W-document ምስ ዝህልወካ ንምስራሕ ዘለዉ ቅድመ-ኩነታት

• ብቚዕ

  W-document
  ዘለካ ምስ እትኸውን።

• ዘመልከትካዮ ዑቕባ ን6 ኣዋርሕ ኣብ ምምስራሕ ዝርከብ ምስ ዝኸውን፤ ካብቲ ናይ ዑቕባ መመልከቲኻ (

  ቅጥዒ M35-H
  ) ኣብ ተር ኣፐል ዝፈረምካሉ እዋን ጀሚርካ ትቖጽር።

• ኣስራሒኻ ንዓኻ ንኽቖጽረካ ናይ ስራሕ ፍቓድ (twv) ዘለዎ እዩ።

• ብሕጋዊ መንገዲ ኢኻ ኣብ ኔዘርላንድ እትነብር።

• ብመሰረት

  ደንቢ ቀረባት ንሓተትቲ ዑቕባን ካልኦት ምድባት ወጻእተኛታትን (Rva)
  መዕቆቢ ናይ ምርካብ መሰል ዘለካ ኢኻ።

• እቲ እትሰርሖ ስራሕ ኣብ ትሕቲ 'ቅድመ-ኩነታት ዕዳጋ-ዕዮ' ዝስራሕ ክኸውን ኣለዎ። እዚ ማለት ልክዕ ሓደ ዓይነት ስራሕ ንዝሰርሑ ካልኦት ሰባት ዝምልከትዎም ቅድመ-ኩነታት ንዓኻ ይምልከቱኻ ማለት እዩ። ንኽንደይ ዝኣክል ግዜ ትሰርሕ፣ ክንደይ ገንዘብ ትረክብን ክንደይ ናይ ዕረፍቲ መዓልታት ናይ ምርካብ መሰል ዝህልወካ ምዃኑን ብዝምልከት ምስቲ ምስ ካልኦት ስምምዕ ዝተገብረሉ ዝሳነይ ክኸውን ኣለዎ።

• ትሕቲ ዕድመ ምስ እትኸውን ብመትከል ልክዕ ከምቶም ኣብ ትሕቲ ዝተወሰኑ ቅድመ-ኩነታት ክሰርሑ ዝፍቀደሎም ካልኦት ትሕቲ ዕድመ ኔዘርላንዳውያን ክትሰርሕ ይፍቀደካ እዩ። ኣብ ኔዘርላንድ ናይ

  ሽቕለት-ሕጻናት
  እገዳ ኣሎ።

ናይ ስራሕ ፍቓድ -TWV- ብዝምልከት ኣስራሒኻ ብነጻ ናብ

ሓደ ኣስራሒ ብዘይ ናይ ስራሕ ፍቓድ (TWV) ክትሰርሕ እንተፈቒዱካ፣ እዚ ብሕጊ ዘቕጽዕ እዩ። ስለዚ ድማ ንኣስራሒኻ ገንዘባዊ መቕጻዕቲ ክወሃቦ ይኽእል እዩ። ንዓኻ ገንዘባዊ መቕጻዕቲ ክወሃበካ ኣይክእልን እዩ። እቲ ናትካ TWV ግዜኡ ወዲቚ ድዩ? ስለዚ ኣስራሒኻ ሓድሽ TWV ከመልክት ኣለዎ።

ብተግባር ኣብ ኔዘርላንድ ክትሰርሕ ንኽትክእል

ኣብ

ኣብ ገሊኦም ኣጋጣሚታት ግን ሓደ ኣስራሒ ብዘይ BSN ውዕል ክገብር ይደልይ እዩ። ገና BSN ዘይብልካ ምስ እትኸውን ድማ ኣስራሒኻ ደሞዝካ ናብ ናይ COA Yoursafe ኣካውንትኻ ክኸፍለካ ይኽእል። እንተኾነ ግን ኣብ Yoursafe ኣካውንትኻ ክንደይ ገንዘብን ካብ መንን ክትቕበል ከም እትኽእል ኣብ ዓይነት ዘለካ YourSafe ኣካውንት እዩ ዝምርኮስ። BSN የብልካን ድዩ፣ ግን ድማ Yoursafe ኣካውንት ኣለካ ድዩ? ስለዚ ሰራሕተኛ ናይ COA ንኽሕግዘካ ሕተት። ኣስተውዕል፡ ዋላ እኳ BSN ጽኑዕ ረቛሒ እንተዘይኮነ፣ መብዛሕትኡ ግዜ ብዘይ BSN ክትሰርሕ ኣይከኣልን እዩ። ብተግባር ኣብ ኔዘርላንድ ክትሰርሕ እንተደሊኻ ዳርጋ ኩሉ ግዜ BSN የድልየካ እዩ።

ሓደ ሓደ ግዜ ንስራሕ ወይ ወለንታዊ ስራሕ

ኣብ መዕቆቢ ናይ COA ዲኻ ትነብር ዘለኻ? ከምኡ ምስ ዝኸውን ኣታዊኻ ናብ COA ክትሕብር ኣለካ። ስለዚ ድማ ንወጻኢታት ናይቲ መዕቆቢ ዝኸውን ኣበርክቶ ክትከፍል ኣለካ። ካብ ኣታዊኻ 25 ሚእታዊት ንባዕልኻ ክትወስዶ ትኽእል ኢኻ፣ እንተበዝሐ ክሳብ € 264 ኣብ ወርሒ።

ካብቲ ንመዕቆቢ ክትከፍሎ ዘለካ መጠን ገንዘብ ንላዕሊ ትረክብ ዲኻ? ከምኡ ምስ ዝኸውን እቲ ዝተረፈ ኣታዊ እውን ንባዕልኻ ክትወስዶ ትኽእል ኢኻ።