Hadda muddo ayaad la soo joogi kartaa macaariifta haddii aad magangelyo weydiisatay

Ma degan tahay xeroCOAma heysataa nambarka adeega shaqsiga (BSN)? markaa 3 bilood ayaa macaarifta la joogi kartaa. Tani waxey COA ku magacowdaa nidaamka la soo joogista. Mudada aad dadka la soo joogeysid sariir kuma lihid COA. Waana waajib inaad wiig walba iska soo xaadirisaa COA iyoQeybta Boliiska Ajaanibta, aqoonsiga iyo Ka ganacsiga dadka (AVIM). Taasi waxaad u sameyn kartaa adigoo telefoon ka waca. Taasi darteeda looma baahna inaad xerada imaado.

La joogista wax saameyn ah kuma laha codsigaaga magangelyo. Looma baahna inaad muddo ka sii dheer sii sugto iyo laguma gelinaayo liis sugutaan ah. COA waxey rabtaa keliya iney qaabkaasa xerada dadka badan ee xerada ka yaraado.

Haddii aad rabto inad familka ama asxaabta la soo joogto, waa inaad sharuudahan ka soo baxdaa:

• Kuma jirtid dacwada Dublin iyo kama soo jeedid

  wadamada amaanka ah

• Waxaad jirtaa 18 jir ama ka badan

• Waad heysataa nambarka adeegga muwaadinka (BSN)

• Haddii aad caruur leedahay, waa inaad soo joogtaa meel u dhow uskuulka ilmaha ay aadayaan. Sidaasoo ay ilmaha isla iskuulkii ay u aadi karaan

• Waxaad leedahay dhaqtar qoys ee degmada ama meel u dhow degmada aad soo joogeyso. Ama waxaad fursad u leedahay inaad iska qorto dhaqtarka qoyska ee dadka aad la joogeyso.

• Ma heysatid daryeel caafimaad joogto ah uma baahnid ama daryeel aad u culus

Mudada aad la soo joogeysid waxaad weli xaq u leedahay:

• Lacagta nolosha iyo cuntada ee COA. Ma jirtaa 21 jir ama k badan markaa waxaad muddo xaq u leedahay 75 yuuro wiigii. Qarashkan wuu ka hooseeyaa haddii aad dad dhowr ah oo reerka aad ku soo joogeysaan.

• Dib u celinta qarashka daryeelka. Mudada aad soo joogeysid looma baahna inaad qarashka caafimaadka aad iskaaga u habeyso. Weli waxaad hoos imaadaa

  Nidaamka Daryeelka caafimaadka ee Magangelyodoonka (RMA)
  waxaad kaloo xaq u leedahay qarash aad ku safarto markaad dhaqtarka qoyska ama cisbitaalka u safreyso. Taasi waxaad ka weydiisan kartaa COA.

Ma rabtaa inaad la joogto asxaabta ama familka? markaa la xariir qofka la xariirkaaga ee COA ama aad infobalie. Shaqaalaha-COA ayaa kuu sharaxaaya waxa aad sameyneyso si laguugu fasaxo inaad ula joogto. Waxaa COA kula yeelaneysaa ka hor wadahadal si loo fiiriyo haddii aad sharuudaha ka soo baxeyso inaad dadkaasi la sii joogto. Waxaa kaloo COA ay kuu sharaxeysaa waxii xaquuqdaada iyo waajibaadkaaga ah.

Haddii ay COA go'aamiso inaad la joogi karto, waxaad saxiixeysaan adiga iyo dadka aad la joogeyso heshiis la soo joogid ah. Waxaa la soo joogida uu saameyn ku yeelan karaa xaalada dhaqaalaha ee qofka aad la joogeyso. Tusaale ahaan xagga ceyrta ama kabista. qofka la xariirkaaga ee COA ayaa bixinaaya warqad ay ku qoran tahay saameynta dhaqaalaha. waa iney iyaga saxiixaan warqada hoosteeda marka ay aqriyaan. Taasi waa qeyb ka mid ah heshiiska.

Ka dib marka heshiiska la saxiixo, waxaad abaabuleysaa arrimahan soo socda:

• Waxaad 5 beri gudahooda iska qoreysaa degmada cinwaanka aad soo joogeysi. Taasi waa inaad sameysaa 5 beri gudahooda marka aad joogista meesha kuu bilowdo

• Ma leedahay sidoo kale hagaha

  VluchtelingenWerk Nederland(VWN)? la socodsii hagahaaga VWN inaad aadeyso soo joogis meel kale ah.

• Ma rabtaa inaad iska qorto isla dhaqtarka qoyska ee dadka aad la joogeyso? Markaa xaggaasi waad iska soo qori kartaa.

Muddo 3 bilood adigoo la joogista ku jira weli dacwadaada magangelyo ma socotaa? iyo weli xaq uma lihid guri? Markaa waxaad weydiisan kartaa haddii aad muddo ka sii badan aad la sii joogi karto asxaabta ama familka. Waxaad weydiisaneysaa dheereynta COA

Ma rabtid adiga, familkaaga ama asxaabtaada inaad la sii joogto? Markaa waxaad dib u heleysaa boos xerada COA ah. Taasi waxey noqon kartaa meel ka duwan meeshii aad hore ugu jirtey. Codsigaaga ma la soo diiday mudadii aad dadkaasi la sii joogtay? MArkaa waa naad dib ugu noqotaa xerada COA.