ካብ ምምሕዳር ከተማ ገዛ እንተድኣ ተቐቢልካ ነዚ ከተዋድድ ኣለካ

ክራይ ናይ ሓደ ዝተኻረኻዮ ገዛ ኣብ ነፍስወከፍ ወርሒ ኣቐዲምካ ክትከፍል ኣለካ። ብኻልእ ኣዘራርባ፣ ቅድሚ ቀዳመይቲ መዓልቲ ናይታ ወርሒ ትኸፍል። ገሊአን ምምሕዳር ከተማታት ነቲ ናይ መጀመርታ ወርሒ ክራይ ገዛኻ ዝኸውን ገንዘብ ንኽትልቃሕ ይፈቕዳልካ እየን።

ርእሱ-ዝኸኣለ ክራይ ገዛ እንተድኣ ሃልዩካ፣ ሓደ ሓደ ግዜ ናይ ክራይ ኣበል ትረክብ። እዚ ካብ መንግስቲ እትረኽቦ መጠን ገንዘብ ኮይኑ፣ ንገለ ክፋል ናይቲ ክራይ ገዛ ክትከፍል ዘኽእለካ እዩ። ርእሱ-ዝኸኣለ መንበሪ ገዛ ናይ ገዛእ-ርእሱ መእተዊን ናይ ገዛእ-ርእሱ ክሽነን ሽቓቕን ዘለዎ ቤት እዩ።

ሓደ ሓደ ግዜ ዋጋ ኤለክትሪክን ጋዝን ድሮ ምስ ክራይ ገዛ ዝተጠቓለለ እዩ። ኣብ መብዛሕትኡ ጉዳያት ግን ከምኡ ኣይኮነን። ስለዚ ንኤሌክትሪክን ጋዝን ብዝምልከት ምስ ሓደ ኣቕራቢ ጸዓት ናይ ገዛእ-ርእስኻ ውዕል ክትኣቱው ኣለካ። ንኤሌክትሪክ ን/ወይ ጋዝ ዝኸውን ናይ ጸዓት ውዕል ክትገብር እንከለኻ፣ ካብ ክልተ ዓይነት ውዕላት ክትመርጽ ትኽእል ኢኻ፡ ቀዋሚ ውዕልን ተለዋዋጢ ውዕልን። 

ቀዋሚ ውዕል ጸዓት ምስ ሓደ ኣቕራቢ ጸዓት ንዝተወሰነ ግዜ ዝግበር ስምምዕ እዩ። መብዛሕትኡ ግዜ ካብ 1 ክሳብ 5 ዓመት ዝጸንሕ ውዕል እዩ። ከም ውጽኢቱ ድማ እቲ ውዕል ተግባራዊ ክሳብ ዝኾነ ናይ ኤሌክትሪክ ን/ወይ ጋዝ ኣብ ነፍስወከፍ ወርሒ ሓደ ቀዋሚ መጠን ገንዘብ ትኸፍል። ቅድሚ እቲ ውዕል ምዝዛሙ ነዚ ስምምዕ እንተድኣ ኣቋሪጽካዮ ድማ ነቲ ኣቕራቢ ጸዓት ናይ ምቁራጽ ክፍሊት ትኸፍል።

ኣስተውዕል፡ ሩስያ ንዩክሬን ካብ እትወርር ንደሓር፣ ዋጋ ጋዝ ሰማይ ዓሪጉ ኣሎ። ስለዚ ንነዊሕ እዋን ቀዋሚ ውዕል ንምግባር ኣጸጋሚ እዩ። 

ብጥቕሚታትን ጉድለታትን ቀዋሚ ውዕል፡

• ኣብ ምሉእ እቲ ውዕል፣ ኣብ ነፍስወከፍ ወርሒ ናይ ዝተጠቀምካዮ ጸዓት ሓደ ዓይነት ዋጋ ትኸፍል።

• ዋጋ ጸዓት እንተድኣ ወሲኹ፣ እዚ ነቲ እትኸፍሎ ዋጋ ኣይጸልዎን እዩ።

• እንተኾነ ግን ዋጋታት እንተድኣ ወሪዶም፣ እትኸፍሎ ሕሳብ እውን ኣይወርድን እዩ።

• ቅድሚ ምዝዛም ውዕልካ ናብ ካልእ ኣቕራቢ ጸዓት እንተድኣ ቐይርካ ናይ ምቁራጽ መቕጻዕቲ ክትከፍል ኣለካ።

ተለዋዋጢ ውዕል ጸዓት ርሑው ውዕል እዩ። እዚ ማለት ድማ ኣብ ነፍስወከፍ ወርሒ ነቲ ውዕል ክትስርዞ ትኽእል ኢኻ። እቲ ኣብ ተለዋዋጢ ውዕል ዘሎ መጠን ክፍሊት ንሽዱሽተ ታዋርሕ ዝጸንሕ ኣቀዲሙ ዝተወሰነ መጠን ክፍሊት እዩ። መብዛሕትኡ ግዜ እቲ ኣቕራቢ ነቲ ዋጋታት ኣብ 1 ጥሪን 1 ሓምለን እዩ ዘቐምጦ።

ኣስተውዕል፡ ሩስያ ንዩክሬን ካብ እትወርር ንደሓር፣ ዋጋታት ጋዝ ሰማይ ዓሪጉ ኣሎ፣ ከምኡ እውን ዝያዳ ኣቕረብቲ ድማ ተለዋዋጢ መጠን ክፍሊታት ብተደጋጋሚ ይቕይሩ ኣለዉ። ሓደ ሓደ ግዜ ነቲ መጠን ክፍሊታት ወርሓዊ ይቕይርዎ እዮም።

