LHBTI ምስ እትኸውን ተወሳኺ ሓበሬታ ብዛዕባ መስርሕ ዑቕባ

ኣብታ ዝመጻእካላ ሃገር ኣብ ሓደጋ እትርከብ ምስ እትኸውን ኣብ ኔዘርላንድ ዑቕባ ክትሓትት ትኽእል ኢኻ። ስለዚ ግብረ-ሰዶማዊት፣ ግብረ-ሰዶመኛ፣ በሃጊ ክልቲኡ ጾታ ወይ ስግረ-ጾታ ብሰንኪ ምዃንካ ኣብ ሓደጋ ምስ እትህሉው እውን ዑቕባ ክትሓትት ትኽእል ኢኻ። ኣብ ሃገርካ ካብ ዘሎ መንግስቲ ድማ ዝኾነ ይኹን ሓለዋ ዘይትረክብ ምስ እትኸውን። ወይ ድማ ካብቲ ኣብ ሃገርካ ዘሎ መንግስቲ ንባዕሉ ሓደጋ ከይበጽሓካ ትፈርሕ ምስ እትኸውን።

LHBTI እንተኾንካ ወይ LHBTI እንተዘይኮንካ መስርሕ ዑቕባ ሓደ ዓይነት እዩ። ኣብ እዋን መስርሕ ዑቕባ ምስ ሰራሕተኛ ናይ

LHBTI ምስ እትኸውን ኣብ እዋን መስርሕ ዑቕባ እዞም ዝስዕቡ ክትገብር ኣገዳሲ እዩ፡

• ኣብቲ 1ይ ቃለ-መሕትት LHBTI ምዃንካ ብቐጥታ ንገር።

• ኣብቲ 2ይ ቃለ-መሕትት፣ ኣብታ ዝመጻእካላ ሃገር ብኸመይ ኣገባብ ኣብ ሓደጋ ከም ዘለኻ ግለጽ። ነዚ ድማ ብግቡእ ግለጽ። IND ብሓቂ LHBTI ምዃንካን ስለዚ ኸኣ ኣብ ሓደጋ ከምዘለኻን ርግጸኛ ክኸውን ይደልይ እዩ። እዚ ትብል ዘለኻ ዑቕባ ክትረክብ ስለ ዝደለኻ ከምዘይኮንካ እውን።

ኣብ መጀመርታ ናይቲ መስርሕ LHBTI ምዃንካ ክትነግር ኣይትደፍርን ዲኻ? ገና ድሒርካ ኣብቲ መስርሕ ከምኡ ክትገብር ድማ ትደልይ ዲኻ? ወይ ቅድሚ ሕጂ ዘቕረብካዮ ሕቶ ድሕሪ ምንጻጉ ዲኻ ካልእ ናይ ዑቕባ መመልከቲ ተቕርብ ዘለኻ? ስለዚ ስለምንታይ ኣቐዲምካ ከምዘይነገርካ ብግቡእ ከም እትገልጽ ኣረጋግጽ።

IND፣ ንስኻ LHBTI ምዃንካን ኣብ ሓደጋ ምህላውካን ሕቶታት ብምሕታት ይምርምር። LHBTI ምዃንካ ንምፍላጥ IND ሕክምናዊ መርመራታት ኣይገብርን እዩ። ኣእምሮኣዊ መርመራ እውን ኣይግበረልካን እዩ። ጾታዊ ተግባራት ብዝምልከት ክትነግር ወይ ከተርእይ ድማ ኣየድልየካን እዩ። IND ስእሊታት ወይ ቪድዮታት እውን ኣይሓትትን እዩ። IND ሕቶታት ጥራይ እዩ ክሓትት ዝፍቀደሉ። IND ነዞም ኣብዚ ዝተጠቕሱ ካልኦት ነገራት ክገብር ኣይፍቀደሉን እዩ።

ቀደም IND መብዛሕትኡ ግዜ ንታሪኻት ናይ LHBTI ሰባት ኣይኣምኖምን እዩ ነይሩ። እቶም ሰራሕተኛታት ካብ መጠን ንላዕሊ ሓቅነት ኣብ ዘይብሉ ጠቐነታት የድህቡ ነይሮም። ብድሕሪኡ

