IND ብዛዕባ መስርሕ ዑቕባኻ ኣብ ምውሳን ኣዝዩ እንተድኣ ደንጒዩ ከምዚ ክትገብር ትኽእል

IND ብዛዕባ ዘመልከትካዮ ዑቕባ ንኽውስን፣ 6 ኣዋርሕ ግዜ ከም ዘለዎ ኣብ ሕጊ ተጠቒሱ ይርከብ። እንተኾነ ግን ኣብ ኔዘላንድ ኣብ ዝሓለፉ ዓመታት ናይ ምጽባይ ግዜታት ቀጻሊ እናወሰኹ ስለዝመጹ፣ እዚ ዝከኣል ኣይኮነን። ስለዚ ድማ መንግስቲ ኔዘርላንድ፣ እዚ ገደብ-ግዜ ክሳብ 1 ጥሪ 2025 ንግዚኡ ብ9 ኣዋርሕ ንኽናዋሕ ወሲኑ ኣሎ። ስለዚ ኣብዚ እዋን እዚ IND ኣብ መንጎ 27 መስከረም 2022ን 1 ጥሪ 2025ን ንዝቐረቡ ሕቶታት ንምውሳን 15 ኣዋርሕ ግዜ ኣለዎ። ኣብ ፍሉይ ኩነታት ድማ IND ነዚ ገደብ-ግዜ፣ ንሓደ ግዜ (ወይ ክልተ ግዜ?) ብ3 ኣዋርሕ ከናውሖ ይኽእል።

IND ነቲ ብሕጊ ዝተደንገገ ናይ ውሳኔ ገደብ-ግዜ እንተበዝሐ ክሳብ 21 ኣዋርሕ ከናውሖ ይኽእል እዩ (6+9=15፤ ብ3 ኣዋርሕ ናይ ምንዋሕ ትኽእሎ ወሲኽካ 18 እዩ ዝኸውን። እተን ካልኦት 3 ኣዋርሕ ካበይ ዝመጻ እየን? ንምንታይ እዩ' ኸ 23 ኣዋርሕ ድሕሪ ምጽባይካ ጥራይ ርክብ ክትገብር ዝፍቀደልካ? ብድሕሪኡ እውን ገና ተወሳኺ 1.5 ወርሒ ክወስድ ይኽእል እዩ (ሕጂ ልዕሊ 2 ዓመት ኮይኑ ማለት እዩ)። እዚ መወዳእታ የብሉን ድዩ? መንግስቲ ከምዚ እናገበረ ዝሓቶ ኣካል የለን ድዩ? ዳኛ' ኸ ንዋላ ሓደ ኣይገንሕን ድዩ?)።

እዚ ማለት ናይ ዑቕባ መመልከቲኻ ድሕሪ ምፍራምካ ከምዚ ዝስዕብ ይኸውን ማለት እዩ፡

• ምስ IND 1ይ ቃለ-መሕትት ቅድሚ ምግባርካ ብማእከላይ ገምጋም 4 ሳምንታት ይወስድ።

• ብድሕሪኡ ምስ IND 2ይ ቃለ-መሕትት ቅድሚ ምግባርካ ብማእከላይ ገምጋም 48 ሳምንታት ይወስድ።

ልዕሊ 23 ኣዋርሕ ድሕሪ ምጽባይካን፣ ገና ምስ MediFirst ቆጸራ ዘየካየድካ ምስ እትኸውንን (ስለዚ ድማ ምስ IND ገና 2ይ ቃለ-መሕትት ዘይገበርካ ምስ እትኸውን) ጥራይ ኢኻ ናብ centralewerkverdeling@ind.nl ኢ-መይል ክትልእኽ እትኽእል። ብድሕሪኡ ጉዳይካ ቆጸራ እንተድኣ ተታሒዙሉ ምስ MediFirst ቆጸራ ክሳብ ዝህልወካ ካልእ 3-4 ሳምንታት ክወስድ እዩ፣ ኣብቲ ዝወሃብ ሕክምናዊ ምኽሪ ምርኲስ ብምግባር ድማ ተወሳኺ ቃለ-መሕትት ክሳብ እትገብር ብድሕሪኡ ገና ካብ 1 ክሳብ 2 ኣዋርሕ ክወስድ እዩ። ኣብዚ እዋን እዚ ሓፈሻዊ መስርሕ ዑቕባ ብዝምልከት ዘሎ ናይ ምጽባይ ግዜ ብማእከላይ ገምጋም 20-21 ኣዋርሕ እዩ።

