Nederlaan kama go'aamin doonto codsiyada magangalyada ee Suuriya wakhtigan la joogo
Kadib dhicitaankii madaxweynihii hore ee Bashaar al-Asad, Nederlaan ilaa muddo ah ma samaynayso go'aano ku saabsan codsiyada magangalyada ee dadka Suuriya. Maqaalkan waxaad ka akhrisan kartaa micnaha ay tani u leedahay codsigaaga magangelyo ama isukeenida qoyska.
Go'aankan waxaa lagu kordhin karaa ugu badnaan 6 bilood. Dhanka kale, Wasaaradda Arrimaha Dibadda ayaa baaritaan ku sameyneysa xaaladda amni ee dalka Suuriya. Nederland waxay ku daydeen waddamo kale oo Yurub ah, sida Jarmalka iyo Belgium.
Nederlaan wax go'aan ah kama gaari doonto codsigaga magangelyo, dibna laguguma celin doono Suuriya
Miyaad ka timid Suuriya oo ma waxaad sugaysaa wax ka yar 21 bilood go'aan? IND ayaa markaa joojin doonta codsigaga. Codsigaaga magangelyo waa la eegi doonaa mar dambe (mar kale). Waxaad joogi kartaa Nederlaan ilaa inta dacwadaada la hakiyey.
Nederlaan dadka dib ugama soo celin doonto Suuriya wakhtiga la joogo xaalad amni oo aan caddayn awgeed. Intaa waxaa dheer, Nederland hadda wax xiriir ah oo diblumaasi lama laha Suuriya, taas oo lagama maarmaan u ah marka dadka dib loo celinaayo.
Haddii codsigaaga magangelyo hore loo diiday, waxaad mar kale heli kartaa dejin iyo waad codsan kartaa magangelyo
Haddii IND ay hore u diidday codsigaga magangelyo oo aanad xaq u lahayn soo dhawayn, hadda waxaad mar kale u soo warbixi kartaa Ter Apel si laguugu qaabilo. Waxaad mar labaad xaq u leedahay soo xero, xataa haddii aanad haysan codsi magangelyo oo kuu socda. Sababtoo ah Nederlaan looma ogola inay dadka ka soo celiso Suuriya 6da bilood ee soo socota.
Waxa kale oo aad soo gudbin kartaa codsi cusub oo magangelyo sababtoo ah xaalada isbedelay ee Suuriya. Dacwadaada, waxa u fiican inaad tan samayso sida ugu dhakhsaha badan. Waxa kale oo aad markaa isticmaali kartaa xuquuqaha sida in aad si dhakhso ah u shaqeyso.
Xaalado qaarkood wey jiraan oo ay INd go'aan ka gaari karto codsigaaga magangelyo
Xaaladahan ayaa ka mid ah
Haddii aad muddo dheer sugaysay go'aan:haddii aad gudbisay codsi magangalyo in ka badan 21 bilood ka hor, IND wali way gaari doontaa go'aan. Tani waxay sidoo kale khuseysaa haddii muddada sugitaanka 6 da bilood ee soo socda ay tahay 21 bilood.
Haddii aad magangelyo u codsato arrimo shakhsi ah: Sida ay qabto IND, sababahan shakhsi ahaaneed waa in ay ka duwan yihiin xaaladda Suuriya waa iney arrin daran si go'aan fiican looga gaaro. Xaaladda Suuriya awgeed, IND waxay filaysaa in go'aamo yar la gaari doono 6 bilood ee soo socota sida xaaladahan oo kale ah.
Haddii waddan kale oo Yurub ah uu mas'uul ka yahay codsigaaga magangalyo: iyadoo la tixraacayo
Waxaad heli kartaa taageero haddii aad su'aalo ka qabto codsigaga magangalyada
Su'aalo ma ka qabtaa waxa uu go'aankani adiga kuu saameynaayo? La xiriir qofka aad la xariirto
Su'aalo iyo jawaabo ku saabsan go'aanka ah in aan go'aan laga gaarin codsiyada magangalyada ee Suuriya wakhtigan la joogo
Hoos waxaan uga jawaabaynaa su'aalaha suurtogalka ah ee laga yaabo inaad ka qabto go'aankan:
Maxaa dhacaya haddii aan weli rabo in aan magangelyo ka codsado Nederlaan?
Maxaa uu noqonaayaa codsigeyga mideynta qoyska?
Wali ma heli karaa sharci degenaansho rasmi ah ama baasaboor Nederlaan ah?
Maxaa dhacaya haddii aan racfaan ka qaato diidmada IND ka dib?
RefugeeHelp ayaa maqaalkan si joogto ah wax uga qoreysa
Wax su'aalo ah ma qabtaa? RefugeeHelp waxa ay kula socodsiinaysaa intii suurtogal ah ee ku saabsan xogtii u dambaysay ee mawduucan. Sidaa darteed, fadlan si joogto ah u fiiri boggan wixii ku soo kordha.