ክንክን ጥዕና

ናይ ኔዘርላንድ መንበሪ ፍቓድ ዘይብልካ ኣብ ኔዘርላንድ መድሕን ጥዕና ክትኣቱው ኣይትኽእልን ኢኻ። እዚ ዝኾነሉ ምኽንያት ድማ ሕጋዊ መንበሪ ፍቓድ ዘይብሎም ሰባት ማሕበራዊ ኣገልግሎት ኔዘርላንድ ክጥቀሙ ስለዘይፍቀደሎም እዩ።

ማዕረ ማዕሪኡ ድማ መሰል ክንክን ጥዕና ኣሎ። ነፍስወከፍ ሰብ ሕክምናዊ ኣድላይነት ዘለዎ ክንክን ናይ ምርካብ መሰል ኣለዎ። ሕክምናዊ ኣድላይነት ዘለዎ ክንክን ማለት፣ ሓኪም ብሕክምናዊ መዳይ ንዓኻ ኣድላዪ እዩ ኢሉ ዝኣመነሉ ክንክን እዩ።

ብዙሓት ወሃብቲ ክንክን ጥዕና፣ መንበሪ ፍቓድ ዘይብሎም ሰባት ኣብ ህጹጽ እዋን ካብ ዝግበር ቀዳማይ ረድኤት ንላዕሊ ዝሰፍሐ ክንክን ናይ ምርካብ መሰል ከም ዘለዎም ኣይፈልጡን እዮም። ኣብ መርበብ-ሓበሬታ ናይ ውድብ ረድኤት 'Basic Rights' ዝኾነ ኮይኑ ጽቡቕ ሕክምናዊ ክንክን ንምርካብ ክትከዶም እትኽእል ቦታታት ብዝምልከት ሓፈሻዊ ትሕዝቶ ክትረክብ ኢኻ።

ውዕል መድሕን ጥዕና ክትገብር ዘይትኽእል ምዃንካ፣ ናይቲ ዘድልየካ ክንክን ጥዕና ወጻኢታት ባዕልኻ ክትከፍሎ ኣለካ ማለት እውን እዩ። እዚ ዘይሰልጥ ክኸውን ይኽእል እዩ፣ ምኽንያቱ ኣብ ኔዘርላንድ ብሕጋዊ ክትሰርሕ ስለ ዘይትኽእል።

ስለዚ ድማ እዩ ወሃብቲ ክንክን ንሕክምናኻ ንምኽፋል ክጥቀሙሉ ዝኽእሉ ናይ ፋይናንስ ደንቢ ዘሎ። እዚ ድማ 'መድሕን ንዘይብሎም ወጻእተኛታት ዝምልከት ደንቢ' ይበሃል። እዚ ደንቢ ብቤት-ጽሕፈት ማእኸላይ ምምሕዳር (CAK) ዝትግበር እዩ።

ቀይሕ መስቀል ክንክን ወይ ተበጻሕነት ንምርካብ ክሕግዘካ ይኽእል። ወለንተኛታት ቀይሕ መስቀል ብዛዕባ መሰላትካን ግዴታታትካን ሓበሬታ ክህቡኻ እዮም።