ኣብ ኔዘርላንድ መስርሕ ዑቕባ ክሳብ ክንድዚ ነዊሕ ግዜ እዩ ዝወስድ

ኣብ ኔዘርላንድ ኣብ ተር ኣፐል ዑቕባ ንምርካብ ድሕሪ ምምልካትካ፣ ምስ

IND ኣቀዲምካ ኣብ ካልእ ኤውሮጳዊት ሃገር ዑቕባ ሓቲትካ ነይርካ ኢሉ ድዩ ዝሓስብ? ከምኡ ምስ ዝኸውን

IND ካብ ውሕስቲ ሃገር ስለ ዝመጻእካ፣ ወይ ድሮ ኣብ ካልእ ኤውሮጳዊት ሃገር ፍቓድ ስለ ዝረኸብካ ናይ ዑቕባ ፍቓድ ንምርካብ መሰል የብልካን ኢሉ ድዩ ዝሓስብ? ከምኡ ምስ ዝኸውን ዝቐልጠፈ መስርሕ እዩ ንዓኻ ዝምልከተካ። ብዛዕባ እዚ ምስ IND ዝርርብ ንምግባር ዘሎ ናይ ምጽባይ ግዜ 15 ሳምንታት እዩ።

"ሓፈሻዊ መስርሕ ዑቕባ" ድዩ ንዓኻ ዝምልከተካ? እቲ ንቡር መስርሕ ዑቕባ ንሱ እዩ።  ስለዚ ምስ IND 1ይ ቃለ-መሕትትካ ንምግባር እንተወሓደ 19 ሳምንታት ክትጽበይ ኣለካ። እዚ 1ይ ቃለ-መሕትት "ናይ ምዝገባ ቃለ-መሕትት" ይበሃል።

ኣብ ሓፈሻዊ መስርሕ ዑቕባ ምስ IND 1ይ ቃለ-መሕትት ድሕሪ ምግባርካ 2ይ ቃለ-መሕትት እውን ክህልወካ እዩ። እዚ ቃለ-መሕትት ብዛዕባ ንምንታይ ከም ዝሃደምካን ኣብ ኔዘርላንድ ዑቕባ ትሓተሉ ዘለኻን ምኽንያት ዝምልከት እዩ። ነዚ 2ይ ቃለ-መሕትት ንምግባር እውን ነዊሕ ናይ ምጽባይ ግዜ ኣሎ። ኣብዚ እዋን እዚ 1ይ ቃለ-መሕትትካ ድሕሪ ምግባርካ፣ ን2ይ ቃለ-መሕትት ብማእከላይ ገምጋም 43 ሳምንታት ክትጽበይ ኣለካ።

ብዕለት 19 ታሕሳስ 2023 መንግስቲ ኔዘርላንድ፣ IND ኣብ 2024 ብዛዕባ ሕቶ ዑቕባ ንምውሳን ዝያዳ ግዜ ከም ዝህልዎ ኣፍሊጡ። ኣቀዲሙ IND ብዛዕባ ዘመልከትካዮ ዑቕባ ንኽውስን 6 ኣዋርሕ እዩ ተዋሂብዎ ነይሩ። ኣብዚ ዓመት እዚ ግን IND ብዛዕባ ዘመልከትካዮ ዑቕባ ንኽውስን ተወሰኽቲ 9 ኣዋርሕ ተዋሂብዎ ኣሎ።

IND ድሮ ን3 ተኸታተልቲ ዓመታት ካብ መንግስቲ ዝያዳ ግዜ ክረክብ ጸኒሑ እዩ። እዚ ማለት ኣብ መንጎ 27 መስከረም 2022ን 1 ጥሪ 2025ን ንዝቐርቡ ኩሎም ናይ ዑቕባ ሕቶታት ዘሎ ናይ ውሳኔ ገደብ-ግዜ 15 ኣዋርሕ እዩ ማለት እዩ። ኣብ ውሽጢ እቲ ግዜ IND ምሳኻ 1ይን 2ይን ቃለ-መሕትት ዘካየደ ክኸውን ኣለዎ። ብዛዕባ ናይ ዑቕባ ሕቶኻ ድማ ውሳኔ ይወስድ።

1ይ ቃለ-መሕትትካ ንምግባር ን6 ኣዋርሕ ወይ ልዕሊኡ ተጸቢኻ ዲኻ? ስለዚ ሓደ ናይ