ውጽኢት ምርጫ ኤውሮጳ እዚ እዩ

ኣብ እዋን ምርጫ ኤውሮጳ፣ ኤውሮጳውያን ነቶም 720 መናብር ባይቶ ኤውሮጳ መን ክሕዝ ከምዝኽእል ንምውሳን ድምጾም ሂቦም። ሰልፊ ህዝቢ ኤውሮጳ (EVP) ዳግማይ ዝበዝሐ ድምጺ ዝረኸበ ኮይኑ፣ በዚ ድማ ኣብ ባይቶ 190 መናብር ኣለዎ። 2ይ ዝዓበየ ሰልፊ ማሕበራውያንን ዴሞክራሲያውያንን (S&D) ኮይኑ፣ 136 መናብር ኣለዎ። 3ይን 4ይን ዝዓበዩ ሰልፊታት ድማ Renew Europe (90 መናብር) ከምኡ እውን ዓቃባዊ ECR (76 መናብር) እዮም።

እቶም ዝያዳ ጽኑዕ ፖሊሲ ዑቕባ ዝድግፋ (ኣኽረርቲ) የማናውያን ሰፊታት እውን ዝያዳ ድምጺ ረኺቦም እዮም። ብፍላይ ኣብ ጀርመንን ፈረንሳን። እንተኾነ ግን እዞም ሰልፊታት ኣብ ባይቶ ዝዓበዩ ክኾኑ ኣይከኣሉን።

ባይቶ ኤውሮጳ፣ ንሕግታት ኤውሮጳ ከጽድቕ፣ ከስተኻኽል ወይ ክነጽግ ይኽእል። ነዚ ዕማም ብግቡእ ንምፍጻም ድማ እቶም ኣብ ባይቶ ዘለዉ ሰልፊታት ኣብዝሓ ቦታ ንምርካብ ክተሓባበሩ ኣለዎም። ስለዚ እቲ ባይቶ ባዕሉ ሕጊ ኣየውጽእን እዩ፣ እንተኾነ ግን

ሕጂ EVPን S&Dን ምናልባት ዳግማይ ኣብ ባይቶ ክተሓባበሩ ይኾኑ እዮም። ቅድሚ ሕጂ እውን ን5 ዓመታት ከምዚ ገይሮም ነይሮም እዮም። እንተኾነ ግን ኣብዝሓ ንምጭባጥ ገና እንተወሓደ 1 ሰልፊ የድልዮም እዩ። Renew Europe ድማ ምናልባት እቲ ምስኦም ኣብዝሓ ንኽፈጥር ዝሓቱዎ ሰልፊ ክኸውን እዩ። 

እቲ ባይቶ፣ ንኮሚሽን ኤውሮጳ እትመርሕ ሰብ እውን መሪጹ ኣሎ። ንሳ ድማ እታ ካብ 2019 ጀሚራ ነዚ ቦታ ሒዛቶ ዝጸንሐት ኡርሱላ ፎን ደር ሌየን -Ursula von der Leyen- እያ።

ባይቶ ኤውሮጳ፣ ስደተኛታት ኣብ ሕብረት ኤውሮጳ (EU) ብኸመይ ክትሓዙ ከምዘለዎም ሕግታት የውጽእ። ኩለን ኣባል ሃገራት ሕብረት ኤውሮጳ ድማ ነዞም ሕግታት ኤውሮጳ ክኽተላ ኣለወን። ኔዘርላንድ እውን ኣባል ሕብረት ኤውሮጳ እያ፣ ስለዚ ብቀሊሉ ባዕላ ሕግታት ክትገብር ኣይትኽእልን እያ።

• ኣየነይቲ ሃገር ንመመልከቲ ዑቕባ ከተመስርሕ ሓላፍነት ከም ዘለዋ ዝድንግግ

  ደንቢ-ዱብሊን
  ።

• እቶም ኣብ ቀረባ እዋን ዝጸደቚ ሓደስቲ ሕግታት ዑቕባ ኤውሮጳ።

ሓንቲ ሃገር ካብ ሕግታት ኤውሮጳ ወጻኢ ኣዝያ እንተድኣ ሓኪላ፣ ኮሚሽን ኤውሮጳ ነታ ሃገር ንምቕጻዕ ስጉምትታት ክወስድ ይኽእል እዩ።

ኣብ ውሽጢ ሕብረት ኤውሮጳ ኣብ መዳይ ዑቕባን ፍልሰትን ኣብ መጻኢ እንታይ ዓይነት ውጥናት ከም ዝህልዉ ክሳብ ሕጂ ንጹር ኣይኮነን። እንተኾነ ግን እቶም ቅድሚ ምርጫ ዝጸደቚ ሕግታት ዑቕባ ምናልባት ኣብ ግብሪ ክውዕሉ ይኾኑ እዮም። እዚ ዝኾነሉ ምኽንያት ድማ እቶም ኣብ ባይቶ ኣብዝሓ ሒዞም ዝነበሩ ሰልፊታት ነዚ ስለዝዓቀብዎ እዩ። እዞም ሓደስቲ ሕግታት እንተወሓደ ክሳብ 2026 ኣብ ግብሪ ኣይክውዕሉን እዮም።