ኣብ መዕቆቢ ስደተኛታት ዘለዉኻ መሰላትን ግዴታታትን እዚኦም እዮም

• ኣብ ኔዘርላንድ ነፍስወከፍ ሰብ ማዕረ እዩ። ኣድልዎ ምግባር ክልኩል እዩ። እዚ ኣብ ዓንቀጽ 1 ናይ

  ቅዋም ሃገረ ኔዘርላንድ
  ተገሊጹ ይርከብ። ኣብ መዕቆቢ ናይ COA እውን ንዝኾነ ሰብ ኣድልዎ ክትገብር ኣይፍቀደልካን እዩ። ዝተፈላለየ ድሕረ-ባይታ ዘለዎም ሰባት ውሕስነት ክስምዖምን ብሓባር ክነብሩ ክኽእሉን ይግባእ።

• ኣብ ልዕሊ ነበርቲ ወይ ሰራሕተኛታት ናይ COA ዝፍጸም መጥቃዕቲ ወይ ጎነጽ ዘቕጽዕ እዩ። ግዳይ ናይ መጥቃዕቲ፣ ጎነጽ፣ ወይ ዘይተደልየ ጾታዊ ባህሪ እንተድኣ ኮይንካ/ኪ ናብ ፖሊስ ጥርዓን ምቕራብ ይከኣል እዩ።

• ኣብ መዕቆቢ ሃይማኖትካ ከተካይድን ፖለቲካዊ ርእይቶ ክህልወካን ይፍቀድ እዩ፣ እንተኾነ ግን ካልኦት ብእኡ ክሽገሩ የብሎምን።

• ናይ ድምጺ ረብሻ ክትፈጥር ኣይፍቀደልካን እዩ። ነፍስወከፍ ሰብ ምእንቲ ክድቅስ ድማ ኣብ መንጎ ሰዓት ሰዓት 22፡00ን 08፡00ን ህድኣት ክህሉው ኣለዎ።

• ብዘይ ፍቓድ ናይ ካልኦት ሰባት ስእሊ፣ ቪድዮ ወይ ድምጺ ምቕራጽ ክልኩል እዩ።

• በጻሕቲ ካብ ሰዓት 08፡00 ክሳብ 22፡00 ምብጻሕ ክፍጽሙ ርሑው እዩ። ኣብ ዝመጽእሉን ዝኸድሉን እዋን ናብ መቐበሊ ኣጋይሽ ክሕብሩ ኣለዎም። ንበጻሕትኻ ካብ መቐበሊ ኣጋይሽ ትቕበሎም፣ ከምኡ እውን ብዛዕብኦም ተሓታቲ ኢኻ። ንበጻሕቲ ዝምልከቱ ሕግታት ድማ ካብ ሰደቓ-ሓበሬታ ክትሓትት ትኽእል ኢኻ።

• ኣብ መዕቆቢ ሓሽሻትን ኣልኮላዊ መስተታትን ምጥቃም ክልኩል እዩ። ሓሽሻት ወይ ኣልኮላዊ መስተ ክትሕዝ፣ ክትነግድ ወይ ክትጥቀም ኣይፍቀደልካን እዩ።

• ኣብቲ መዕቆቢ ኣብ ደገ ስኽራን ክልኩል እዩ።

• ኣብቲ መዕቆቢ ኣጽዋር ምሓዝ ክልኩል እዩ።

• ከም ኒቃብ ወይ ቡርቃ ዝኣመሰለ ንገጽ ዝሽፍን ክዳውንቲ ምኽዳን እውን ክልኩል እዩ። ኣብ ናይ ባዕልኻ/ኺ መንበሪ ቦታ እውን።

• ኣብ መዕቆቢ ዝርከብ መንበሪ ቦታኻ ንዓኻን ንመናብርትኻን ጥራይ እዩ። ካልኦት ሰባት ኣብዚ ንኽነብሩ ከተምጽእ ኣይፍቀደልካን እዩ።

• ኣብ መንበሪ ቦታኻ ዋላ ሓደ ነገር ክትቅይር ኣይፍቀደልካን እዩ። ናይ ባዕልኻ ኣቑሑት ገዛ ሒዝካ ክትመጽእን፣ መጋረጃ ወይ ናይ መንደቕ ምንጻፍ ክትሰቕልን ኣይፍቀደልካን እዩ።

• ገለ ነገር ሰቢርካ ዲኻ? ስለዚ ነቲ ናይ ጽገና ወጻኢታት ባዕልኻ ክትከፍሎ ኣለካ።

• እትነብረሉ ከባቢ ባዕልኻ ጽሩይ ክትገብሮን ክትወጽእ ከለኻ ድማ ጽሩይ ጌርካ ክትገድፎን ኣለካ። ካብቲ እትነብረሉ ከባቢ ኣቑሑት ከተውጽእ ኣይፍቀደልካን እዩ።

• ኩሎም ነበርቲ ንናይ ሓባር ቦታታትን ንከባቢ ናይቲ መዕቆቢን ብጽርየት ክሕዙ ኣለዎም።

• እንስሳታት ዘቤት ክህልወካ ኣይፍቀድን እዩ፣ ብዘይካ ካብ መሪሕነት ናይ መዕቆቢ ብጽሑፍ ፍቓድ እንተድኣ ተዋሂቡካ

• ምቚጽጻር ክፍሊ፣ ምሕዳስ ወይ ጽገና ንኽገብሩ፣ ሰራሕተኛታት ናይ COA ናብቲ እትነብረሉ ክፍሊ ንኽኣትዉ ክትፈቅድ ኣለካ። ሰራሕተኛታት ናይ COA፣ ንድሕነት ወይ ንጥዕና ህዝቢ ዘስግእ ሓደጋ ምስ ዝህሉው ብዘይ ፍቓድ ናብቲ እትነብረሉ ክፍሊ ክኣትዉ ይኽእሉ እዮም።

