ ዓይነት ጾታ ዘለዎም ሰባት ሕጋዊ ዝገበረት 1ይቲ ሃገር ተባሂላ ትፍለጥ። ካብ 2001 ጀሚሩ ኣብ ኔዘርላንድ ከማኻ ሓደ ዓይነት ጾታ ምስ ዘለዎ ሰብ ክትምርዖ ትኽእል ኢኻ። ግን ድማ ኣዝዩ ኣቐዲሙ ኣብ 1927 ምናልባት ኣብ ዓለም 1ይ ዝኾነ ናይ ግብረሰዶማውያን ባር ኣብ ኔዘርላንድ ተኸፊቱ። እዚ Café 't Mandje ይበሃል። ክሳብ ሕጂ እውን ኣሎ፣ ኣብ ኣምስተርዳም ኣብ Zeedijk ክትረኽቦ ድማ ትኽእል ኢኻ።

ድሕሪ ካልኣይ ኲናት ዓለም 'de Shakespeare Club' ዝበሃል ናይ

ንኣብነት COC ኣንጻር ዓንቀጽ 248bis 1ይ ሰላማዊ ሰልፊ ወዲቡ። እዚ ዓንቀጽ እዚ ወዲ 21 ወይ 22 ዓመት ኮይንካ፣ ንወዲ 20 ዓመት ኣፍቃሪኻ ክትስዕም እንተድኣ ተረኺብካ ክትእሰር ከም እትኽእል ዘረጋግጽ እዩ ነይሩ። እዚ ድማ ዝተፈላለየ ጾታ ዘለዎም ሰባት ካብ 16 ዓመት ዕድሚኦም ጀሚሮም ጾታዊ ርክብ ክገብሩ ዝፍቀደሎም ዝነበረ ክነሱ እዩ። ኣብ 1971 ድማ እቲ ዓንቀጽ ካብ ሕጊ ናይ ኔዘርላንድ ተሰሪዙ።

ከማኻ ሓደ ዓይነት ጾታ ምስ ዘለዎ ሰብ ምምርዓው ወይ ምዝጉብ ሓዳር ምግባር ይከኣል እዩ። ኣብ ኔዘርላንድ LHBTQIA+ ሰባት፣ ቆልዑት ክርዕሙ ወይ ናበይቲ ወለዲ ክኾኑ እውን ይኽእሉ እዮም። ንኣብነት ካብ 2014 ጀሚሩ 2 ደቂ-ኣንስትዮ ብሓባር ቆልዓ ክህልወንን፣ ክልቲአን ድማ ሕጋውያን ወለዲ ናይቲ ቆልዓ ክኾናን ይኽእላ እየን።

ኔዘርላንድ ምስ ስዊድንን ዴንማርክን ብሓባር፣ ካብ ኩለን ሃገራት ኤውሮጳ ንላዕሊ ብዛዕባ

ብዙሓት ኣብ ኔዘርላንድ ዝርከቡ LHBTQIA+ ሰባት ብዛዕባ ጾታዊ ዝንባለኦም ወይ ጾታዊ መንነቶም ግሁዳት እዮም። ንኣብነት ብዛዕባ እዚ ንወለዶም፣ ኣዕሩኽቶም፣ መሓዙቶምን መሳርሕቶምን ይነግሩ።

ብዛዕባ ጾታዊ ዝንባለኻ ንኽትነግርን ንኸተህግዶን ገና ድሉው ዘይኮንካ ኮይኑ ምስ ዝስምዓካ፣ እዚ እውን ጸገም የብሉን። ውልቃዊ ምርጫ እዩ። ነፍስወከፍ ሰብ ጾታዊ ዝንባለኡ ከግህድ ይኽእል ወይ ይደልይ ማለት ኣይኮነን፣ ዋላ ኣብ ኔዘርላንድ እውን እንተኾነ።