Qodob
Waa kuwan xaquuqdaada iyo waajibaadka hooysiinta magangelyodoonka
marka ugu dambeeyey la cusbooneysiiyey: 11/14/2024, 11:10 GH
La wadaag baraha bulshada:
Xerada Dejinta dhexe ee magangelyo (COA) waxaad la degan tahay dad kale. Xero walba wey kala duwan yihiin. Sidoo kale tashiilaadka laga helo wey kala duwan yhiin. kala Xerada waxaad leedahay xaquuqyo iyo waajibaadyo. Taasina waxii dheeraad ah boggan ayaad ka aqrin kartaa.
Waa kuwan xaquuqdaada xerada dhexdeeda
Hoy kasta oo ku yaal waxaad xaq u leedahay:
sariir lagu seexdo
cunto ama lacag aad adigu cunto ku iibsato
lacagta dharka iyo alaabta daryeelka
daryeelka caafimaad ee daruuriga ah iyo magdhawga kharashaadka caafimaad
caawimo iyo hagis
magdhawga kharashaadka gaarka sida kharashaadka socdaalka
waxbarashada ilmaha ka yar 18 jir
gudbinta dacwadaha ku saabsan dadka kula degan, hoyga ama shaqaalaha COA
Kuwani waa tas-hiilaadka iyo hawlaha hoyga
Wax ku cunista guriga xerada: Hoy ku meel gaar ah sida badan adigu iskuma kariso. COA waxay bixisaa cunto. Xarunta magangelyo doonka (AZC) inta badan iskaaga cuntada u karsaneysaa oo aad hesho lacag aad cunto ku iibsato.
Ku dhaqidda hoyga: Meel kasta oo xero ah waxay leedahay qolka dharka lagu dhaqdo oo aad ku dhaqdo oo aad ku qalajiso dharkaaga. Qolka dhar-dhaqashadu wuu furan yahay waqtiyo gaar ah, tanina way kala duwan tahay xero kasta.
Casharka luqada Nederlaanka ama shaqada tabaruca ee xerada
Xeryaha dejinta qaarkood waxaad ka dhigan kartaa casharo Nederlaanka ama shaqo tabaruc ayaad qaban kartaa. Ilmaha waxaa xeryaha qaarkood ay leeyihiin siboorti, ciyaaro, dhaqanka iyo muusiga. Xero walba isla wixii lagama helo. Xerada muddada ah waxyaalo badan lagama helo.
Waa kuwan xaquuqdaada xerada dhexdeeda
Inta aad joogtid xerada waa inaad:
ilaaliso sharciga u degsan Nederlaanka
u hoggaansamo xeerarka xerada (waxaad akhrin kartaa kuwan dambe ee maqaalkan)
shaqaalaha COA waa inaad u ogolaataa iney qolkaaga soo galaan baaritaanka waajibka ah
waa inaad ugu yaraan 1 mar wiigii aad iska xaadirisaa COA. Waxa COA kuu sheegeysaa meesha iyo saacadda taasi lagaa rabo. taasi waxaa lagu magacaabaa waajibka isxaadirinta)
raacdo tilmaamaha shaqaalaha COA
waa inaad soo celiso alaabta aad soo amaahatay adigoon waxba soo yeelin markaad baxayso. Haddii alaab ay maqan yihiin ama jaban yihiin, waa suuragal in COA kaa jarto lacagta aad wiiga qaadato
u soo sheeg isbedelada xaaladaada dhaqaale COA
Waa inaad saxiixdaa qoraal
Kahor intaadan degin xerada COA, waxaad saxiixday cadeynta xuquuqda iyo waajibaadka. Taas waxa aad ku ballan qaadaysaa in aad u hoggaansami doonto shuruucda xerada.
