Waa kuwan xaquuqdaada iyo waajibaadka dejinta ee COA

• Nederlaan dadka dhamaan waa siman yihiiyn Takoorka waa mamnuuc. Tani waxay ku qoran tahay qodobka 1

  ee dastuurka Nederlaan
  . Sidoo kale laguuma ogola inaad takoorto qof kasta oo jooga xerada
  Ururka dejinta magangelyadoonka COA. Dadka ka yimid meelo kala duwan waa inay si amaan ah ugu wada noolan karaan.

• Nooc walba oo dagaal iyo dilitaan loo geysto dadka degan xerada iyo shaqaalaha COA waa la ciqaabayaa. Haddii aad tahay dhibanaha dhibka loo geystay, la dilay ama falxumo xadka ka baxsan oo fara xumeyn la xariirta, waxaad dacwad ka qori kartaa boliiska.

• Xerada dhexdiisa waxaad qaban kartaa hawlaha diiniga ah iyo aragtiyahaaga siyaasadeed, laakiin waa inaan dadka kale wax dhibaato ah kala kulmin.

• Waa inaanad xerada wax buuq ama dhawaaqyo la sameynin. Inta udhaxaysa 22: 00 ilaa 08: 00, waa inay noqotaa meel degan oo cid kastaa seexan karto.

• Waa mamnuuc inaad ka qaado sawiro ama muuqaalo ama aad codad ka duubto dadka ku sugan hoyga adigoon wax ogolaansho ah haysan.

• Soo-booqdayaasha waa la soo dhawaynayaa inta u dhaxaysa 8.00 subaxii iyo 22.00 habeenkii. Waa inay iska soo qoraan resebshanka markay yimaadaan. Halkaasna ka saxeexaan marka ay baxayaan. Waa inaad ka soo wadaa soo-booqdayaashaada soo resebshanka oo aadaa masuul ka ah. Waxaad waydiisan kartaa nidaamka dadka soo booqda miiska macluumaadka.

• Daroogada sharci darada ah iyo qamrada waa ka mamnuuc xerada. Lama oggola inaad daroogo sharci daro heysato, ka ganacsato ama isticmaasho.

• Cabitaanka qamrada oo banaanka lagu cabaa waa laga ka mamnuuc hoyga dhexdiisa.

• Hubka lama ogola hoyga dhexdiisa.

• Waa mamnuuc in dhar wajiga qarinaaya la xirtaa sida hoyga ama xerada dhexdiisa sida niqaab ama burqa. Xitaa qeybta aad degan tahay.

• Meesha aad ku nooshahay waxa looga talo galay adiga iyo dadka kula degan oo kaliya. Ha u ogolaan dad kale inay halkaas ku noolaadaan.

• Waxa laga yaabaa inaanad waxba ka badalin goobta aad ku nooshahay. Lama ogola inaad keento qalab guri qurxin oo kuu gaar ah. Kama soo laalaadin kartid wax daahyo ah ama wax gidaarada la surto.

• Haddii aad jabiso wax, waa inaad iska bixisaa kharashaadka dayactirka.

• Waa inaad ilaashataa goobta aad ku nooshahay oo aad nadiifisaa oo marka aad ka baxayso waa inaad sii nadiifiso. Laguuma ogola inaad goobta wax ka qaadato meesha aad ku nooshahay.

• Dhamaan dadka degan goobtu waxay masuul ka yihiin goobaha caamka ah iyo nadiifinta dhamaan goobaha ku wareegsan hoyga.

• Ma haysan kartid xayawaanka la carbisto ilaa aad hesho ogolaansho qoran oo ka heshay maamulka hoyga.

• Waa inaad u ogolaataa shaqaalaha COA inay galaan goobta aad ku nooshahay si loo hubiyo qolalka, ilaalinta iyo dayactirkoodu. Shaqaalaha COA waxay gali karaan goobta aad ku nooshahay adigoon martiqaadin haddii ay jirto dhibaato xaga badqabka ah ama caafimaadka dadwaynaha.

• Waxaa laga yaabaa inaad u guurto qol kale ama qof kale ayaa laga yaabaa in lagu meeleeyo meeshaad degan tahay.

• Waxaad alaabta qaarkood si ku meel gaar ah ayaa uga amaahan kartaa COA. Tusaale ahaan: saxannada, qalabka wax lagu cuno, gogosha, tuwaalada iyo alaabta cunugaaga. Waa inaad alaabta amaahda iyadoo aan jabnayn u soo celisaa COA.

• Laguuma ogola inaad sigaar ku cabto gudaha hoyga, xataa meesha aad ku nooshahay. Dibadda waxaa laguu ogol yahay kaliya inaad ku cabto meelaha lagu sheegay in tan la ogol yahay. Waxa kale oo aad halkaas ka heli doontaa haash sigaarka lagu demiyo.

• Waxaad keliya wax ku karin kartaa aaladaha wax kariska ee jikada la wadaago ee xerada.

• Laguuma ogola inaad dab furan ku shido hoyga. Markaa laguuma ogola inaad isticmaasho shumaca, fooxa, nalalka faanuusta ama qalabkaaga wax lagu kariyo oo adiga kuu gaar ah.

• Haddii aad isticmaasho qalabka koronto ee adiga kuu gaar ah, waa inaad weydiisaa shaqaalaha COA in qalabkaasi inuu yahay mid si amaan loo isticmaali karo yahay.

• Waa inaanad waxba ku daboolin jalasyada dabka ee hoyga.

• Laguuma ogola inaad furto albaabada dabka celiya. Hubi inay si toos ah u sii wada xirmaan oo xirnaadaan.

• Wadooyinka baxsadka ah ee hoyga waa in ay had iyo jeer ahaadaan kuwo banaan. Tusaale ahaan, iska hubi in gaariga ilmaha ama baaskiiladu aanay jidka xireynin.

• Haddii jalasyadaa dabku aamusaan, waa inaad dhismaha si degdeg ah uga baxdaa oo aad dibada ku sugtaa. Kadibna raac tilmaamaha shaqaalah COA.

• COA laguma laha waxa soo gaara alaabtaada. taala xerada Xataa waxba laguma laha haddii cida guriga kula degan ay wax ka jebiyaan alaabtaada.

• Adiga ayaa ka mas'uul ah burburka qolkaaga hoyga iyo alaabta COA ee meeshaas ku kaydsan. Haddii aysan caddayn cidda waxyeelada geysatay, dhammaan dadka deggan qolka wadaa in ay bixiyaan.

• Adiga ayaa mas'uul ka ah booqdayaashaada. Waa inaad hubisaa inay u hoggaansameen xeerarka guriga. Waxaad waydiisan kartaa sharciyada u degsan dadka soo booqda miiska macluumaadka ee COA.

Ilaa ilmahaagu ka gaaro 18 jir, waxaad:

• mas'uul ka ah ammaankooda.

• ka masuula wixii dhibaato ah ee ay geystaan. Waa inaad bixisaa khasaarahaas.

• mas'uul ka ah inay aadaan dugsiga. Dhammaan carruurta da'doodu u dhaxayso 5 ilaa 18 sano waa waajib inay aadaan dugsiga. Ilmahaagu ma aadayo dugsiga? Markaa waxaad heli kartaa ganaax.