ብመንበሪ ፍቓድ ትምህርቲ ንምክትታል ዘለዉ ቅድመ-ኩነታት

ነዞም ቅድመ-ኩነታት ከተማልእ ኣለካ፡ 

• ኣብ ኔዘርላንድ ናይ ዑቕባ መንበሪ ፍቓድ ኣለካ። 

• ምስ ደረጃ ናይቲ ክትከታተሎ እትደልይ ትምህርቲ ዝዳረግ ብቚዕ ዲፕሎማ ኣለካ።

• ናይ ወጻኢ ዲፕሎማኻ ምስ ናይ ኔዘርላንድ ትምህርቲ ክነጻጸር ኣለዎ። እዚ ድማ ግምገማ ብቕዓት ዲፕሎማ ይበሃል። ነዚ ክሳብ ሕጂ ኣይገበርካን ዲኻ? ስለዚ ምስ

  ኣህጉራዊ ግመገማ ብቕዓት ዲፕሎማ (IDW)
  ርክብ ግበር። 

• ነቲ ክትከታተሎ እትደልይ ትምህርቲ ብዝድለይ ደረጃ ቋንቋ ኔዘርላንድ (ወይ እንግሊዝኛ) ትዛረብን ትጽሕፍን ኢኻ።

• ናይ ትምህርቲ ወጻኢታት ክትከፍል ትኽእል ኢኻ።

እቶም ከተማልኦም ዘለካ ቅድመ-ኩነታት ንነፍስወከፍ ደረጃ ትምህርቲ ይፈላለዩ እዮም። ብዛዕባ እዚ ድሒርካ ተወሳኺ ሓበሬታ ኣብዚ ዓንቀጽ ክትረክብ ኢኻ።

ናይ

ብዘይካ እቶም ትምህርቲ ንምክትታል ዘለዉ ሓፈሻዊ ቅድመ-ኩነታት፣ ኣብ mbo ደረጃ 1 ንዝወሃብ ስልጠና ንምክትታል እዞም ዝስዕቡ ቅድመ-ኩነታት ከተማልእ ኣለካ፡

• እንተወሓደ ደረጃ ቋንቋ ኔዘርላንድ

  B1
  ኣለካ።

• ኣብ ዓመተ-ምዝገባ 1 ነሓሰ እንተወሓደ 16 ዓመት ዕድመ ዝመላእካ ኢኻ።

• ኣብ mbo ደረጃ 2፣ mbo ደረጃ 3 ወይ mbo ደረጃ 4 ስልጠና ክትጅምር ዘይትኽእል ኢኻ።

• ኣብ mbo ደረጃ 1 ስልጠና ንምጅማር ዲፕሎማ ኣየድልየካን እዩ።

ብዘይካ እቶም ትምህርቲ ንምክትታል ዘለዉ ሓፈሻዊ ቅድመ-ኩነታት፣ ኣብ mbo ደረጃ 2 ክሳብ 4 ንዝወሃብ ስልጠና ንምክትታል እዞም ዝስዕቡ ቅድመ-ኩነታት ከተማልእ ኣለካ፡

• እንተወሓደ ደረጃ ቋንቋ ኔዘርላንድ B1 ኣለካ።

• ምስ ደረጃ ናይ ስልጠናኻ ዝሰማማዕ ዲፕሎማ ኣለካ። ኣብ መርበብ-ሓበሬታ ናይቲ ክትከታተሎ እትደልይ ስልጠና ኣየናይ ዲፕሎማ ከም ዘድልየካ ክትረክብ ኢኻ።

ሓደ ሓደ ግዜ ናይ mbo ቤት-ትምህርቲ ኣብቶም ንቅድመ-ስልጠና ዝምልከቱ ሕግታት ፍሉይነት ክገብር ይኽእል እዩ። ንኣብነት እቲ ቤት-ትምህርቲ ነቶም ቅድመ-ኩነታት ዘይተማልእ እናሃለኻ ነቲ ስልጠና ብዓወት ክትውድኦ ትኽእል ኢኻ ኢሉ እንተድኣ ሓሲቡ። ብዛዕባ እዚ ንወሃቢ ናይቲ ክትከታተሎ እትደልይ ስልጠና ሕተት።

ብዘይካ እቶም ትምህርቲ ንምክትታል ዘለዉ ሓፈሻዊ ቅድመ-ኩነታት፣ ኣብ

• ብቋንቋ ኔዘርላንድ ስልጠና ንምክትታል ደረጃ ቋንቋ፡ እንተወሓደ B2። ኣብዚ ደረጃ ከም ዝበጻሕካ ብዲፕሎማ ናይ ሃገራዊ ፈተና NT2 ኢኻ እተርእይ።

• ብቋንቋ እንግሊዝ ስልጠና ንምክትታል ደረጃ ቋንቋ፡ እንተወሓደ B2። ኣብዚ ደረጃ ከም ዝበጻሕካ ብምስክር ወረቐት ናይ

  IELTS
  ፣
  TOEFL
  ወይ Cambridge ኢኻ እተርእይ።

• ኣብ ገሊኦም ላዕለዋይ ትምህርቲ ንኽትኣቱው ንኽፍቀደልካ ዝያዳ ክትገብር ኣለካ። እዚ ተኸታቲልካዮም ክትከውን ዘለካ ዝተወሰኑ ትምህርቲ ወይ ወዲእካዮ ክትከውን ዘለካ ዝተወሰነ ስልጠና ዝምልከት ክኸውን ይኽእል እዩ። ብዛዕባ እዚ ንወሃቢ ናይቲ ክትከታተሎ እትደልይ ስልጠና ሕተት።