ብዛዕባ ምጥርናፍ ስድራ-ቤት ክትፈልጦ ዘለካ

ገና ናይ ዑቕባ መንበሪ ፍቓድ ዘይብልካ ምስ እትኸውን፣ ናይ ምጥርናፍ ስድራ-ቤት ከተመልክት ኣይትኽእልን ኢኻ። IND ንዘመልከትካዮ ዑቕባ ምስ ዘጽድቖ ጥራይ ኢኻ ናይ ምጥርናፍ ስድራ-ቤት ከተመልክት እትኽእል። ሽዕኡ ኣብ ኔዘርላንድ ክትጸንሕ ዝፍቀደልካ ምዃኑን ዘይምዃኑን ክትፈልጥ ኢኻ። ሓደ ሓደ ግዜ ዘመልከትካዮ ዑቕባ ቅድሚ ምጽዳቑ ነዊሕ ግዜ ይወስድ እዩ። ስለዚ ሽዕኡ ክሳብ ምጥርናፍ ስድራ-ቤትካ ዝግበር ነዊሕ ክትጽበይ ኣለካ። ስለዚ ንናይ ምጥርናፍ ስድራ-ቤት ንኸተመልክት ክሳብ እትኽእል ነዊሕ ግዜ ክትጽበ ኣለካ።

ናይ ዑቕባ መመልከቲኻ እንተድኣ ጸዲቑ፣ ናይ ምጥርናፍ ስድራ-ቤት መመልከቲኻ፣ ኣብ ውሽጢ 3 ኣዋርሕ ናብ IND ከተረክብ ኣለካ።

ናይ ዑቕባ ፍቓድ ንምርካብ ልዑል ዕድል ካብ ዘለዋ ሃገር ዲኻ መጺእካ? ምናልባት ንእተመልክቶ ምጥርናፍ ስድራ-ቤት ድሮ ቅድመ-ምድላዋት ክትገብር ትኽእል ኢኻ። ስለዚ ነቲ መመልከቲ ዘድልዩኻ ሰነዳት ክትእክብ ትኽእል ኢኻ። ሓደ ሓደ ግዜ ሰነዳት ምእካብ ነዊሕ ግዜ እዩ ዝወስድ። ንኣብነት እቶም ሰነዳት ካብ መበቆል ሃገርካ ክለኣኹ ዘለዎም ምስ ዝኾኑ።

ናይ ዑቕባ ፍቓድ ናይ ምርካብን፣ ስለዚ ድማ ብሰንኩ ምጥርናፍ ስድራ-ቤት ንኸተመልክትን ልዑል ዘለካ ምዃኑን ዘይምዃኑን ኣይትፈልጥን ዲኻ? ስለዚ ኣብ VluchtelingenWerk Nederland ምስ ዝርከብ ኣማኻሪኻ ርክብ ግበር። እቲ ኣማኻሪኻ ብዛዕባ እዚ ክመኽረካ ይኽእል እዩ።

ንምጥርናፍ ስድራ-ቤት እትእክቦም ወግዓዊ ሰነዳት ክትርጎሙ ኣለዎም። ነቶም ሰነዳት ንምትርጓም ድማ ገንዘብ ይሓትት እዩ። ነቲ ትርጉም ባዕልኻ ክትከፍሎ ኣለካ። ስለዚ ድማ ክሳብ ናይ ዑቕባ መንበሪ ፍቓድ ዝህልወካ፣ ሰነዳት ምትርጎም ምጽባይ ዝበለጸ እዩ።