ካብ ሕጂ ንደሓር ኣብ ዓመት ልዕሊ 24 ሳምንታት ክትሰርሕ ይፍቀደልካ እዩ

ገና ናይ ዑቕባ መንበሪ ፍቓዱ ንምርካብ ዝጽበይ ዘሎ ሰብኣይ ድሕሪ 24 ሳምንታት ስርሑ ክቕጽል ደልዩ። ኣስራሒኡ እውን ነዚ እዩ ዝደልይ ነይሩ። እንተኾነ ግን

UWV ነዚ ዝገበረሉ ምኽንያት ድማ ብሰንኪ “ናይ 24 ሳምንታት ጠለብ” እዩ። እዚ ሕጊ መንበሪ ፍቓድ ዘይብሉ ሰብ ኣብ ዓመት ልዕሊ 24 ሳምንታት ክሰርሕ ከምዘይክእል ዝገልጽ ሕጊ እዩ።

ኣብ ኣርንሄም [Arnhem] ዝርከብ ዳኛ ኣቐዲሙ እዚ ናይ 24 ሳምንታት ጠለብ ስደተኛታት ንኸይሰርሑ ዝዓግት ምዃኑ ወሲኑ ነይሩ። UWV ምስዚ ኣይተሰማምዐን፣ ላዕለዋይ ይግባይ ድማ ኣቕሪቡ ነይሩ። ሕጂ እቲ ዝለዓለ ቤት-ፍርዲ ነቲ ዝቐረበ ላዕለዋይ ይግባይ ብዝምልከት ኣብ ዝሃቦ ብይን፣ እቲ ጠለብ ምስ ሕግታት ኤውሮጳ ዝጻረር ምዃኑን፣ ስለዚ ድማ ኣብ ዓመት ልዕሊ 24 ሳምንታት ክትሰርሕ ከም ዝፍቀደልካን ወሲኑ ኣሎ።

እቲ ዳኛ ዝሃቦ ውሳኔ ብቐጥታ ተግባራዊ ዝኸውን እዩ። እዚ ማለት፣ እዚ ውሳኔ ሕጂ ንነፍስወከፍ ኣብ ኔዘርላንድ ልዕሊ 6 ኣዋርሕ ዝጸንሐን፣ W-document ዘለዎን ሰብ ተፈጻምነት ኣለዎ ማለት እዩ።  ሕጂ UWV ናይ ስራሕ ፍቓድ ንምርካብ ንዝቐርቡ መመልከቲታት፣ ነቲ ናይ 24 ሳምንታት ጠለብ ከይተጠቕመ ክግምግሞም ኣለዎ። 

እዚ ማለት፣ እቲ ክሲ ዘቕረበ ሰብኣይ ልዕሊ 24 ሳምንታት ክሰርሕ ይፍቀደሉ ጥራይ ዘይኮነስ፣ ነፍስወከፍ ኣብ ኔዘርላንድ ንልዕሊ 6 ኣዋርሕ ዝጸንሐን፣ W-document ዘለዎን ሰብ እውን ልክዕ ከምኡ ዝያዳ ክሰርሕ ይፍቀደሉ ማለት እዩ።

ብመሰረት ውድብ

ኣብ ኔዘርላንድ ንኽትሰርሕ