እዚኦም ኣብ መዕቆቢ ናይ COA ዘለዉኻ መሰላትን ግዴታታትን እዮም

• ኣብ ኔዘርላንድ ነፍስወከፍ ሰብ ማዕረ እዩ። ኣድልዎ ምግባር ክልኩል እዩ። እዚ ኣብ ዓንቀጽ 1

  ቅዋም ሃገረ ኔዘርላንድ
  ተገሊጹ ይርከብ። ኣብ መዕቆቢ ናይ
  ማእከላይ ኣካል መቐበሊ ሓተትቲ ዑቕባ (COA)
  እውን ንዝኾነ ሰብ ኣድልዎ ክትገብር ኣይፍቀደልካን እዩ። ዝተፈላለየ ድሕረ ባይታ ዘለዎም ሰባት ብውሕስነት ብሓባር ክነብሩ ክኽእሉ ኣለዎም።

• ኣብ ልዕሊ ነበርቲ ወይ ሰራሕተኛታት ናይ COA ዝፍጸም መጥቃዕቲ ወይ ጎነጽ ዘቕጽዕ እዩ። ግዳይ ናይ መጥቃዕቲ፣ ጎነጽ፣ ወይ ዘይተበሃጊ ጾታዊ ባህርይ እንተድኣ ኮይንካ/ኪ ናብ ፖሊስ ጥርዓን ንምቕራብ ይከኣል እዩ።

• ኣብ መዕቆቢ ሃይማኖትካ ከተካይድን ፖለቲካዊ ርእይቶ ክህልወካን ይፍቀድ እዩ፣ እንተኾነ ግን ካልኦት ብእኡ ክሽገሩ የብሎምን።

• ናይ ድምጺ ረብሻ ክትፈጥር ኣይፍቀደልካን እዩ። ነፍስወከፍ ሰብ ምእንቲ ክድቅስ ድማ ኣብ መንጎ ሰዓት ሰዓት 22፡00ን 08፡00ን ህድኣት ክህሉው ኣለዎ።

• ብዘይ ፍቓድ ናይ ካልኦት ሰባት ስእሊ፣ ቪድዮ ወይ ድምጺ ምቕራጽ ክልኩል እዩ።

• በጻሕቲ ካብ ሰዓት 08፡00 ክሳብ 22፡00 ምብጻሕ ክፍጽሙ ርሑው እዩ። እብ ዝመጽእሉ እዋን ናብ መቐበሊ ኣጋይሽ ክሕብሩ ኣለዎም። ኣብ ዝወጽእሉ እዋን ድማ ይኸዱ ምህላዎም ኣብኡ ይሕብሩ። ንበጻሕትኻ ካብ መቐበሊ ኣጋይሽ ክትቕበሎም ኣለካ፣ ከምኡ እውን ብዛዕብኦም ተሓታቲ ኢኻ። ንበጻሕቲ ዝምልከቱ ሕግታት ድማ ካብ ሰደቓ-ሓበሬታ ክትሓትት ትኽእል ኢኻ።

• ኣብ መዕቆቢ ሓሽሻትን ኣልኮላዊ መስተታትን ምጥቃም ክልኩል እዩ። ሓሽሻት ወይ ኣልኮላዊ መስተ ክትሕዝ፣ ክትነግድ ወይ ክትጥቀም ኣይፍቀደልካን እዩ።

• ኣብቲ መዕቆቢ ኣብ ደገ ስኽራን ክልኩል እዩ።

• ኣብቲ መዕቆቢ ኣጽዋር ምሓዝ ክልኩል እዩ።

• ኣብ መዕቆቢ ከም በዓል ኒቓብ ወይ ቡርቃ ዝኣመሰሉ ንገጽ ዝሽፍኑ ክዳውንቲ ምኽዳን ክልኩል እዩ። ኣብ ናይ ባዕልኻ/ኺ መንበሪ ቦታ እውን።

