መስርሕ ዱብሊን

ኣብ ተር ኣፐል ኣብ እትምዝገበሉ እዋን፣ ፖሊስ ብዛዕባ መንነትካን ኣባላት ስድራ-ቤትካን ሕቶታት ክሓተካ እዩ። ፖሊስ ኣሰር ኣጻብዕትኻ ኣብ

ቅድሚ ሕጂ ኣብ ካልእ ኤውሮጳዊ ሃገር ዑቕባ ንምርካብ ኣመልኪትካ ነይርካ ዲኻ? ከምኡ ምስ ዝኸውን እዛ ሃገር ንዘመልከትካዮ ዑቕባ ከተመስርሖ ኣለዋ። ነዚ ብዝምልከት ሃገራት ኤውሮጳ ስምምዕ ገይረን እየን። እዚ ስምምዕ ድማ

ንመጀመርታ ግዜ ዲኻ ኣብ ኔዘርላንድ ዑቕባ ንምርካብ ተመልክት ዘለኻ? ከምኡ ምስ ዝኸውን እውን

• ኣብ ካልእ ኤውሮጳዊት ሃገር ዑቕባ ንምርካብ ዘመልከቱ ወይ ኣብኡ መንበሪ ፍቓድ ዘለዎም ኣባላት ስድራ-ቤት ዘለካ ብምዃንካ።

• ናይ ካልእ ሃገር (ግዜኡ ዝሓለፎ) ቪዛ ወይ መንበሪ ፍቓድ ዘለካ ብምዃንካ። ንኣብነት ትምህርቲ ንምክትታል።

• ብዘይሕጋዊ መንገዲ ብኻልእ ሃገር ኣቢልካ ናብ ኤውሮጳ ዝኣተኻ ስለ ዝኾንካ።

ምስ IND 1 ቃለ-መሕትት ክህልወካ እዩ። እዚ ቃለ-መሕትት ድማ 'Dublingehoor' ማለት ናይ ዱብሊን ቃለ-መሕትት ይበሃል። IND ኣብ ካልእ ኤውሮጳዊት ሃገር ከም ዝተመዝገብካ ይነግረካ። ብዛዕባ እዚ ድማ IND ሕቶታት ይሓትት። IND ብዛዕባ ናይ ህድማ ታሪኽካ ዝምልከት ዝኾነ ሕቶ ኣይሓትትን እዩ። ኣብ እዋን እቲ ቃለ-መሕትት፣ ንምንታይ ኔዘርላንድ ንዘመልከትካዮ ዑቕባ ከተመስርሖ ኣለዋ ኢልካ ከም እትሓስብ ክትገልጽ ትኽእል ኢኻ። IND ናይቲ ቃለ-መሕትት ጸብጻብ ከዳሉው እዩ።

ሰራሕተኛ ናይ IND ነቶም ሕቶታት ብቋንቋ ኔዘርላንድ እዩ ዝሓትት። ኣተርጓሚ ድማ ነዚ ክትርጉመልካ እዩ። ንመልስታትካ እውን እቲ ኣተርጓሚ ናብ ቋንቋ ኔዘርላንድ ክትርጉሞም እዩ። እቲ ኣተርጓሚ ገለልተኛ እዩ፣ ኣብ IND ዝሰርሕ ኣይኮነን፣ ከምኡ እውን ኣብቲ ብዛዕባ እቲ ዘመልከትካዮ ዑቕባ ዝውሰድ ውሳኔ ዋላ ሓንቲ ጽልዋ የብሉን። ኣተርጎምቲ ኣዝዩ ስራሕ ስለ ዝጽዕቆም ካልእ ላህጃ ዝዛረብ ኣተርጓሚ ክትረክብ ትኽእል ኢኻ። ንስኻን እቲ ኣተርጓሚን ጽቡቕ ገይርኩም ክትረዳድኡ እንተድኣ ዘይክኢልኩም ብቀጥታ ንገር። ምኽንያቱ እቲ ኣተርጓሚን ንስኻን ጽቡቕ ገይርኩም ክትረዳድኡ ብሰንኪ ዘይምኽኣልኩም ዘይምርድዳእ ከይፍጠር ኣገዳሲ ስለዝኾነ።

