Sidaan ayaa ku heleysaa warar lagu kalsoonaan karo Nederlaan
Nederlaad waxaad ka heli kartaa macluumaad lagu kalsoonaan karo sababtoo ah waxaa jira xoriyada saxafada. Iyo maadaama saxaafaddu waa qayb ka mid ah dimuqraadiyadda Nederland. Laakiin sidoo kale waxaa jira warar badan oo been abuur ah. Maqaalkan waxaad ka akhrisan kartaa sida lagu kalsoonaan karo saxaafadda Dutch. Iyo sidaad naftaada u heli lahayd warar sugan.
Nederlaan suxaafiyiinta waa iney runta sheegaan
Nederlaan warbaahinta wararka wey
Haddii ay wax shaacinayaan waa iney labada dhinacba arrinta sidey u arkaan maqashiyaan. Waa iney kala saaraan xaqiiqda dhacdada iyo ra'yiga. Waana iney sheegaan halka ay warbixinta ka heleen iyo iney isticmaalaan ilal badan si ay waxa u cadeeyaan.
Dowlada Nederlaan ma xadidi karaan waxa ay suxaafiyiinta sheegayaan ama qorayaan
Nederlaan waad sheegi kartaa waana qori kartaa waxa aad rabto. Taasi waxaloo yaqaanaa xornimada bandhigida fikrada. Sidoo kale suxufiyiinta wey dooran karaan waxa ay qorayaan ama shaacinayaan. Taasi waa xornimada warbaahinta. Sida xornimada fikrada ayaa xornimada warbaahinta loogu qoray
Dastuurkani wuxuu hubinyaa in suxufiyiinta ay madax banaani u shaqeyn karaan. Taasi waxey micnaheeda tahay iney suxufiyiinta ay iyaga go'aamin karaan wararka ay sameynayaan iyo sida ay warbixintani u sheegayaan. Suxufiyiinta waa loo oggol yahay iney warbixin baaritaan ku sameeyaan oo ay shaaciyaa sida tusaale dowlada, shirkadaha iyo garsoorka. Taasina waxey sameyn karaan iyadoo aan saameyn lagu sameynin xag siyaasadeed ama dano ganacsi.
Nederlaan waxey leedahay talefishano iyo idaacado bulso iyo kuwo ganacsi:
Idaacada Nederlaanka ee Shicibka (NPO)
Telefishanada ganacsiga
Xornimada warbaahinta micnaheeda ma aha in suxufiyiinta loo ogolaado iney been sheegaan ama wax takooraan
Xoriyada saxaafada iyo xornimada bandigida fekerka micnaheeda ma ahan inaad xor u tahay inaad been sheegto, ama cunsuriyeyso, dadka aad ku dhiiriso iney dadka kale si xun ula dhaqmaan. Waayo haddii aad taasi sameyso, waxaad qatar gelineysaa xoriyada dadka kale.
Xornimada bandigida fekerka waxey la mid tahay xaquuqaha kale ee asaasiga, tusaale xaqa inaan lagu cunsiriyeyn. Mar mar way adag tahay in la ogaado xadka xoriyada fekerka, xoriyada warbaahinta iyo xaquuqaha kale ee asaasiga.
Saxaafada waa qeyb muhiim ah oo dimoqraadiyada Nederlaan
Nederlaan, saxaafaddu waxay door muhiim ah ka ciyaartaa dimuqraadiyadda iyo la socodka dawladda. Suxufiyiintu waxay ururiyaan xogta oo ay la wadaagaan dadweynaha. Waxay baadhaan oo ka warbixiyaan dhacdooyinka, siyaasadaha iyo go'aamada dawladda. Saxafiyiinta sidoo kale waxay la socdaan kuwa kale ee awooda leh, sida shirkadaha waaweyn ama maxkamada.
Maadaama saxafiyiinta dowladda iyo dadka kale ee awoodda leh kantaroolayaan, qof kasta oo ka tirsan bulshada Nederlaan wuxuu heli karaa macluumaadka arrintan ku saabsan. Tusaale ahaan, ku saabsan sida dowladdu u qabato shaqadeeda. Iyada oo ku saleysan xogtan, dadka Nederland waxay go'aamin karaan codkooda xilliga doorashada, mudaaharaad ama go'aanno ku saabsan noloshooda.
Sidan, saxaafaddu waxay ka caawisaa ilaalinta qiyamka muhiimka ah ee dimoqraadiyadda, sida xorriyadda iyo furfurnaanta. Saxaafaddu waxay inta badan hubisaa in dawladdu ay tahay inay sharaxdo sababta iyo sida ay u maamusho waxyaabaha qaarkood ee Nederlaan.
Warbaahino kala duwan ayaa siyaabo kala duwan u bixin kara macluumaadka
Xitaa inkastoo saxaafiyiin runta sheegaan, haddana joornaalada ama wararka waxey lahaan karaan qiimeyn siyaasad ama bulshadeed. Saxaafiyiinta waxaa shaqo u ah iney warbixinta raadiyaan iyo dadka waxa jira ka wargeliyaan. Sidoo kale waa iney fikrada iyo dhabta kala saaraan. Laakiin marar saxaafiyiinta fikradooda ayey heystaan. Ama waxey raacayaan fikrada wargeyska ay wax u qoraan, halkaasoo dhabta si kale loo ifinaayo ama loo qoraayo.
Xitaa Nederlaan warbixin marin habaabin ama aan sax ahayn ayaa la fidiyaa
Waxa kale oo jira ilo wareed iyo saxafiyiin Nederlaan ah oo aan la isku halayn karin ama wax badan la isku halayn karin. Dadku waxay faafiyeen warar been abuur ah, gaar ahaan internetka iyo baraha bulshada. Taasi waa xog aan run ahayn. Ujeedada warkaas maaha in la faafiyo warar daacad ah, laakiin waa in la faafiyo fikrad gaar ah ama lacag lagu sameeyo. Waxay noqon kartaa war laga helo internetka, muuqaal ku jira baraha bulshada ama sawir ku jira koox WhatsApp ah.
Sidan ayaad warbixinta ugu sugan u heli kartaa Nederlaan
Waxaa sameyn kartaa dhowr shey aad sameyn karto si aad u hesho warbixin sugan
Waxaad la socon kartaa wargeysyo kala duwan, joornaalo ama wargeysyo. Markaa waxaad is barbar dhigi kartaa macluumaadka. Tani waxay ku siinaysaa muuqaal dhammaystiran oo dhacdada ah.
Ma ka aqrisay maqaal wargeyska? markaa waad fiirin kartaa ilalka ay wargeyska magacowday. Markaa waad ogaaneysaa halka warbixinta ka timid.
Ma ka akhridaa wararka baraha bulshada? Had iyo jeer hubi ilaha saxafiga si aad u hubiso in waxa aad akhriday ay sax yihiin. Tusaale ahaan, soo ogow wargeysyada warku ka soo baxo.
Ka taxadar cinwaannada dareenka jiita iyo wararka xanta ah ee aan la xaqiijin. Mararka qaarkood ciwaanka maqaalku wuxuu leeyahay wax gabi ahaanba ka duwan nuxurka maqaalka. Markaa ha akhriyin cinwaanka oo keliya.
Halkan ayaa wararka Nederlaan kala soconeysaa marka aad barato luqada Nederlaanka
Weli ma sii baraneysaa Nederlaanka, laakiin waxaad aad u rabtaa inaad la socoto wararka? Markaa wararka kala soco halkan: