ኣብ ክፉት መዓልቲ ሓወልቲ ፍሉያት ህንጻታት ብጻሕ

'ክፉት መዓልቲ ሓወልቲ' ነፍስወከፍ ዓመት ኣብ 2ይ ቀዳመ-ሰንበት ናይ ወርሒ መስከረም እዩ ዝካየድ። ኣብ 2024 እዚ ኣብ ቀዳም 14ን ሰንበት 15ን መስከረም ክካየድ እዩ። ኣብቲ ቀዳመ-ሰንበት ድማ ኣሽሓት ሓወልትታት ንህዝቢ ብነጻ ማዕጾኦም ክኸፍቱ እዮም። ኣብ መላእ ኔዘርላንድ። ስለዚ ኣብ ጥቓኻ እውን ከምኡ።  

ጥንታዊ ግምባዊ-ዕርዲታት ወይ ውቁባት ኣግራብን ጀርዲናትን ዘለዎም ኣባይቲ ገጠር ክትበጽሕ ትኽእል ኢኻ። ግን ድማ ጥንታዊ ሕርሻታት፣ ሸረሮታት-ንፋስ ወይ መጥሓናት እውን ክትበጽሕ ትኽእል። ወይ ድማ ኣብ ገጠር ዝርከብ ጥንታዊ ማሕጎዳ ወይ ቤት-ትምህርቲ። ጥንታዊ ቤተ-ክርስቲያን ወይ ገዳም፣ ወይ ምናልባት ኣብ ውሽጡ ኣቲኻ ክትዕዘቦ እትደልዮ ጥንታዊ ኣዳራሽ ከተማ ክህሉው ይኽእል። ኣብ ከባቢኻ ዝርከቡ ብዙሓት ፍሉያት ህንጻታት ይሳተፉ ስለዘለዉ ኣብዚ ቀዳመ-ሰንበት ብነጻ ክትበጽሕ ትኽእል ኢኻ።

ኣብ መርበብ-ሓበሬታ ናይ ክፉት መዓልቲ ሓወልቲ 'Open Monumentendag' ኣብ ከባቢኻ ኣየኖት ህንጻታት ክፉታት ምዃኖም ክትርእይ ትኽእል ኢኻ። ሓደ ህንጻ ካብ ሰዓት ክንደይ ክሳብ ሰዓት ክንደይ ክፉት ምዃኑ እውን ተመልከት። ቦታ ክትሓዝእ ዘድልየካ ምዃኑን ዘይምዃኑን እውን ረኣይ።