IND ዝሓተካ ሕቶታት ብዛዕባ ብሕታዊ ህይወትካ ክኸውን እዩ። ንኣብነት ብዛዕባ ስድራ-ቤትካ፣ ኣዕሩኽትኻ፣  መሓዙትካን ዝምድናታትካን። እቲ ሰራሕተኛ ንኣብነት ኣብዚ ሕጂ እዋን ዝምድና ዘለካ ወይ ቀደም ዝነበረካ ምዃንካን ዘይምዃንካን ብዝምልከት ይሓተካ። እቲ ሰራሕተኛ፣ ንስኻ LHBTI ምዃንካ ዝፈለጥካሉ ዝተወሰነ ግዜ ምንባሩን ዘይምንባሩን እውን ይሓትት። ካብ ዓቃባዊ ወይ ብጥብቂ ሃይማኖታዊ ካብ ዝኾነ ስድራ-ቤት ዲኻ? ስለዚ ንኣብነት ግብረ-ሰዶማውነትካ ምፍላጥ ንዓኻን ንስድራኻን ከመይ ከም ዝነበረ ክትነግሮም ይሓቱኻ። 

ኣብ ሃገርካ LHBTI ምዃን ብዝምልከት እውን ሕቶታት ክትሕተት ኢኻ። ንኣብነት ኣብ መበቆል ሃገርካ LHBTI ሰባት ዝራኸብሉ ጉጅለታት ወይ ቦታታት ዘለዉ ምዃኖምን ዘይምዃኖምን። ከምኡ እውን ኣብ ሃገርካ ብዛዕባ LHBTI ዘለዉ ሕግታት፣ ንኣብነት ናይ ማእሰርቲ መቕጻዕቲ ክወሃበካ ዝኽእል ምዃኑን ዘይምዃኑን። ኣብታ ዝመጻእካላ ሃገር ብዛዕባ ዘጋጥመካ ኣድልዎ፣ ወጽዓን ሓደጋን ብዝምልከት እውን ሕቶታት ክትሕተት ኢኻ። ንኣብነት ብዛዕባ ቅድሚ ሕጂ ኣብ መበቆል ሃገርካ ዘጋጠመካን፣ ናብ መበቆል ሃገርካ ክትምለስ እንተድኣ ተገዲድካ እንታይ ከም ዘፍርሓካን። ኣብ መበቆል ሃገርካ LHBTI ምዃን (ንዓኻ) ከመይ ከም ዝመስል ዝያዳ ብዝነገርካ መጠን ድማ ዝሓሸ እዩ።

ምስ IND ቃለ-መሕትት ኣብ እትገብረሉ እዋን ንዝቐርቡ ሕቶታት ክትምልስ እንከለኻ፣ ብዝተኻእለ መጠን ብዙሕ ክትገልጽን ዝርዝር ሓበሬታ ክትህብን ኣገዳሲ እዩ። መልስታትካ ብዝምልከት ቅንዕና ይሃልኻ፣ ነቲ መልሲ ዘይትፈጦ ወይ ዝረሳዕካዮ ምስ እትኸውን ድማ ንገር። ዝኾነ ሕቶ እንተድኣ ዘይተረድኣካ ድማ ከምኡ ክትብል ትኽእል ኢኻ።

ሓቂ ትዛረብ ከም ዘለኻ ዘርእዩ ሰነዳት እውን ኣክብ። ንኣብነት፡ ስእልታት ናይ በዓል ወይ ውራይ፣ ወይ ትኬት ብዙሓት LHBTI ሰባት ናይ ዝሳተፍዎ ፈስቲቫል ኣብ ግምት ከተእቱው ትኽእል። ወይ ድማ ናይ ዝተወሰኑ ካፈታት ቅብሊት ወይ ፎቶታት ናይ ዋትስኣፕ ዕላላት። LHBTI ብሰንኪ ምዃንካ ኣብ መበቆል ሃገርካ ጸገም ከም ዘጋጠመካ ዘርእዩ ሰነዳት እውን ኣገደስቲ እዮም። ንኣብነት ኣብ ሃገርካ ናይ ዘለዉ LHBTI ሰባት ኩነታት ዝገልጽ ዜና። ወይ ድማ ሰባት LHBTI ብሰንኪ ምዃኖም ከም ዝቕጽዑ ዝጠቕስ ናይ ቤት-ፍርዲ መልእኽቲ።