ንስኻ ወይ ውላድካ 18 ዓመት ምስ እትመልኡ ብገንዘባዊ መዳይ ነዚ ከተዋድዱ ኣለኩም

18 ዓመት ምስ መላእካ

18 ዓመት ምስ መላእካ ናይ ባዕልኻ ውዕል መድሕን ጥዕና ክትገብር ግዴታ ኣለካ። እዚ ብኢንተርነት ክግበር ይከኣል እዩ። ምስ ኣየናይ ትካል መድሕን ጥዕና ውዕል መድሕን ክትገብር ከም እትደልይ ባዕልኻ ክትመርጽ ትኽእል ኢኻ። ነፍስወከፍ ወርሒ ድማ ናይ መድሕን ጥዕናኻ ሓደ ቀዋሚ መጠን ገንዘብ ትኸፍል። እዚ ክፍሊት መድሕን ጥዕና ይበሃል።

18 ዓመት ምስ መላእካ ኣበል ጥዕና ንምርካብ እውን ከተመልክት ትኽእል ኢኻ። እዚ ወጻኢታት ክንክን ጥዕናኻ ብኸፊል ወይ ብምሉኡ ንምኽፋል ካብ መንግስቲ እትረኽቦ መጠን ገንዘብ እዩ። ኣበል ጥዕና ክትረክብ ምዃንካን ዘይምዃንካን ድማ ኣብ ኣታዊኻ እዩ ዝምርኮስ። ኣበል ጥዕና ንምርካብ ከተመልክት እትኽእል ትሑት ኣታዊ ምስ ዝህልወካ ጥራይ እዩ።

ንወጻኢታት ቤት-ትምህርቲ ወይ ላዕለዋይ ትምህርቲ ንምሽፋን ክሕግዘካ ምእንቲ ካብ መንግስቲ ገንዘብ ክትቅበል ወይ ክትልቃሕ ትኽእል ኢኻ። እዚ ገንዘብ ንኣብነት ነዚ ዝስዕብ ዝኸውን እዩ፡

• መጻሕፍቲ

• ወጻኢታት ህዝባዊ መጓዓዝያ

• ክፍሊት ምህሮ

ካሕሳ ወጻኢታት ቤት-ትምህርቲ ወይ ድጎማ ትምህርቲ ንምርካብ ብመንገዲ

ዕድሜኻ 18 ዓመት ወይ ልዕሊኡ ዲዩ፣ ስራሕ ድማ ኣለካ ድዩ? ስለዚ ካብቲ ዝረኸብካዮ ገንዘብ ግብሪ ክትከፍል ግዴታ ኣለካ። እዚ ድማ ግብሪ ኣታዊ ይበሃል። ተቖጺርካ እትሰርሕ ምስ እትኸውን እዚ ብኣስራሒኻ ብኣውቶማቲክ እዩ ዝፍጸም።

ይኹን እምበር ኣብ መወዳእታ ፊስካላዊ ዓመት ባዕልኻ መመልከቲ ግብሪ ከተቕርብ እውን ኣለካ። ናይ 2023 መመልከቲ ግብሪ ከተቕርብ ትደልይ ዲኻ? ስለዚ ነዚ ኣብ መንጎ 1 መጋቢት 2024ን 14 ሓምለ 2024ን ክትገብሮ ትኽእል ኢኻ። ብዛዕባ እዚ ካብ መንግስቲ ደብዳቤ ወይ ኢ-መይል ክትቕበል ኢኻ። መመልከቲ ግብሪ ኣብ እተቕርበሉ እዋን ድማ

18 ዓመት ምስ መላእካ ናይ ገዛእ ርእስኻ ገንዘብ ብዝምልከት ሓላፍነት ትወስድ። እዚ ማለት ድማ ​​ናይ ባንክ ሕሳብካ ሓላፍነት ትወስድ ማለት እዩ። ገና ናይ ገዛእ ርእስኻ ናይ ባንክ ሕሳብ የብልካን ዲኻ? ስለዚ ካብ መበል 18 ​​ዓመት ዕድሜኻ ጀሚርካ ባዕልኻ ናይ ባንክ ሕሳብ ክትከፍት ትኽእል ኢኻ።

18 ዓመት ምስ መላእካ ንስኻን ወለድኻን ደጊም ኣበል መዕበይ ቆልዓ ኣይትረኽቡን ኢኹም። ሓደ ካብ ወለድኻ ቀለብ ቆልዓ ይረክብ ድዩ? ካብ መበል 18 ​​ዓመት ዕድሜኻ ጀሚርካ ነዚ ገንዘብ ባዕልኻ ክትቅበሎ ትኽእል ኢኻ። ብዛዕባ እዚ ምስ ወለድኻ ምዝርራብ ድማ ተመራጺ እዩ።