ብዛዕባ ልዕሊ 23 ኣዋርሕ ዝገበሩ ጉዳያት ጥራይ ኢ-መይል ንኽትልእኽ IND ኣጥቢቚ ሓቲቱ እዩ። ብድሕሪኡ IND እቲ ኣመልካቲ ኣብ ስርዓተ-መዝገብ ብትኽክል ተመዝጊቡ ዝርከብ ምዃኑን ዘይምዃኑን ክምርምር ይኽእል። እንተተኻኢሉ ድማ ብዛዕባ እቲ ዝተረፈ ናይ ምጽባይ ግዜ እውን ገለ ሓበሬታ ይንገር። ሕማቕ ኣጋጣሚ ኮይኑ ገና ብዙሓት ውሳኔ ዝጽበዩ ጉዳያት ስለዘለዉ፣ ነዊሕ ንዘይገበሩ ጉዳያት ኣቓልቦ ክግበረሎም ምሕታት ትርጉም የብሉን።

Immigratie- en Naturalisatiedienst Postbus 14 9560 AA TER APEL

ነቲ ናትካ ምልክታ ጥሕሰት-ግዴታ ድሕሪ ምቕባሉ፣ IND ብዛዕባ መመልከቲኻ ውሳኔ ንኽወስድ 2 ሳምንታት ኣለዎ።

መመልከቲኻ ምሉእ ኣይነበረን ድዩ? ስለዚ IND ንመመልከቲኻ ክነጽጎ ይኽእል እዩ። ስለዚ ኣብቲ ንIND ምልክታ ጥሕሰት-ግዴታ እትህበሉ እዋን መመልከቲኻ ምሉእ ምንባሩ ኣረጋግጽ።

IND ንናትካ ምልክታ ጥሕሰት-ግዴታ ድሕሪ ምቕባሉ ገና ውሳኔ ኣይሃበን ድዩ? ስለዚ IND መቕጻዕቲ ንክኸፍለካ ግዴታ ኣለዎ። ከምኡ እውን ናብ ቤት-ፍርዲ ይግባይ ክትብል ትኽእል ኢኻ።

ነቲ መስርሕ ንምጅማር ናብ ቤት-ፍርዲ ናይ ይግባይ ምልክታ ከተቕርብ ኣለካ። ናይ ይግባይ ምልክታ ኣብ ውሽጢ ምምሕዳራዊ ሕጊ ኣንጻር መንግስቲ መስርሕ እትጅምረሉ ሰነድ እዩ።

መብዛሕትኡ ግዜ ዳኛ ንኸምዚኦም ዓይነት ጉዳያት ዝውስን ሰነዳት ብምርኣይ ጥራይ እዩ። እቲ ቤት-ፍርዲ IND ንኹሉ ሰነዳት ናይቲ ጉዳይ ንኽሰዱን፣ ከምኡ እውን ንምንታይ ገና ውሳኔ ከምዘይወሰዱ መብርሂ ንኽህቡን ይሓቶም። ንሳኻ ናብ ቤት-ፍርዲ ክትከይድ ድማ ኣየድልየካን እዩ።

ናብ ቤት-ፍርዲ ክትከይድ ዘለካ ምስ እትኸውን ግን ብዛዕባ እዚ ካብ ቤት-ፍርዲ ደብዳቤ ክትቕበል ኢኻ።

ቤት-ፍርዲ ንስኻ ቅኑዕ ምህላውካ ምስ ዝውስን፣ IND ብዛዕባ መመልከቲኻ ብቕልጡፍ ውሳኔ ክህብ ኣለዎ። መብዛሕትኡ ግዜ ነዚ ንኽገብር ቤት-ፍርዲ ንIND 2 ሳምንታት ይህቦ። IND ኣብዚ ገደብ-ግዜ እንተድኣ ዘይወሰነ፣ ብመሰረት እቲ ቤት-ፍርዲ ዝሰርዖ ገደብ-ግዜ ንነፍስወከፍ ዝደንጎየሉ መዓልቲ ተወሳኺ መቕጻዕቲ ንክኸፍል ቤት-ፍርዲ ኣብ ልዕሊ IND ክብይን ይኽእል እዩ።

መጋባእያ እንተድኣ ዘይተኻይዱ፣ ቤት-ፍርዲ እቲ ናይ ይግባይ ምልክታ ድሕሪ ምቕባሉ ኣብ ውሽጢ 8 ሳምንታት ውሳኔ ይህብ። መጋባእያ እንተሃልዩ ግን፣ ቤት-ፍርዲ ድሕሪ እቲ መጋባእያ ኣብ ውሽጢ 6 ሳምንታት ውሳኔ ይህብ። ቤት-ፍርዲ ተወሳኺ ግዜ ዘድልዮ እንተድኣ ኮይኑ ብዛዕባ እዚ ክሕብረካ እዩ። እቲ ውሳኔ ድማ ናብ ኣድራሻኻ ክለኣኸልካ እዩ።

ቅድሚ ንIND ውሳኔ ንኽወስድ ከተገድዶ ምውሳንካ ንጠበቓ ሕጋዊ ምኽሪ ክትሓትት ትኽእል ኢኻ። እዚ ድማ ኣወንታዊ ውጽኢት ናይ ምርካብ ዕድል ከምዝውስኽ ይገብር። ብተወሳኺ ንዘለካ ሕቶታት ብዝምልከት ናብ