ብ W-document ወለንታዊ ስራሕ ምስራሕ

ወለንታዊ ስራሕ፣ ንኻልኦት ወይ ንሕብረተሰብ ንምሕጋዝ ብዘይ ክፍሊት እትሰርሖ ስራሕ እዩ። ደስ ዝብለካ እንተድኣ ኮይኑ ወለንታዊ ስራሕ ክትሰርሕ ትኽእል ኢኻ። ወይ ድማ ናይ ስራሕ ተመኩሮ ክትረክብ ምስ እትደልይ። ብመንገዲ ወለንታዊ ስራሕ ቋንቋ ኔዘርላንድ ክትለማመድን ምስ ኔዘርላንዳውያን ክትራኸብን እውን ትኽእል ኢኻ።

ወለንታዊ ስራሕ እንተድኣ ትሰርሕ ኮይንካ ሓደ ሓደ ግዜ ኣበል ትረክብ ኢኻ። ንኣብነት ንናይ መጎዓዝያ ወጻኢታት ወይ ንእትገብሮም ካልኦት ወጻኢታት ንምኽሓስ። እዚ ኣበል ነቲ ካብ COA እትረኽቦ ናይ መነባብሮን መግብን ገንዘብ ኣይጸልዎን እዩ። እቲ ኣበል ኣታዊ ኣይኮነን።

ካብ 1 ጥሪ 2024 ጀሚሩ፣ እንተበዝሐ ኣብ ወርሒ € 210,- ወይ ኣብ ዓመት € 2.100,- ናይ ወለንታዊ ስራሕካ ኣበል ክትረክብ ይፍቀደልካ እዩ። ብዘይካ ገንዘብ ካልእ ኣበል እውን ክትረክብ ትኽእል ኢኻ። ንኣብነት ናይ ህያብ ቅብሊት ወይ ብነጻ ስልጠና ወይ ዓውደ-መጽናዕቲ ምክትታል።

ወለንታዊ ስራሕ ክትሰርሓሉ እትደልይ ውድብ ረኺብካ ዲኻ? ከምኡ ምስ ዝኸውን እዚ ውድብ ካብ

እቲ ውድብ ናይቲ መመልከቲ መረጋገጺ ምስ ረኸበ ድማ ወለንታዊ ስራሕካ ክትጅምር ትኽእል ኢኻ። UWV ኣብ ውሽጢ 2 ሳምንታትን ብዛዕባ እቲ መመልከቲ ውሳኔ ክህብ እዩ። ንውሳኔ ናይ UWV ክትጽበይ ኣየድልየካን እዩ።

ሓደ ሓደ ግዜ ንስራሕ ወይ ወለንታዊ ስራሕ

ኣብ ብዙሕ ቦታታት ወለንታዊ ስራሕ ክትሰርሕ ትኽእል ኢኻ። ንኣብነት ኣብ ኮማዊ ማእከል፣ ኣብ ቤት-ትምህርቲ ወይ ኣብ ቤተ-መጻሕፍቲ። ዘለዉኻ ኣማራጺታት ብዝምልከት ኣብ

ኣብ ናይ COA መዕቆቢ ወለንታዊ ስራሕ ክትሰርሕ ትኽእል ኢኻ። ንኣብነት ህንጻታት ወይ ጀርዲን ኣብ ምጽራይን ኣብ ምክንኻንን ብምሕጋዝ። ወይ ኣብ ምትርጓም ብምሕጋዝ። ነዚ ስራሕ ኣብ ሰሙን እንተበዝሐ ን25 ሰዓታት ክትሰርሕ ትኽእል ኢኻ። ዝለዓለ ገደብ ክፍሊት €14 ኣብ ሰሙን ድማ ትረክብ። ነዚ ብዝምልከት ካብ ሰደቓ ሓበሬታ ናይ COA ሓበሬታ ክትረክብ ትኽእል ኢኻ።