• ኣብ መዕቆቢ ዝርከብ መንበሪ ቦታኻ ንዓኻን ንመናብርትኻን ጥራይ እዩ። ካልኦት ሰባት ኣብዚ ንኽነብሩ ከተምጽእ ኣይፍቀደልካን እዩ።

• ኣብ መንበሪ ቦታኻ ዋላ ሓንቲ ነገር ክትቅይር ኣይፍቀደልካን እዩ። ናይ ባዕልኻ ኣቚሑት ገዛ ሒዝካ ክትመጽእ ኣይፍቀደልካን እዩ። ናይ ባዕልኻ መጋረጃ ወይ ናይ መንደቕ ምንጻፍ ክትሰቕል ኣይፍቀደልካን እዩ።

• ሓደ ነገር እንተሰቢርካ፡ ናይ ጽገና ወጻኢታት ባዕልኻ ክትከፍሎ ኣለካ።

• እትነብረሉ ክፍሊ ባዕልኻ ብጽርየት ክትሕዞን፣ ክትግዕዝ እንከለኻ ድማ ጽሩይ ገይርካ ክትሓድጎን ኣለካ። ካብቲ እትነብረሉ ክፍሊ ኣቑሑት ከትወስድ ድማ ኣይፍቀደልካን እዩ።

• ኩሎም ናይቲ መዕቆቢ ነበርቲ፣ ናይ ሓባር ቦታታትን ናይ ቀረባ ከባቢታትን ብጽርየት ናይ ምሓዝ ሓላፍነት ኣለዎም።

• እንስሳ ዘቤት ክህልወካ ኣይፍቀድን እዩ፣ ብዘይካ ካብ ምምሕዳር ናይቲ መዕቆቢ ብጽሑፍ ፍቓድ ምስ ዝህልወካ።

• ሰራሕተኛታት COA ምቚጽጻር ክፍሊ፣ ምሕዳስ ወይ ጽገና ንኽገብሩ ናብቲ እትነብረሉ ክፍሊ ንኽኣትዉ ክትፈቅድ ኣለካ። ሰራሕተኛታት COA ንድሕነት ወይ ንጥዕና ህዝቢ ዘስግእ ሓደጋ ምስ ዝህሉው ብዘይ ፍቓድ ናብቲ እትነብረሉ ክፍሊ ክኣትዉ ይኽእሉ እዮም።

• ናብ ኣብ እትነብረሉ ከባቢ ዝተመደበ ካልእ ክፍሊ ወይ ናብ ካልእ ነባሪ ክትግዕዝ ትኽእል ኢኻ።

• ገለ ነገራት ንግዚኡ ካብ COA ክትልቃሕ ትኽእል ኢኻ። ንኣብነት፡ ብያቲታት፣ ማንካታትን ፋርኬታታትን፣ ሽጎማኖ፣ ከምኡ እውን ንውላድኪ/ካ ዝኾኑ ነገራት። ዝተለቃሕካዮም ነገራት ከይተጎድኡ ናብ COA ክምለሱ ኣለዎም።

• ኣብ ውሽጢ እቲ መዕቆቢ፣ ኣብ ናይ ባዕልኻ መንበሪ ቦታ እውን ከይተረፈ ሽጋራ ከተትክኽ ኣይፍቀደልካን እዩ። ኣብ ደገ ከተትክኽ ዝፍቀደልካ፣ እዚ ዝፍቀድ ምዃኑ ተጠቒሱ ኣብ ዝርከበሎም ቦታታት ጥራይ እዩ። ኣብኡ መንገፍ ሽጋራ እውን ክትረክብ ኢኻ።

• ኣብቲ መቐበሊ ቦታ ኣብ ናይ ሓባር ክሽነታት ኣብ ዝርከቡ ቀወምቲ መሳርሒታት ጥራይ ኢኻ መግቢ ክትክሽን እትኽእል።

• ኣብ መዕቆቢ ቃልዕ ሓዊ ክትውልዕ ኣይፍቀደልካን እዩ። ስለዚ ሽምዓታት፣ ዑድን ዕጣንን፣ ፋኑስ፣ ወይ ናይ ባዕልኻ መኸሸኒ መሳርሒታት ክትጥቀም ኣይፍቀደልካን እዩ።