IND ንዘመልከትካዮ ዑቕባ ንኸተመስርሖ ናብታ ካልእ ኤውሮጳዊት ሃገር ሕቶ ከቕርብ ኣለዎ። እታ ካልእ ኤውሮጳዊት ሃገር ድማ ነቲ ሕቶ ክትምርምሮን፣ ከምኡ እውን ናብ IND መልሲ ክትህብን እያ። እታ ሃገር ነቲ ሕቶ ክትነጽጎ ትኽእል እያ። ብድሕሪኡ ድማ IND ዳግመ-ግምገማ ንኽግበር ሕቶ ከቕርብ ይኽእል እዩ። እዚ ማለት እታ ካልእ ኤውሮጳዊት ሃገር ዳግማይ ክትምርምሮ ኣለዋ ማለት እዩ። ​

እንተድኣ IND ንዘመልከትካዮ ዑቕባ ካልእ ኤውሮጳዊት ሃገር ተሓታቲት ኮይና ረኺብዎ፣ ደብዳቤ ክትቕበል ኢኻ። እዚ ድማ IND ነቲ ዘመልከትካዮ ዑቕባ ከም ዘየምስርሖ ውጥን ከምዘለዎ ዝገልጽ እዩ። እዚ ደብዳቤ ናይ IND ክውሰድ ዝተሓስበ ውሳኔ ይበሃል። IND ንዘመልከትካዮ ዑቕባ ተሓታቲት ኔዘርላንድ እያ ኢሉ ይሓስብ ድዩ? ከምኡ ምስ ዝኸውን IND ብምቕጻል ንመመልከቲኻ ኣብ ሓፈሻዊ መስርሕ ዑቕባ ከመስርሖ እዩ።

ብዛዕባ እቲ ናይ IND ክውሰድ ዝተሓስበ ውሳኔ ምስ ጠበቓኻ ትዘራረብ። ጠበቓ ነቲ ክውሰድ ዝተሓስበ ውሳኔ ብዝምልከት ብደብዳቤ ክምልስ ይኽእል እዩ። ኣብዚ ደብዳቤ እቲ ጠበቓ ንስኻ ንምንታይ ምስቲ ክውሰድ ዝተሓስበ ውሳኔ ዘይትሰማማዕ ምዃንካ ክገልጽ ይኽእል እዩ። IND ድማ ነቲ ናይ ጠበቓ ደብዳቤ ኣብ ግምት ከእትዎ ኣለዎ።

IND ናይቲ ጠበቓ ደብዳቤ ድሕሪ ምንባቡ፣ እቲ ክውሰድ ዝተሓስበ ውሳኔ ክስተኻኸል ዘለዎ ምዃኑን ዘይምዃኑን ክውስን እዩ። IND ሕጂ እውን እታ ካልእ ኤውሮጳዊት ሃገር ናይ ዑቕባ ሕቶኻ ተሓታቲት ኮይና ድዩ ረኺብዎ? ከምኡ ምስ ዝኸውን ብዛዕባ እዚ ደብዳቤ ክትቕበል ኢኻ። እዚ ደብዳቤ ድማ ናይ መወዳእታ ውሳኔ ናይ IND ዝሓዘ እዩ።

ብዝተኻእለ መጠን ቀልጢፍካ፣ ከምኡ እውን እንተደንጎኻ ኣብ ውሽጢ 6 ኣዋርሕ ናብታ ናይ ዑቕባ ሕቶኻ ተሓታቲት ዝኾነት ኤውሮጳዊት ሃገር ክትሰጋገር ኣለካ። ክሳብ እቲ ምስግጋር ዝግበር ድማ ኣብ ኔዘርላንድ መዕቆቢ ንኽትረክብ መሰል ኣለካ። ናብታ ካልእ ኤውሮጳዊት ሃገር ብ 3 ኣገባባት ክትሰጋገር ትኽእል ኢኻ፡

1. ባዕልኻ ናብታ ካልእ ሃገር ክትምለስ ትኽእል ኢኻ። ገዛእ-ርእስኻ ብወለንታ ክትከይድ እንተድኣ ደሊኻ፣ ምስ

   ኣገልግሎት ምምላስን ንቕሎን (DT&V)
   ርክብ ክትገብር ትኽእል ኢኻ።

2. ሓደ ኔዘርላንዳዊ በዓል-መዚ ክመልሰካ እዩ።

3. ካብታ ካልእ ኤውሮጳዊት ሃገር ዝመጸ በዓል-መዚ ክመልሰካ እዩ።

ኣስተውዕል፡ እታ ካልእ ሃገር ነቲ ንዓኻ ንምምላስ ብ IND ዝቐረበላ ሕቶ ድሕሪ ምስምማዓ፣ ኔዘርላንድ ነዚ ንምግባር ናይ 6 ኣዋርሕ ግዜ ኣለዋ። እዚ (ላዕለዋይ) ይግባይ እንተድኣ ኣቕሪብካ ዝያዳ ግዜ ክወስድ ይኽእል እዩ።