IND ኣየነይቲ ሃገር ንዘመልከትካዮ ዑቕባ ከተመስርሖ ከምዘለዋ ይውስን

IND ኣብ ውሽጢ 3 ኣዋርሕ ናብታ ዑቕባ ዘመልከትካላ ናይ መጀመርታ ኤውሮጳዊት ሃገር ሕቶ ከቕርብ ኣለዎ። ኣሰር ኣጻብዕትኻ ኣብ ሓደ ካብቶም ስርዓታት እንተድኣ ተረኺቡ፣ IND እኳ ደኣ ኣብ ውሽጢ 2 ኣዋርሕ ናብዛ ሃገር ሕቶ ከቕርብ ኣለዎ። እዚ ኣብ ግዚኡ እንተድኣ ዘይተፈጺሙ፣ ኔዘርላንድ ነቲ ናይ ዑቕባ ሕቶኻ ባዕላ ከተመስርሖ ኣለዋ።  

እታ ካልእ ኤውሮጳዊት ሃገር ክትምለስ ንኽትፈቅደልካ ንዝቐረበ ሕቶ ኣብ ውሽጢ 1 ወርሒ መልሲ ክትህበሉ ኣለዋ። ኣብቲ ስርዓት ኣሰር ኣጻብዕትኻ እንተድኣ ተረኺቡ፣ እታ ሃገር ኣብ ውሽጢ 2 ሳምንታት መልሲ ክትህብ ኣለዋ። እታ ሃገር ኣብ ግዚኡ መልሲ እንተድኣ ዘይሃበት፣ ዝኾነ ኮይኑ እታ ሃገር እያ ንሕቶ ዑቕባኻ ተሓታቲት። 

ኣገልግሎት ኢሚግሬሽንን ዜግነትን (IND) ኣብ ኔዘርላንድ መስርሕ ዑቕባ ከም ዘይግበረልካ እንተድኣ ወሲኑ፣ ካብ ጠበቓ ሓገዝ ክትረክብ ትኽእል ኢኻ። ድሕሪ መልሲ ጠበቓኻ፣ IND ኣየነይቲ ሃገር ናይ ዘመልከትካዮ ዑቕባ ሓላፍነት ከም እትወስድ ብደምዳሚ ክውስን እዩ። 

IND ብድሕሪ እዚ ገና እታ ካልእ ኤውሮጳዊት ሃገር ንሕቶ ዑቕባኻ ከተመስርሖ ዘለዋ ኮይኑ እንተድኣ ረኺብዎ፣ ናብታ ሃገር ክትምለስ ኣለካ። IND፣ ኔዘርላንድ ንሕቶ ዑቕባኻ ክትምርምሮ ዘለዋ ኮይኑ እንተድኣ ረኺብዎ ግን፣ ሽዕኡ መመልከቲኻ ኣብ ሓፈሻዊ መስርሕ ዑቕባ ክምስራሕ እዩ። 

ጠበቓኻ ናብ ቤት-ፍርዲ ይግባይ ንኽትብል ክሕግዘካ ይኽእል እዩ። ብድሕሪኡ IND ንናትካ መስርሕ ዱብሊን ብግቡእ ዝፈጸሞ ምዃኑን ዘይምዃኑን ዳኛ ክምርምር እዩ። እቲ ዳኛ፣ IND ዘመልከትካዮ ዑቕባ ንኸይምስራሕ ቅኑዕ ውሳኔ ዝወሰደ ምዃኑን ዘይምዃኑን ክግምግም እዩ።