MyCOA
Waxaad websaaytka COA ka heleysaa warbixinta xerada aad degan tahay
Xerada waxaa ka jira xeerar guri oo ay tahay inaad u hoggaansanto
COA waxay leedahay xeerar guri oo loogu talagalay hoy walba. Xeerarka gurigu waxay xaqiijinayaan jawi nololeed oo wanaagsan oo ammaan ah. Waxay ku saabsan yihiin guriyeynta, (dabka) badbaadada iyo waxa masuuliyadahaagu yihiin.
Haddii aad dhowri weydo nidaamka u degsan ama waajibaadkaaga? waxaa COA:
laguu siiyo lacagta toddobaadle oo yar
iney kuu bedelaan xero leh nidaam adag. Taasi waxey dhacdaa marka aad (xadgudub culus la sameeyo)
u sheeg booliiska haddii aad ku xad gudubto sharciga Nederlaan
Hoos waxaad ka akhrisan kartaa wax badan oo ku saabsan xeerarka COA ee ay tahay inaad u hoggaansamaan:
Nederlaan dadka dhamaan waa siman yihiin Takoorka waa mamnuuc. Tani waxay ku qoran tahay qodobka 1 . Sidoo kale laguuma ogola inaad takoorto qof kasta oo jooga xerada COA. Dadka ka yimid meelo kala duwan waa inay si amaan ah ugu wada noolan karaan.
Nooc walba oo dagaal iyo dilitaan loo geysto dadka degan xerada iyo shaqaalaha COA waa la ciqaabayaa. Haddii aad tahay dhibanaha dhibka loo geystay, la dilay ama falxumo xadka ka baxsan oo fara xumeyn la xariirta, waxaad dacwad ka qori kartaa boliiska.
Xerada dhexdiisa waxaad qaban kartaa hawlaha diiniga ah iyo aragtiyahaaga siyaasadeed, laakiin waa inaan dadka kale wax dhibaato ah kala kulmin.
Waa inaanad xerada wax buuq ama dhawaaqyo la sameynin. Inta udhaxaysa 22: 00 ilaa 08: 00, waa inay noqotaa meel degan oo cid kastaa seexan karto.
Waa mamnuuc inaad ka qaado sawiro ama muuqaalo ama aad codad ka duubto dadka ku sugan hoyga adigoon wax ogolaansho ah haysan.
Soo-booqdayaasha waa la soo dhawaynayaa inta u dhaxaysa 8.00 subaxii iyo 22.00 habeenkii. Waa inay iska soo qoraan resebshanka markay yimaadaan. Halkaasna ka saxeexaan marka ay baxayaan. Waa inaad ka soo wadaa soo-booqdayaashaada resebshanka oo aadaa masuul ka ah. Waxaad waydiisan kartaa nidaamka dadka soo booqda miiska macluumaadka COA.
Daroogada sharci darada ah iyo qamrada waa ka mamnuuc xerada. Lama oggola inaad daroogo sharci daro heysato, ka ganacsato ama isticmaasho.
Cabitaanka qamrada oo banaanka lagu cabaa waa laga ka mamnuuc hoyga dhexdiisa.
Hubka lama ogola hoyga dhexdiisa.
Xirashada dharka wajiga daboolaya, sida niqaabka ama indhashareerka, sidoo kale waa mamnuuc. Sidoo kale meesha aad ku nooshahay.
Kuwani waa sharciyada guriga ee ku saabsan ku noolaashaha hoyga
Meesha aad ku nooshahay waxa looga talo galay adiga iyo dadka kula degan oo kaliya. Ha u ogolaan dad kale inay halkaas ku noolaadaan.
Lama oggola inaad wax ka badashid guriga aad ku nooshahay. Lama ogola inaad keento qalab guri qurxin oo kuu gaar ah. Kuma dhejim karto wax daahyo ah ma dhejin kartid ama wax gidaarada la suro lama oggola.
Haddii aad wax jabiso? waa inaad iska bixisaa kharashka hagaajinta.
Waa inaad ilaashataa goobta aad ku nooshahay oo aad nadiifisaa oo marka aad ka baxayso waa inaad sii nadiifiso. Laguuma ogola inaad goobta wax ka qaadato meesha aad ku nooshahay.