• ሓደ ሓደ ግዜ ናብ ካልእ ክፍሊ ክትግዕዝ ኣለካ፣ ወይ ሓድሽ ነባሪ ምሳኻ ክነብር ክመጽእ ይኽእል እዩ።

• ሓደ ሓደ ግዜ ከም ቢያቲታት፣ ማንካታትን ፋርኬታታትን፣ ኣልባሳት ዓራት፣ ሽጎማኖታትን ኣቑሑት ሕጻናትን ዝኣመሰለኡ ኣቑሑት ንግዚኡ ካብ COA ክትልቃሕ ትኽእል ኢኻ። ነዚኦም ኣቑሑት ከይተጎድኡ ክትመልሶም ኣለካ።

• ኣብ ውሽጢ መዕቆቢ፣ ኣብ ናይ ባዕልኻ ከፍሊ እውን ከይተረፈ ሽጋራ ከተትክኽ ኣይፍቀደልካን እዩ። ኣብ ደገ ከተትክኽ ዝፍቀደልካ፣ ከምኡ ኣብ ዝፍቀደሉ ቦታታት ጥራይ እዩ። ኣብኡ መንገፍ ሽጋራ እውን ኣሎ።

• ምኽሻን፣ ኣብ ሓባራዊ ክሽነታት ናይቲ መዕቆቢ ኣብ ዝርከቡ ቀወምቲ መኸሸኒ መሳርሒታት ጥራይ እዩ ዝፍቀድ።

• ኣብ መዕቆቢ ቃልዕ ሓዊ ክትውልዕ ኣይፍቀደልካን እዩ። ስለዚ ሽምዓታት፣ ዑድን ዕጣንን፣ ፋኑስ፣ ወይ ናይ ባዕልኻ መኸሸኒ መሳርሒታት ክትጥቀም ኣይፍቀደልካን እዩ።

• ናይ ባዕልኻ ናይ ኤሌክትሪክ መሳርሒታት ክትጥቀም እንተድኣ ኮይንካ፣ እቲ መሳርሒ ውሑስ ምዃኑን ዘይምዃኑን ንሰራሕተኛ ናይ COA ክትሓትት ኣለካ።

• ኣብቲ መዕቆቢ ንዘለዉ ሓበርቲ ባርዕ ክትሽፍኖም ኣይፍቀደልካ እዩ።

• ነቶም ተጻወርቲ ሓዊ ዝኾኑ ማዕጾታት ከፊትካ ክትሓድጎም ኣይፍቀደልካን እዩ። ባዕላቶም ብምዕጻው ዝገጥሙ ኮይኖም ክቕጽሉ ከም ዝኽእሉ ኣረጋግጽ።

• ኣብ መዕቆቢ ዝርከቡ መህደሚ መንገድታት ኩሉ ግዜ ነጻ ክኾኑ ኣለዎም። ንኣብነት መንገዲ ዝዓግቱ ዓረብያታት ሕጻናት ወይ ብሽክለታታት ከምዘይህልዉ ኣረጋግጽ።

• ሓባሪ ባርዕ ድምጺ ክህብ ጀሚሩ ድዩ? ስለዚ ብቕጽበት ካብቲ ህንጻ ውጻእ፣ ኣብ ደገ ድማ ተጸበይ። ብድሕሪኡ ካብ ሰራሕተኛታት ናይ COA ዝወሃቡኻ መምርሒታት ተኸተል።

• ኣብ መዕቆቢ ኣብ ዝርከብ ንብረትካ ንዝበጽሕ ጉድኣት COA ተሓታቲ ኣይኮነን፣ ካልኦት ነበርቲ ንብረትካ ዝሰበርዎ ምስ ዝኸውን እውን።

• ኣብ ክፍልኻን ኣብ ክፍልኻ ኣብ ዝርከቡ ናይ COA ኣቑሑትን ንዝበጽሕ ጉድኣት ንስኻ ኢኻ ተሓታቲ። እቲ ጉድኣት ብመን ከም ዝስዓበ ንጹር ምስ ዘይከውን፣ ኩሎም ነበርቲ ናይቲ ክፍሊ ብሓባር ክኸፍሉ ኣለዎም።

• ናይ በጻሕትኻ ሓላፍነት እትወስድ እውን ንስኻ ባዕልኻ ኢኻ። ሕግታት ገዛ ከም ዝኽተሉ ኣረጋግጽ። ንበጻሕቲ ዝምልከቱ ሕግታት ካብ ሰደቓ-ሓበሬታ ናይ COA ክትሓት ትኽእል ኢኻ።

ስለዚ ሽዕኡ ንስኻ ናይዚ ዝስዕብ ተሓታቲ ኢኻ፡

• ድሕነቶም

• ንዘብጽሕዎ ጉድኣት (ነቲ ጉድኣት ንስኻ ትኸፍሎ)

• ናብ ቤት-ትምህርቲ ክኸዱ ከም ዘለዎም። ኩሎም ካብ 5 ክሳብ 18 ዓመት ዝዕድሚኦም ቆልዑት ናብ ቤት-ትምህርቲ ክኸዱ ኣለዎም። ውላድካ ናብ ቤት-ትምህርቲ ኣይከይድን ድዩ? ስለዚ መቕጻዕቲ ክወሃበካ ይኽእል እዩ።