IND ምናልባት ብዛዕባ ዘመልከትካዮ ምጥርናፍ ስድራ-ቤት ደብዳቤ ክሰደልካ ይኽእል እዩ

ምጥርናፍ ስድራ-ቤት ብዝምልከት ዘሎ ናይ ምጽባይ ግዜ ኣዝዩ ነዊሕ እዩ። ሕጂ

IND ኣብ ቀረባ እዋን ብዛዕባ እቲ ነዊሕ ​​ናይ ምጽባይ ግዜ ንኽሕብረካ ደብዳቤ ክሰደልካ ይኽእል እዩ። ኣብዚ ደብዳቤ ድማ ብዛዕባ ኩነት መመልከቲኻን እንታይ ክትጽበይ ከም እትኽእልን መብርሂ ክትረክብ ኢኻ። ኣስተውዕል፡ እዚ ደብዳቤ ምቕባል ማለት መመልከቲኻ ድሮ ይምስራሕ ኣሎ ማለት ኣይኮነን።

መመልከቲኻ ተራኡ ምስ በጽሐ ካብ IND ሓድሽ ደብዳቤ ክትቕበል ኢኻ። IND ገና ተወሳኺ ሓበሬታ ዘድልዮ ምዃኑን ዘይምዃኑን፣ ዝስዕቡ ስጉምትታት ድማ እንታይ ምዃኖም ኣብዚ ደብዳቤ ተጠቒሱ ይርከብ።

መመልከቲኻ ቅድሚ ምምስርሑ ክንደይ ግዜ ከም ዝወስድ ክትፈልጥ ትደልይ ዲኻ? ስለዚ ኣብ መርበብ-ሓበሬታ ናይ IND ተወከስ። ኣብኡ IND መመልከቲኻ ንኸመስርሖ ትጽቢት ዝገብረሉ ወርሒ ብዝምልከት ሓፈሻዊ ትሕዝቶ ክትረክብ ኢኻ። እዚ ድማ ኣብቲ መመልከቲኻ ዘቕረብካሉ ዕለት ዝተመርኮሰ እዩ።

IND ንዘመልከትካዮ ምጥርናፍ ስድራ-ቤት ኣብ ምምስራሕ ኣዝዩ ግዜ እንተድኣ ወሲዱ፣ ንIND "ምልክታ ጥሕሰት-ግዴታ" ክትህቦ ትኽእል ኢኻ። እዚ ማለት ንIND ኣብ ውሽጢ 2 ሳምንታት ውሳኔ ንኽህብ ብወግዒ ትሓትቶ ማለት እዩ። ከም ንቡር ኣሰራርሓ ብድሕሪኡ IND መመልከቲኻ ኣብ ምምስራሕ ብዝቐልጠፈ ክነጥፍ ኣለዎ። እዚ እንተድኣ ዘይተገብረ ምናልባት ናብ ቤት-ፍርዲ ክትከይድ ትኽእል ኢኻ።

እንተኾነ ግን ኣብዚ እዋን ንIND ምልክታ ጥሕሰት-ግዴታ ምስ እትህቦ IND መመልከቲታት ኣየመስርሕን እዩ። ዋላ ቤት-ፍርዲ ምሳኻ ዝሰማማዕ እውን እንተኾነ። ሕጂ IND መመልከቲታት ብዝቐረብሉ ተራ መስርዕ እዩ ዘመስርሖም። ስለዚ መጀመርታ እቶም ዝነውሐ ግዜ ክጽበዩ ዝጸንሑ መመልከቲታት እዮም ዝግምገሙ። ምልክታ ጥሕሰት-ግዴታ ምሃብ ወይ ናብ ቤት-ፍርዲ ምኻድ ነዚ ተራ መስርዕ ኣይቅይሮን እዩ።

ነዊሕ ​​ብምጽባይካ ምናልባት ከም ካሕሳ ገንዘብ ትረክብ ትኽእል ትኸውን ኢኻ፣ እዚ ግን መመልከቲኻ ብቕልጡፍ ከም ዝምስራሕ ዘረጋግጽ ኣይኮነን። ከምዚ ኮይኑ እናሃለወ ንIND ምልክታ ጥሕሰት-ግዴታ ክትህቦ ትደልይ ዲኻ? መመልከቲኻ ምሉእ ምስ ዝኸውን ጥራይ ከምኡ ግበር። ኣብ

IND ንመመልከቲኻ ከመስርሖ ኣብ ዝጅምረሉ እዋን መመልከቲኻ ምሉእ ምዃኑ ኣረጋግጽ። ምሉእ መመልከቲ ዝያዳ ብዝቐልጠፈ እዩ ዝምስራሕ። እንተዘይኮይኑ IND ተወሰኽቲ ሰነዳት ካባኻ ንኽሓትት ክግደድ ይኽእል እዩ፣ እዚ ድማ ተወሳኺ ግዜ ክወስድ እዩ። ስለዚ ኩሉ ሰነዳትን ቅጥዕታትን ኣብ ግዚኡ ኣረክብ።