Dhammaan dadka deegaanka waa inay nadiifiyaan meelaha la wadaago iyo deegaanka xerada nadiif ahaadaan.
Ma haysan kartid xayawaanka guriga ilaa aad hesho ogolaansho qoran oo ka yimaada maamulka xerada.
Waa inaad u ogolaataa shaqaalaha COA inay galaan goobta aad ku nooshahay si loo baaro qolalka, ilaalinta iyo dayactirkoodu. Shaqaalaha COA waxay gali karaan goobta aad ku nooshahay adigoon lagu weydiinin haddii ay jirto dhibaato xaga amaanka ah ama caafimaadka dadwaynaha.
Mararka qaarkood waa inaad u guurtaa qol kale ama qof cusub ayaa kuu imanaya qof kale oo meesha kula dega.
Waxaad marmarka qaarkood ka amaahan kartaa COA alaabta si ku meel gaar ah, sida saxamada, maacuunta, sariir fidiska, shukumaanka iyo alaabta ilmaha, Waa inaad soo celisaa alaabtan iyadoon waxba gaarin.
Laguuma ogola inaad sigaar ku cabto gudaha hoyga, xataa qolka aad ku nooshahay. Dibadda waxaa laguu ogol yahay kaliya inaad ku cabto meelaha lagu sheegay in tan la ogol yahay. Waxa kale oo aad halkaas ka heli doontaa ashtari sigaarka lagu demiyo.
Waxaad keliya wax ku karin kartaa aaladaha wax kariska ee jikada la wadaago yaala ee xerada.
Laguuma ogola inaad dab furan ku shido hoyga. Markaa laguuma ogola inaad isticmaasho shumaca, fooxa, nalalka faanuusta ama qalabkaaga wax lagu kariyo oo adiga kuu gaar ah.
Haddii aad isticmaasho qalabka koronto ee adiga kuu gaar ah, waa inaad weydiisaa shaqaalaha COA in qalabkaasi inuu yahay mid si amaan loo isticmaali karo yahay.
Waa inaanad waxba ku daboolin jalasyada dabka ee hoyga.
Laguuma ogola inaad furto albaabada dabka celiya. Hubi inay si toos ah u sii wada xirmaan oo xirnaadaan.
Wadooyinka baxsadka ah ee hoyga waa in ay had iyo jeer ahaadaan kuwo banaan. Tusaale ahaan, iska hubi in gaariga ilmaha ama baaskiiladu aanay jidka xireynin.
Alaarmiga dabku ma kacayaa? Kadibna isla markiiba ka bax dhismaha oo dibadda ku sug. Kadib raac tilmaamaha shaqaalaha COA.
COA laguma laha waxa soo gaara alaabtaada. taala xerada sidoo kale haddii cida guriga kula degan ay wax ka jebiyaan alaabtaada.
Adiga ayaa ka mas'uul ah qasaare qolkaaga iyo alaabta COA ee meesha yaala. Haddii aysan caddayn cidda waxyeelada geysatay, dhammaan dadka deggan qolka waa in ay wada bixiyaan.
Adiga ayaa mas'uul ka ah booqdayaashaada. Waa inaad hubisaa inay u hoggaansameen xeerarka guriga. Waxaad waydiisan kartaa sharciyada u degsan dadka ku soo booqda miiska macluumaadka ee COA.
Ma leedahay carruur da'doodu ka yar tahay 18 jir?
Markaa adiga ayaa mas'uul ka ah:
amaankooda
waxyeellada ay geystaan (adiga ayaa bixinaya khasaarahaas)
mas'uul ka ah inay aadaan dugsiga. Dhammaan carruurta da'doodu u dhaxayso 5 ilaa 18 sano waa waajib inay aadaan dugsiga. Ilmahaagu ma aadayo dugsiga? Markaa waxaa lagu siin karaa ganaax.
Maxey kula tahay qodobkan?