• ናይ ባዕልኻ ናይ ኤሌክትሪክ መሳርሒ ክትጥቀም እንተድኣ ኮይንካ፣ እቲ መሳርሒ ውሑስ ምዃኑን ዘይምዃኑን ንሰራሕተኛ ናይ COA ክትሓትት ኣለካ።

• ኣብቲ መዕቆቢ ንዘሎ መጥፍኢ ባርዕ ብዝኾነ ነገር ክትሽፍኖ የብልካን።

• ነቶም ተጻወርቲ ሓዊ ዝኾኑ ማዕጾታት ከፊትካ ክትሓድጎም ኣይፍቀደልካን እዩ። ባዕላቶም ብምዕጻው ዝገጥሙ ኮይኖም ክቕጽሉ ከም ዝኽእሉ ኣረጋግጽ።

• ኣብ መዕቆቢ ዝርከቡ መህደሚ መንገድታት ኩሉ ግዜ ነጻ ክኾኑ ኣለዎም። ንኣብነት መንገዲ ዝዓግቱ ዓረብያታት ሕጻናት ወይ ብሽክለታታት ከምዘይህልዉ ኣረጋግጽ።

• ባርዕ ዝሕብር መሳርሒ ድምጺ ክህብ እንተድኣ ጀሚሩ፣ ብቕጽበት ካብቲ ህንጻ ወጺእካ ኣብ ደገ ክትጽበይ ኣለካ። ብድሕሪኡ ካብ ሰራሕተኛታት ናይ COA ዝወሃቡኻ መምርሒታት ትኽተል።

• ኣብ መዕቆቢ ኣብ ዝርከብ ንብረትካ ንዝበጽሕ ጉድኣት COA ተሓታቲ ኣይኮነን። ካልኦት ነበርቲ ንብረትካ ዝሰበርዎ ምስ ዝኸውን እውን ተሓታቲ ኣይኮነን።

• ኣብቲ መዕቆቢ ኣብ ክፍልኻን ኣብኡ ኣብ ዝርከቡ ናይ COA ኣቑሑትን ንዝበጽሕ ጉድኣት ንስኻ ኢኻ ተሓታቲ። እቲ ጉድኣት ብመን ከም ዝስዓበ ንጹር ምስ ዘይከውን፣ ኩሎም ነበርቲ ናይቲ ክፍሊ ክኸፍሉ ኣለዎም።

• ናይ በጻሕትኻ ሓላፍነት እትወስድ ንስኻ ባዕልኻ ኢኻ። ሕግታት ገዛ ከኽብሩ ከምዘለዎም ከተረጋግጽ ኣለካ። ንበጻሕቲ ዝምልከቱ ሕግታት ድማ ካብ ሰደቓ-ሓበሬታ ናይ COA ክትሓት ትኽእል ኢኻ።

ውላድካ 18 ዓመት ክሳብ ዝበጽሕ፣

• ድሕነቶም ብዝምልከት ንስኻ ኢኻ ተሓታቲ።

• ንዝገብርዎ ዝኾነ ይኹን ጉድኣት ንስኻ ኢኻ ተሓታቲ። ነቲ ዝወረደ ጉድኣት ክትከፍሎ ኣለካ።

• ናብ ቤት-ትምህርቲ ንኽኸዱ ንስኻ ኢኻ ተሓታቲ። ኩሎም ካብ 5 ክሳብ 18 ዓመት ዝዕድሚኦም ቆልዑት ናብ ቤት-ትምህርቲ ክኸዱ ኣለዎም። ውላድካ ናብ ቤት-ትምህርቲ ኣይከይድን ድዩ? ስለዚ መቕጻዕቲ ክወሃበካ ይኽእል እዩ።