ኣብ ኔዘርላንድ መስርሕ ዑቕባኻ ብግቡእ ንምድላው እዚ ክትገብር ትኽእል

ካብ 1 ሓምለ 2024 ጀሚሩ፣ IND ንውልቃዊ ናይ ህድማ ታሪኽካ ኣብ መስርሕ ዑቕባ ዝያዳ ኣገዳሲ ገይሩ እዩ ዝቖጽሮ። ኣብ ሃገርካ ካብ ዝርከብ ኩነታት ንላዕሊ ኣገዳሲ እዩ። IND ንመስርሕ ዑቕባኻ ክግምግም እንከሎ ብቐንዱ ንውልቃዊ ታሪኽካ ዝኣምኖ ምዃኑን ዘይምዃኑን እዩ ዝርእይ። ስለዚ ድማ ንውልቃዊ ታሪኽካ ዝድግፉ ሰነዳት ክህልወካ ዝያዳ ኣገዳሲ ኮይኑ ይርከብ። ቅድሚ 1 ሓምለ 2024 ንሓፈሻዊ ኩነታት ሃገርካ ወይ ጉጅለኻ ዝያዳ ቆላሕታ ይወሃቦ ነይሩ። IND ሕጂ እውን ነዚ ይርእዮ እዩ። እንተኾነ ግን ውልቃዊ ኩነትካ ካብኡ ንላዕሊ ዝያዳ ኣገዳሲ ኮይኑ ኣሎ። ስለዚ ውልቃዊ ታሪኽካ ብዝተኻእለ መጠን ብዝርዝር ንIND ክትነግሮ ምኽኣል ኣዝዩ ኣገዳሲ እዩ።

ምስ IND ኣብ እትገብሮ 2ይ ቃለ-መሕትት ንምንታይ ኣብ ኔዘርላንድ ዑቕባ ትሓትት ከምዘለኻ ትገልጽ ኢኻ። ናብ መበቆል ሃገርካ ምምላስ ስለምንታይ ሓደገኛ ምዃኑ እውን። ሓደ ሓደ ግዜ ምስ IND 1ይ ቃለ-መሕትትካ ክሳብ ትገብር ነዊሕ ግዜ ይወስድ እዩ፣ ስለዚ ሽዑኡ ነገራት ክትርስዕ ወይ ብዝርዝር ብዙሕ ዘይትዝክሮም ክትከውን ትኽእል ኢኻ። ኣገዳሲ ሓበሬታ ንኸይትርስዕ ንምርግጋጽ ድማ ነዞም ዝስዕቡ ክትገብር ትኽእል፡

ንኹሎም ካብ ሃገርካ ክትወጽእ ዘገደዱኻ ሓፈሻዊን ውልቃዊን ፍጻመታት ጸሓፎም። ዕለታት፣ ቦታታት፣ ኣብቲ ጉዳይ ናይ ዝተሳተፉ ሰባት ወይ ኣካላት ኣስማትን፣ ካልኦት ኣገደስቲ ዝርዝራትን ጸሓፍ።

ሓደ ሓደ ግዜ፣ ምስ ምንዋሕ ግዜ ነቲ ልክዕ ቅደም ተኸተል ናይ ፍጻመታት ትርስዖ ኢኻ። ወይ ንዓኻ ሒደት ኣገዳስነት ዘለዎም፣ ግን ድማ ንIND ኣገደስቲ ዝኾኑ ዝርዝራት ክትርስዕ ትኽእል። ዝጸሓፍካዮ መዘኻኸሪ ምስ IND ናብ እትገብሮም ቃለ-መሕትታት ሒዝካዮ ክትከይድ ስለዘይፍቀደልካ፣ ነዚ ብጥንቃቐ ክትዝክሮ ፈትን። ስለዚ ታሪኽካ ብግቡእ ክትነግርን፣ ብኣእምሮኻ ክትዝክሮን ክትክእል ኣለካ።

ንታሪኽካ ዝድግፉ ናይ ነፍስወከፍ እትገልጾ ፍጻመ ሰነዳት ኣክብ። እዚኦም ስእልታት፣ ጸብጻባት ሕክምና፣ ወግዓዊ ሰነዳት፣ ዓንቀጻት ጋዜጣታት፣ ወይ ድማ ነቲ ታሪኽ ዘረጋግጹ ናይ መሰኻኽር መግለጺታት ክኾኑ ይኽእሉ። ኦርጅናል ሰነዳት ክህልወካ እውን ኣገዳሲ እዩ። IND ነዚኦም ክኣምኖም ልዑል ተኽእሎ ኣሎ።

IND እዞም ሰነዳት ዘለዉኻ ክነሱ ንታሪኽካ ዘይኣምኖ ክኸውን ገና ከጋጥም ይኽእል እዩ። ወይ ድማ እቶም ሰነዳት እኹል መርትዖ ዘይኮኑ ክኾኑ ይኽእሉ። ሰነዳት ዘለካ ምዃኑ ዘመልከትካዮ ዑቕባ ብኣውቶማቲክ ይጸድቕ ማለት ኣይኮነን። ከምዚ ኮይኑ እናሃለወ ግን ንዛንታኻ ዘረጋግጹ ሰነዳት ምስ ዝህልወካ፣ IND ኣቀዲሙ ንኽኣምኖም ተኽእሎኡ ዝለዓለ እዩ። ብፍላይ ኦርጅናል ሰነዳት እንተኾይኖም። ስለዚ ኩሉ ግዜ ንታሪኽካ ዘረጋግጹ ሰነዳት ክትረክብ ፈትን።

ካብ ጠበቓታት ወይ ካብ VluchtelingenWerk Nederland ሓገዝ ክትሓትት ትኽእል ኢኻ። ሕጋዊ ምኽሪ ክህቡኻ ወይ ድማ ታሪኽካ ንምድራዕን ንምሕያልን ክሕግዙኻ ይኽእሉ እዮም። ስለዚ ሽዕኡ VluchtelingenWerk Nederland ምሳኻ ብሓባር ብምዃን

ኣብ ኔዘርላንድ ዑቕባ እንተድኣ ሓቲትካ መሰላት ኣለዉኻ። ዝኾነ ካብዞም መሰላት ዝተጣሕሰ ኣሎ ድዩ? ስለዚ ብዛዕባ እዚ ንጠበቓኻ፣ ወይ ኣብ ቦታኻ ንዝርከብ VluchtelingenWerk ሓብር። እዞም ዝስዕቡ መሰላት ኣብ እዋን መስርሕ ዑቕባ ክትፈልጦም ዘለካ ዝያዳ ኣገደስቲ እዮም፡