Xaquuqdaada marka aad shaqo heysato oo aad xanuunsato
Ma heysataa shaqo oo ma xanuunsatay? markaa waajibaad iyo xaquuq kala duwan ayaad leedahay. Mar mar muddo dheer ma shaqeyn kartid, tusaale shil darteeda ama xanuunka burn-out. Markaa qorshe ayaad la sameyneysaa dhaqtarka shirkada.
Maalinta 1aad ee aad jiran tahay, u sheeg shaqo siiyahaaga sida ugu dhakhsaha badan. Qandaraaskaagu wuxuu badanaa sheegayaa sida shaqo siiyahaagu kaa filayo inaad tan sameyso. Caadi ahaan tan waxaad samaynaysaa adigoo wacaya maamulahaaga subaxdii ka hor inta aan waqtiga shaqada la gaarin. Kadib markaad xanuunsato, shaqo siiyahaagu waa inuu taas ku wargeliyaa dhakhtarka shirkadda ama adeegga badbaadada iyo caafimaadka shaqada afar maalmood gudahood. Adeegga badbaadada iyo caafimaadka shaqadu waa urur caawiya shaqo siiyaha haddii shaqaaluhu jirado. Qasab kuguma aha inaad sheegto waxa uu xanuunkaaga yahay. Loo-shaqeeyahaagu sidoo kale looma ogola inuu wax ka weydiiyo arrintan. Loo-shaqeeyahaagu waxa laga yaabaa inuu ku weydiiyo goorta aad u malaynayso inaad dib shaqayn karto. Iyo haddii aad qaban karto shaqo kale inta lagu jiro xilliga jirrada.
Mushahar ayaad qaadaneysaa markaad jiran tahay. Xadka mushaharka aad heleysaa mudada aad jiran tahay, waa inuu ugu yaraan 70% ahaadaa oo mushaharka guud. Muhiim ma ha haddii aad heshiis shaqo joogto ama mid muddo leedahay. Waxaad xaq u leedahay lacagta aad heli lahayd saacdaha aad shaqeyso iyo sida ku qoran heshiiskaaga. Nidaamka wuxuu ku qoran yahay CAOga shaqadaada. Waxaad heleysaa ugu badnaan sano oo mushahar ah.
Miyaad si ku meel gaar ah uga shaqeysaa wakaalad shaqo oo ku meel gaar ah oo ma jiran tahay? Loo shaqeeyuhu wuxuu markaa bixinayaa boqolkiiba 70 mushaharkaaga saacadaha aad ku shaqayn lahayd si waafaqsan jadwalka ama heshiiska.
Haddii mushaharkaani ka hooseeyo mushaharka ugu yar, loo shaqeeyaha waa inuu kabo ilaa mushaharka ugu yar.
Haddii aad xanuunsan tahay muddo dheer, waxaad heli kartaa mushaharkan ugu badnaan 2 sano.
Haddii aad 6 wiig ka dib weli bogsanin? Markaa waxaad wadahadal la yeelaneysaa dhaqtarka shirkada. Kani waa dhaqtar gaar ah oo baaritaan ku sameynaaya sababaha xanuunkaaga. Waxa aad dhaqtarka kala hadasho uma sheegaayo shaqo siiyahaaga. Dhaqtarka ayaa kula fiirinaaya waxa loo baahan yahay si aad shaqada ugu noqoto.
Adiga iyo loo-shaqeeyahaagu waxaad ku heli doontaan warbixinta dhakhtarka shirkadda boostada ama iimaylka. Warbixintan kuma jiraan wax tafaasiil caafimaad ama waxaad kala hadashay dhakhtarka. Si kastaba ha ahaatee, waxay ku siinaysaa talo ku saabsan sida iyo goorta aad shaqada ku noqon karto.
Adiga iyo dhaqtarka shirkada iyo shaqo siiyahaaga sameyneysii qorsho si aad dib shaqada ugu noqoto. Taasi waxaa loo yaqaan dib- ula qabasho. Adiga iyo shaqo siiyahaaga labadiinaba waa inaad qorshahan dhowrtaan. Tusaale ahaan haddii aad ku ballanteen inaad bilowga nus maalin aad shaqeyso ka hor intaadan si buuxa u bilaabin? markaa shaqo siiyahaaga mar keliya ma dhihi karo inaad ka badan sii joogto. Adigana waa inaad waqtiga qorshaha joojisaa shaqada oo aad guriga aadaa.
Haddii aysan suurtagal ahayn inaad ku noqoto shaqadii hore, tusaale ahaan shil ka dib, kala hadal dhakhtarka shirkadda iyo loo-shaqeeyahaaga shaqada kale oo aad weli qaban karto.