ብጥቕሚታትን ጉድለታትን ተለዋዋጢ ውዕል፡

• እቲ ውዕል ወርሓዊ ክቋረጽ ይኽእል።

• መብዛሕትኡ ግዜ እትኸፍሎ መጠን ክፍሊት ኣብ ነፍስወከፍ ሽዱሽተ ኣዋርሕ ክቕየር ስለ ዝፍቀድ፣ ምጉዳል ዋጋ ኣብ ዝህልወሉ ክትጥቀመሉ ትኽእል ኢኻ፣ እንተኾነ ግን እቲ ኣቕራቢ ከምኡ ክገብር ግዴታ የብሉን።

• ዋጋታት ምስ ዝውስኹ፡ ንስኻ እውን ብቕጽበት ዝያዳ ትኸፍል።

ኣብዚ መርበብ-ሓበሬታ ኢንዲፐንደር ኣቕረብቲ ጸዓት ከተነጻጽር ትኽእል ኢኻ

ሓደ ሓደ ግዜ ዋጋ ማይ ድሮ ኣብ ክራይ ገዛ ዝተጠቓለለ እዩ። እንተኾነ ግን ኣብ መብዛሕትኡ ጉዳያት ምስ ሓደ ኣቕራቢ ማይ ባዕልኻ ውዕል ክትገብር ኣለካ። ናይ ገዛእ-ርእስኻ ኣቕራቢ ማይ ክትመርጽ ኣይትኽእልን ኢኻ፣ ከምኡ እውን ምስቲ ናብ ኣድራሻኻ ማይ ዝህብ ኣቕራቢ ክትምዝገብ ኣለካ። ቅድሚ መፍትሕ ናይቲ ሓድሽ ገዛኻ ምቕባልካ ምምዝጋብ ድማ ዝበለጸ እዩ።

ኣብ መርበብ-ሓበሬታ ናይ ማሕበር ኩባንያታት ማይ ኔዘርላንድ፣ ኣየናይ ኩባንያ ማይ ናብ ኣድራሻኻ ማይ ከም ዘቕርብ ክትርእይ ትኽእል ኢኻ።

ኣብዚ ኣየናይ ኣቕራቢ ናብ ኣድራሻኻ ማይ ከም ዘቕርብ ክትረክብ ትኽእል ኢኻ።

ገዛ እንተድኣ ተኻሪኻ፣ ናይ ቤት መድሕን ውዕል ምግባር ብልሒ እዩ። በዚ መድሕን እዚ፣ ኩሎም ኣብ ገዛ ዝርከቡ ምሳኻ ክትወስዶም እትኽእል ነገራት መድሕን ይግበረሎም። ብኻልእ ኣዘራርባ ኩሉ ቀዋሚ ዘይኮነ ንብረት።

እዚ ንዓበይቲ ኣቑሑት ገዛኻ፣ ቴክኒካዊ መሳርሒታትካ፣ ግን ከኣ መጋረጃታትን ስልማትን እውን ዘጠቓልል እዩ። መድሕን ምስ ዝህልወካ ንኣብነት ባርዕ፣ ህቦብላ፣ ስርቂ ወይ ውሕጅ እንተድኣ ኣጋጢሙ ካብ መድሕን ቤትካ ገንዘብ ትረክብ።

መርበብ-ሓበሬታ ኢንዲፐንደር (Independer) ተጠቒምካ ንትካላት መድሕን ከተነጻጽር ትኽእል ኢኻ።

ኣብዚ ንትካላት መድሕንኢ ምስ ነንሕድሕዶም ኣነጻጽሮም።

ሓደ ሓደ ግዜ ዋጋ ኢንተርነት ድሮ ኣብ ክራይ ገዛ ዝተጠቓለለ እዩ። እንተኾነ ግን ኣብ መብዛሕትኡ ጉዳያት ምስ ሓደ ኣቕራቢ ናይ ገዛእ-ርእስኻ ውዕል ክትፍርም ኣለካ። ናይ ኢንተርነትን ተሌቪዥንን ውዕል ክትገብር ምስ እትደልይ፣ መብዛሕትኡ ግዜ ነዚ ንኽልቲኡ ምስ ሓደ ኣቕራቢ ምግባር ዝሓሰረ እዩ።

ኣገልግሎት ኢንተርነት ወይ ተለቪዥን በበይኑ ምግዛእ እውን ይከኣል እዩ። ኣብ መርበብ-ሓበሬታ ኢንዲፐንደር (Independer) ብቐሊሉ ዝርዝር ኣቕረብቲ ከተነጻጽር ትኽእል ኢኻ።

ኣብዚ ናይ ቴሌቪዥንን ኢንተርነትን ኣቕረብቲ ምስ ነንሓድሕዶም ኣነጻጽር።

ምምሕዳራት ከተማ ብርክት ዝበሉ ናይ ምምሕዳር ከተማ ግብሪታት የኽፍላ እየን። እቲ ግብሪ ከከም እቲ ምምሕዳር ከተማ ክፈላለይ ይኽእል እዩ። ኣብነታት ናይ ምምሕዳር ከተማ ግብሪታት፡ ናይ ጎሓፍ ግብሪ

ኣስተውዕል፡ ውሑድ ገንዘብ እንተድኣ ዘለካ ኮይንካ፣ ክትከፍል ዘድልየካ ምዃኑን ዘይምዃኑን ንምምሕዳር ከተማ ክትሓትት ትኽእል ኢኻ። እዚ ድማ ምሕረት ንምርካብ ምምልካት ይበሃል።